Vivo T5 Pro 5G માં Snapdragon 7s Gen 4 અને 9,020mAh બેટરી મળવાની શક્યતા

Vivo T5 Pro 5G આવતા અઠવાડિયે ભારતમાં લોન્ચ થવા જઈ રહ્યું છે , તેવી સત્તાવાર જાહેરાત કંપનીએ કરી હતી . આ સ્માર્ટફોન Vivoની મિડ રેન્જ T- સિરીઝમાં નવી ઉમેરા તરીકે રજૂ થશે . લોન્ચ પહેલા જ આ ફોન માટે ઈ કોમર્સ પ્લેટફોર્મ પર માઈક્રોસાઇટ લાઈવ થઈ ગઈ છે , જેનાથી ડિવાઈસના કેટલાક મુખ્ય ફીચર્સ અને ડિઝાઈન  વિશે માહિતી મળી રહી છે . આ વચ્ચે એક નવી લીકમાં ફોનની સંભવિત કિંમત અને સ્પેસિફિકેશન્સ પણ જાણવા મળી છે , જેનાથી આ ફોન  ટેક સર્કલમાં ચર્ચાનો વિષય બની ગયો છે . 

Vivo T5 Pro 5G ની કિંમત:

લીક મુજબ , Vivo T5 Pro 5G ની કિંમત ભારતમાં આશરે રૂપિયા 30,000 થી શરૂ થઈ શકે છે , જયારે આના ટોપ વેરિઅન્ટ 12GB RAM અને 256GB સ્ટોરેજ  સાથે રૂપિયા 36,999 સુધી પહોંચી શકે છે . આનાથી એવું લાગે છે કે નવું મોડેલ થોડોક મોંઘો હશે . Vivo T4 Pro ઓગસ્ટ 2025માં રૂપિયા 27,999 ની  શરૂઆતની કિંમતે લોન્ચ થયો હતો .

Vivo T5 Pro 5G સ્પેસિફિકેશન્સ:

હવે વાત કરીએ સ્પેસિફિકેશન્સની તો , Vivo T5 Pro 5G ગિકબેન્ચ પર મોડેલ નંબર V2568 સાથે જોવા મળ્યો છે .  આ લિસ્ટિંગ એવું બતાવે છે કે ફોનમાં Qualcomm   નો Snapdragon 7s Gen 4 ચિપસેટ મળી શકે છે . તેમાં 1.80GHz ના ચાર પ્રોસેસર કોર , 2.40GHz ના ત્રણ પરફોર્મન્સ કોર અને 2.71GHz નો એક પ્રાઈમ કોર  હોવાની શક્યતા છે . સાથે જ આ હેન્ડસેટ Android 16 અને 12GB RAM સાથે આવી શકે છે . બેન્ચમાર્ક સ્કોર મુજબ , તેને સિંગલ  કોરમાં 1,214 અને મલ્ટી કોરમાં 3,146 પોઇન્ટ મળ્યા હોવાનું કહેવાય છે .

ફીચર્સમાં Vivo T5 Pro 5Gમાં 1.5K AMOLED ડિસ્પ્લે અને મોટી 9,020mAh બેટરી મળવાની અપેક્ષા છે , જે લાંબી બેટરી લાઈફ આપશે . આ સ્માર્ટફોન 15 એપ્રિલે બપોરે 12 વાગ્યે IST પર લોન્ચ થશે અને ફ્લિપકાર્ટ પર વેચાણ માટે ઉપલબ્ધ થશે .

કંપનીએ હજુ સુધી કોઈ સત્તાવાર કિંમત અને સ્પેસિફિકેશન્સ જાહેર કર્યા નથી