Vivo S2 લોન્ચ પહેલા ફીચર્સ અને કિંમત લીક , 120Hz AMOLED ડિસ્પ્લે સાથે આવશે

સ્માર્ટફોન બનાવતી કંપની Vivo 6 ઓગસ્ટે ભારતમાં પોતાનો નવો Vivo S2 સ્માર્ટફોન લોન્ચ કરવા જઈ રહી છે . આ ફોનમાં MediaTek Dimensity  7360 Turbo પ્રોસેસર મળશે . તેમાં 6.83 ઇંચની 3D કર્વ્ડ AMOLED ડિસ્પ્લે હશે , જે 1.5K રિઝોલ્યુશન 120Hz રિફ્રેશ રેટ અને 3,000 nits સુધીની પીક બ્રાઇટનેસ સપોર્ટ કરશે . ડિસ્પ્લેને SGS તરફથી Low Blue Light અને Five-Star Sunlight Readable Display  સર્ટિફિકેશન પણ મળ્યું છે .

Vivo S2 સ્ટોરેજ અને કિંમત :

Vivo S2માં 8GB RAM + 128GB સ્ટોરેજ વેરિઅન્ટની કિંમત અંદાજે રૂપિયા 51,999 હોઈ શકે છે . જયારે 8GB RAM + 256GB સ્ટોરેજ વેરિઅન્ટની કિંમત રૂપિયા 55,999 રહેવાની શક્યતા છે . અહેવાલો મુજબ , ફોનનો AnTuTu સ્કોર લગભગ 9.7 લાખ છે , જે તેનો સારો કામ બતાવે છે .

Vivo S2 ફીચર્સ :

આ સ્માર્ટફોનમાં MediaTek Dimensity 7360 Turbo ચિપસેટ , 7,050mAh બેટરી , AI આધારિત ફીચર્સ અને ડયુઅલ સ્ટીરિયો સ્પીકર્સ મળશે . ફોન OriginOS 6 પર ચાલશે અને તેની જાડાઈ માત્ર 7.99mm હશે .

Vivo S2ને સિલ્ક વ્હાઇટ , સેફાયર બ્લૂ અને રીગલ બ્રોન્ઝ એમ ત્રણ કલરમાં લોન્ચ કરવામાં આવશે . તેનું વેચાણ Vivoના ઓનલાઈન સ્ટોર , Amazon અને પસંદગીના રિટેલ સ્ટોર્સ પર થશે .

Vivo S2 કેમેરા :

કેમેરાની વાત કરીએ તો , ફોનના પાછળના ભાગમાં 50 મેગાપિક્સલનો Sony IMX852 મુખ્ય કેમેરો આપવામાં આવશે . જયારે સેલ્ફી અને વિડીયો કોલિંગ માટે 32 મેગાપિક્સલનો ફ્રન્ટ કેમેરો મળશે . ખાસ વાત એ છે કે બંને કેમેરાથી 4K વિડીયો રેકોર્ડિંગ કરી શકાશે .

આ સિવાય Vivo ટૂંક સમયમાં Vivo X500 Pro પણ લોન્ચ કરી શકે છે . તેમાં MediaTek Dimensity 9600 Pro પ્રોસેસર , 6.37 ઇંચની ફ્લેટ LTPO ડિસ્પ્લે , 1.5K રિઝોલ્યુશન અને 144Hz રિફ્રેશ રેટ મળવાની શક્યતા છે . આ ફોન ગયા વર્ષે લોન્ચ થયેલા Vivo X300 Proનું અપગ્રેડેડ મોડેલ બની શકે છે .