Sony Xperia 1 VIII લોન્ચ પહેલા લીક : Wi-Fi 7, 5G અને નવી ડિઝાઈન સાથે આવશે

સોની ટૂંક જ સમયમાં પોતાની નવી ફ્લેગશિપ સ્માર્ટફોન Sony Xperia 1 VIII લોન્ચ કરવાની તૈયારીમાં છે . છેલ્લા કેટલાક દિવસોથી તેના વિશે અનેક લીક્સ સામે  આવી રહ્યા છે અને હવે આ ડિવાઈસ US ની FCC વેબસાઈટ પર જોવા મળતા તેની કેટલીક મુખ્ય વિગતો સામે આવી છે . આ મોડેલ ગયા વર્ષે લોન્ચ થયેલા  Xperia 1 VII નો અપગ્રેડ વર્ઝન  હશે . આ સ્માર્ટફોનમાં Wi - Fi 7, 5G કનેક્ટિવિટી અને વાયરલેસ ચાર્જિંગ સપોર્ટ મળવાની શક્યતા છે . આ ઉપરાંત 3.5mm હેડફોન જેક પણ રાખવામાં આવ્યો છે .

FCC લિસ્ટિંગ 
FCC પર FCC ID PY7- 30515Z સાથે લિસ્ટ થયેલું ડિવાઈસ Xperia 1 VIII  હોવાનું માનવામાં આવે છે . લિસ્ટિંગ મુજબ , આ સ્માર્ટફોનમાં નવા કનેક્ટિવિટી  ફીચર્સ મળશે જેમ કે Wi -Fi 7 અને 5G . આની સાથે જ તેમાં વાયરલેસ ચાર્જિંગ સપોર્ટ હોવાની શક્યતા પણ દર્શાવવામાં આવી છે . 

ખાસ વાત એ છે કે , જેમ ઘણા સ્માર્ટફોનમાં 3.5mm હેડફોન જેક ને દૂર કરવામાં આવે છે પણ આ સ્માર્ટફોનમાં આ હેડફોનને રાખવામાં આવ્યું છે .

ડિઝાઈન :
નવા લીક થયેલા રેન્ડર્સ મુજબ Xperia 1 VIII ની ડિઝાઈનમાં થોડો મોટો ફેરફાર જોવા મળી શકે છે . આ ફોનમાં ચોરસ આકારનું નવું કેમેરા મોડયુલ મળશે અને હોલ  પંચ ડિસ્પ્લે ડિઝાઈન અપનાવવામાં આવી શકે છે , જે સોની માટે નવો બદલાવ ગણી શકાય છે .

આ ફોન તમને બ્લેક , ગ્રીન અને  પર્પલ કલરમાં આવી શકે છે . કેમેરા મોડયુલ આસપાસ નાના કટઆઉટ્સ પણ જોવા મળી શકે છે , જે તેની ડિઝાઈનને વધુ અલગ  બનાવે છે .

કેમેરા :
Sony Xperia 1 VIII માં ટ્રિપલ રિયર કેમેરા સેટઅપ LED ફ્લેશ સાથે મળવાની શક્યતા છે . કંપની તેના પહેલાના મોડેલની સરખામણીમાં કેમેરા અને પરફોર્મન્સમાં  સુધારો કરી શકે છે .

Sony Xperia 1 VII માં Snapdragon 8 Elite ચિપસેટ , 12GB RAM અને 256GB સ્ટોરેજ આપવામાં આવ્યું હતું  અને તેમાં 5,000mAh બેટરી , 120Hz રિફ્રેશ  રેટ સાથે 6.5 ઈંચનું ડિસ્પ્લે પણ હતું .

સોની સામાન્ય રીતે મે મહિનામાં તેના ફ્લેગશિપ ફોન લોન્ચ કરે છે તેથી Sony Xperia 1 VIII પણ આવનારા અઠવાડિયામાં લોન્ચ થવાની શક્યતા છે .