Vivo V80 Lite 5G માં મળી શકે 6.83 ઇંચ AMOLED ડિસ્પ્લે અને 7,050mAh બેટરી

સ્માર્ટફોન કંપની Vivo ટૂંક સમયમાં પોતાનો નવો Vivo V80 Lite 5G લોન્ચ કરી શકે છે . આ ફોનમાં 6.83 ઇંચની AMOLED ડિસ્પ્લે મળવાની શક્યતા છે . તે આ વર્ષે જૂનમાં લોન્ચ થયેલા Vivo V70 Lite 5Gનું અપગ્રેડેડ મોડેલ હોઈ શકે છે . એવી પણ ચર્ચા છે કે આ ફોન ભારતમાં તાજેતરમાં લોન્ચ થયેલા Vivo S2નું રિબ્રાન્ડેડ વર્ઝન હોઈ શકે છે .

Vivo V80 Lite 5Gને Google Playની Supported Devices લિસ્ટમાં V2576, V2643 અને V2644 મોડેલ નંબર સાથે જોવામાં આવ્યો છે . જોકે , આ લિસ્ટિંગમાં ફોનના ફીચર્સ વિશે કોઈ માહિતી આપવામાં આવી નથી . પરંતુ V2576 મોડેલ નંબર Vivo S2 સાથે જોડાયેલો હોવાથી માનવામાં આવે છે કે આંતરરાષ્ટ્રીય બજારમાં Vivo S2ને Vivo V80 Lite 5G  નામથી લોન્ચ કરવામાં આવી શકે છે .

Vivo V80 Lite 5G ફીચર્સ :

જો આ માહિતી સાચી સાબિત થાય , તો Vivo V80 Lite 5G માં Vivo S2 જેવા જ ફીચર્સ મળી શકે છે . તેમાં 6.83 ઇંચની 1.5K AMOLED ડિસ્પ્લે , 120Hz રિફ્રેશ રેટ અને 3,000 nits સુધીની પીક બ્રાઇટનેસ મળી શકે છે . ફોનમાં MediaTek Dimensity 7360 Turbo પ્રોસેસર આપવામાં આવી શકે છે .

Vivo V80 Lite 5G કેમેરા :

ફોટોગ્રાફી માટે ફોનમાં 50 મેગાપિક્સલનો મુખ્ય રિયર કેમેરા અને સેલ્ફી તેમજ વિડીયો કોલિંગ માટે 32 મેગાપિક્સલનો ફ્રન્ટ કેમેરો મળવાની શક્યતા છે . ભારતમાં Vivo S2 હાલમાં 8GB + 128GB અને 8GB + 256GB સ્ટોરેજ વિકલ્પોમાં ઉપલબ્ધ છે .

Vivo V80 Lite 5G બેટરી :

ફોનમાં 7,050mAhની મોટી બેટરી આપવામાં આવી શકે છે , જે 44W FlashCharge ફાસ્ટ ચાર્જિંગને સપોર્ટ કરશે . આ ઉપરાંત સુરક્ષા માટે તેમાં ઈન - ડિસ્પ્લે ફિંગરપ્રિન્ટ સેન્સર પણ મળી શકે છે .

જો સરખામણી કરીએ તો Vivo V70 Lite 5Gમાં 6.77 ઇંચની AMOLED ડિસ્પ્લે , MediaTek Dimensity 7400 Turbo પ્રોસેસર , 50 મેગાપિક્સલનો Sony મુખ્ય કેમેરા અને 6,500mAhની બેટરી આપવામાં આવી છે , જે 90W ફાસ્ટ ચાર્જિંગને સપોર્ટ કરે છે .