Vivo T5x 5G ની એન્ટ્રી ભારતમાં , રૂપિયા 18,999થી શરૂ

ચીનની સ્માર્ટફોન નિર્માતા Vivo કંપનીએ મંગળવારે ભારતમાં પોતાનો નવો Vivo T5x 5G  સ્માર્ટફોન લોન્ચ કર્યો છે . આ ફોન T- સીરીઝમાં નવા ફોન તરીકે શામેલ થયો છે . આ ફોનને વધુ પાવરફુલ બેટરી અને સારા પરફોર્મન્સ માટે ડિઝાઇન કરવામાં આવ્યો છે . આ ફોનમાં Media Tek Dimensity 7400 ટર્બો ચિપસેટ અને 8GB સુધીની RAM , 256GB સુધી સ્ટોરેજ આપવામાં આવી છે . આ હેન્ડસેટ આવતા અઠવાડિયે Flipkart અને Vivo India ના વેબસાઈટ  પર  વેચાણ માટે ઉપલબ્ધ બનશે . આ ફોન બે કલર વિકલ્પમાં મળશે. જે Cyber Green અને Star  Silver છે.

કિંમત અને ઉપલબ્ધતા :
ભારતમાં Vivo T5x 5G ની શુરુઆતની કિંમત રૂપિયા 18,999 રાખવામાં આવી છે , જે 6GB +128GB વેરિઅન્ટ માટે છે . 8GB +128GB મોડેલની કિંમત રૂપિયા 20,999 ની છે , જયારે આના ટોપ વેરિઅન્ટ 8GB +256GBની કિંમત રૂપિયા 22,999 છે . આ ફોન 24 માર્ચથી Flipkart , Vivo ના ઓનલાઇન સ્ટોર અને  ઓફલાઈન રિટેલ સ્ટોર્સ પર મળશે .  

ઓફર્સની વાત કરીએ તો HDFC , Axis અને SBI બેંક કાર્ડ અથવા UPI પેમેન્ટ પર રૂપિયા 2,000 સુધીનું ઇન્સ્ટન્ટ ડિસ્કાઉન્ટ મળશે . આ ઉપરાંત 6 મહિના સુધી નો- કોસ્ટ EMI અને Jio ના પસંદગીના પ્લાન સાથે 6 મહિના માટે 10 OTT એપ્સ પણ ફ્રી હશે .

ડિસ્પ્લે અને સોફ્ટવેર :
Vivo T5x 5G ડયુઅલ સિમ સપોર્ટ સાથે આવે છે અને તેમાં Android 16 આધારિત OriginOS 6 પર ચાલે છે . તેમાં 6.76 ઈંચનું ફૂલ HD +LCD ડિસ્પ્લે છે , જે 120Hz રિફ્રેશ રેટ અને 1200 nits સુધીની પીક બ્રાઇટનેસ આપે છે . આની સાથે જ TUV Rheinland Low Blue Light સર્ટિફિકેશન મળ્યું છે .

પરફોર્મન્સ અને સ્ટોરેજ :
આ ફોનમાં Media Tek Dimensity 7400 ટર્બો ઓક્ટા કોર પ્રોસેસર આપવામાં આવ્યું છે , જે સ્મૂથ પરફોર્મન્સ આપે છે . તેમાં 8GB સુધી RAM અને 256GB સુધી  ઇન્ટર્નલ સ્ટોરેજ મળે છે .

કેમેરા :
ફોટોગ્રાફી માટે ફોનમાં ડયુઅલ રિયર કેમેરા સેટઅપ છે , જેમાં 50MP Sony IMX852 પ્રાઈમરી સેન્સર અને 2MP બોહેક લેન્સ છે . સેલ્ફી અને વિડીયો કોલ માટે 32MP ફ્રન્ટ કેમેરા આપવામાં આવ્યો છે .

બેટરી :
Vivo T5x 5G માં 7,200mAh ની મોટી બેટરી આપવામાં આવી છે , જે 44W ફાસ્ટ ચાર્જિંગને સપોર્ટ કરે છે . આ ફોનની બેટરી એક જ વખત ચાર્જ કરવાથી 40 કલાક સુધી વિડીયો પ્લેબેક અને 93 કલાક સુધી મ્યુઝિક પ્લેબેક આપી શકે છે .

કનેક્ટિવિટી માટે આ ફોનમાં 5G, Bluetooth 5.4, Wi-Fi, GPS અને USB Type-C પોર્ટ જેવા વિકલ્પો મળી રહેશે . આ ફોન IP68 અને IP69 રેટિંગ સાથે આવે છે .આ ફોનનું વજન લગભગ 219 ગ્રામ છે અને તેનો ડિઝાઇન પ્રીમિયમ અનુભવ આપે છે .