Vivo V70 FE મિડ-રેન્જમાં ધમાકો , શક્તિશાળી ફીચર્સ અને આકર્ષક ઓફર્સ સાથે

Vivo કંપનીએ ગુરુવારે ભારતીય બજારમાં Vivo V70 FE ને મિડ -રેન્જ સ્માર્ટફોન તરીકે રજૂ કર્યો છે . આ સ્માર્ટફોનમાં પ્રીમિયમ ફીચર્સનો સમાવેશ કરવામાં આવ્યો છે , જેમાં મોટો OLED ડિસ્પ્લે , શક્તિશાળી 200 મેગાપિક્સલનો મુખ્ય કેમેરા અને 7,000mAhની  મોટી બેટરીનો સમાવેશ થાય છે . આ ફોનમાં Media Tek Dimensity  7360 Turbo ચિપસેટ પર ચાલે છે અને તેમાં AI આધારિત સુવિધાઓ આપવામાં  આવી છે . આ ડિવાઇસ OriginOS 6 પર આધારિત  છે અને કંપની દ્રારા છ વર્ષ સુધી અપડેટ્સ આપવાની ખાતરી મળે છે .

Vivo V70 FE કિંમત અને ઉપલબ્ધતા :
Vivo V70 FE ની શરૂઆતની કિંમત 8GB RAM અને 128GB સ્ટોરેજ વેરિઅન્ટ માટે રૂપિયા 37,999 રાખવામાં આવી છે . જયારે આના બીજા વેરિઅન્ટ 8GB RAM + 256GB અને 12GB RAM + 256GB વિકલ્પોની કિંમત અનુક્રમે રૂપિયા 40,999 અને 44,999 રાખવામાં આવી છે . આ ફોન મોન્સૂન બ્લુ અને નોર્ધન લાઇટ્સ પર્પલ કલરમાં ઉપલબ્ધ રહેશે  . ગ્રાહકો આ ફોનને Vivoની વેબસાઈટ તેમજ Flipkart અને Amazon પરથી ખરીદી શકે છે .  આ હેન્ડસેટ  માટે પ્રી-ઓર્ડર શરૂ થઇ ગયા છે અને 9 એપ્રિલથી આનું વેચાણ શરૂ થશે .

હાલમાં ગ્રાહકોને નવી અને આકર્ષક ઓફર્સ પણ મળી રહી છે . કંપની તરફથી Vivo TWS 3e ઈયરબડ્સ ડિસ્કાઉન્ટમાં મળશે . SBI , American Express , Yes  Bank અને Bank Of Baroda કાર્ડ્સ પર 10 ટકા સુધી કેશબેક અથવા ઇન્સ્ટન્ટ ડિસ્કાઉન્ટ આપવામાં આવી રહ્યા છે . સાથે જ નો-કોસ્ટ EMI અને એક્સચેન્જ બોનસ જેવી સુવિધાઓ પણ ઉપલબ્ધ છે .

સ્પેસિફિકેશન્સ અને ફીચર્સ :
Vivo V70 FE માં 6.83 ઈંચનું 1.5K OLED ડિસ્પ્લે છે , જે 120Hz રિફ્રેશ રેટ અને 1,900nits પીક બ્રાઇટનેસ સપોર્ટ કરે છે . આ સ્માર્ટફોન 4nm ના ઓક્ટા-કોર  ચિપસેટથી સંચાલિત છે અને 12GB સુધી RAM તથા 512GB સુધી સ્ટોરેજ સાથે આવે છે .

કેમેરાની વાત કરીએ તો આ ફોનમાં 200MP મુખ્ય સેન્સર સાથે OIS સપોર્ટ કરવામાં આવ્યો છે , જયારે 8MP અલ્ટ્રાવાઇડ કેમેરા અને 50MP ફ્રન્ટ કેમેરા આપવામાં આવ્યો છે . AI આધારિત ફોટોગ્રાફી ફીચર્સ જેમ કે AI મેજિક લેન્ડસ્કેપ અને 30x સુપર ઝૂમ પણ આપવામાં આવ્યા છે .

આ ફોનમાં ડયુઅલ સ્પીકર્સ , IP68/IP69 વોટર અને ડસ્ટ રેસિસ્ટંસ અને ગ્લો ટેક્નોલોજી છે . 7,000mAh બેટરી સાથે 90W ફાસ્ટ ચાર્જિંગ સપોર્ટ છે , જે ફોનને  લગભગ 60 મિનિટમાં પૂર્ણ ચાર્જ કરી દે છે .કનેક્ટિવિટી માટે 5G , Wi-Fi , Bluetooth 5.4 અને USB Type-C  જેવા વિકલ્પો ઉપલબ્ધ છે .