200MP કેમેરા અને 7000mAh બેટરી સાથે આવી શકે Vivo X Fold 6, Xiaomi પણ તૈયાર

2026 માં ફોલ્ડેબલ સ્માર્ટફોન માર્કેટ ફરી એકવાર ઝડપથી આગળ વધી રહી છે . ચીનમાં Honor Magic V6 અને Oppo Find N6 જેવા નવા મોડલ્સના લોન્ચ  સાથે આ ટ્રેન્ડની શરૂઆત થઈ ગઈ છે .  હવે અન્ય મોટી કંપનીઓ પણ પોતાના નવા ફોલ્ડેબલ ફોન લાવવા તૈયાર છે . રિપોર્ટ મુજબ , Vivo અને Xiaomi પણ ટૂંક સમયમાં પોતાના નવા ફોલ્ડેબલ ડિવાઈસ લોન્ચ કરી શકે છે . Vivo તેના ફોલ્ડેબલમાં 200MP કેમેરા અને મોટી 7000mAh બેટરી આપી  શકે છે , જયારે Xiaomi નવા Xring O3 ચિપસેટ સાથે Q3 2026 માં લોન્ચ કરવાની તૈયારીમાં છે .

સૌથી પહેલા વાત કરીએ Vivo ના નવા આવતા ફોલ્ડેબલ ફોનની . આ ફોનનું  નામ Vivo X Fold 6 હોઈ શકે છે . લીક્સ અનુસાર , કંપની આ વખતે ખાસ કરીને   બેટરી અને કેમેરા વધુ ધ્યાન  આપી રહી છે .આ ફોનમાં 200 મેગાપિક્સલનો મુખ્ય કેમેરો મળી શકે છે , જે ફોલ્ડેબલ ફોન માટે ખૂબ જ શક્તિશાળી માનવામાં  આવે છે .  સાથે સાથે તેમાં લગભગ 7,000mAh જેટલી મોટી બેટરી હોવાની પણ શક્યતા છે , જે લાંબા સમય સુધી ઉપયોગ માટે મદદ કરશે .

આની સૌથી સારી વાત એ છે કે મોટી બેટરી હોવા છતાં ફોન પાતળો અને હલકો રહે તેવી અપેક્ષા છે . પરફોર્મન્સ માટે તેમાં Snapdragon 8 Gen 5 પ્રોસેસર  મળી શકે છે , જે ફાસ્ટ અને સ્મૂથ એક્સપિરિયન્સ આપશે . રિપોર્ટ મુજબ આ ફોન જૂન મહિનાની આસપાસ લોન્ચ થઈ શકે છે .

હવે વાત કરીએ Xiaomi ના ફોલ્ડેબલ ફોનની . આ ફોનનું નામ Xiaomi Mix Fold 6 હોવાની શક્યતા છે . Xiaomi આ વખતે તેના ફોનમાં નવો પ્રોસેસર લાવી  શકે છે . જેને Xring O3 કહેવામાં આવી રહ્યું છે . આ કંપનીનો પોતાનો ચિપસેટ હોઈ શકે છે , જે ગયા વર્ષની ચીપનો અપગ્રેડ વર્ઝન હશે .

લીક્સ મુજબ , Xiaomi તેનો આ ફોલ્ડેબલ ફોન 2026માં લોન્ચ કરવાની યોજના બનાવી રહી છે . એટલે કે , Vivo અને Xiaomi બંને કંપનીઓ ટૂંક સમયમાં ફોલ્ડેબલ માર્કેટમાં  મજબૂત સ્પર્ધા આપવા જઈ રહી છે . ટૂંકમાં કહીંએ તો , 2026 માં ફોલ્ડેબલ ફોન માર્કેટમાં નવી ટેક્નોલોજી અને અપગ્રેડસ સાથે મોટા લોન્ચ  જોવા મળશે .