Vivo X300 Ultraમાં સિનેમા સ્ટાઇલ વિડીયો રિકોર્ડિંગ ફીચર્સ , 30 માર્ચે લોન્ચ થવાની શક્યતા

Vivoનો નવો આવનારો Vivo X300 Ultra સ્માર્ટફોન 30 માર્ચે લોન્ચ થવાની શયક્તા છે . લોન્ચ પહેલા કંપનીના પ્રોડક્ટ મેનેજર હાન બોક્સિયાઓએ ફોનની  વિડીયો  રિકોર્ડિંગ વિશે કેટલીક નવી માહિતી શેર કરી છે .  તેમને જણાવ્યા અનુસાર આ ફોનને ખાસ કરીને તેની વિડીયો રિકોર્ડિંગ માટે તૈયાર કરવામાં આવ્યો  છે . કંપનીનું કહેવું છે કે  Vivo X300 Ultra  પહેલા આવેલા  Vivo X200 Proના વિડીયો ફીચર્સને વધુ સારો બનાવશે . આ નવા મોડેલમાં હાર્ડવેર પ્રોસેસિંગ , શૂટિંગ કંટ્રોલ અને પોસ્ટ પ્રોડક્શન માટે વધુ સારા વિકલ્પો મળી રહેશે , જેથી કન્ટેન્ટ ક્રિએટર્સને વધુ સુવિધા મળશે .

આ ફોનની સૌથી મોટી ખાસિયત આની  4K 120fps 10 bit Log વિડીયો રેકોર્ડિંગ છે . આનાથી અગાઉના મોડેલમાં 4K 60fps Log વિડીયો હતી , જયારે નવા ફોનમાં  ફ્રેમ રેટ વધીને 120fps સુધી પહુંચી છે . તેની મદદથી વિડીયો સ્મૂથ બને છે અને એડિટિંગ દરમિયાન વધુ વિકલ્પો મળી રહેશે .

આ ફોનમાં ત્રણ રિયર કેમેરા છે જે સમાન વિડીયો ક્વોલિટીને સપોર્ટ કરશે . એટલે કે તમે કોઈ પણ લેન્સનો ઉપયોગ કરો , તમને પરિણામ સમાન મળશે . આ ફોનમાં નવો પ્રોફેશનલ વિડીયો મોડ પણ છે , જેમાં રેકોર્ડિંગ દરમિયાન જરૂરી માહિતી સ્પષ્ટ રીતે દેખાશે . આ ઉપરાંત Log વિડીયો રેકોર્ડ કરતી વખતે 3D LUT કલર પ્રોફાઈલનું પ્રિવ્યુ પણ જોઈ શકાશે . જેનાથી ક્રિએટર્સને વીડિયોના કલર અને ટોન તરત મળી શકે .

પોસ્ટ પ્રોડકશન માટે ફોન APV 422 પ્રોફેશનલ વિડીયો એન્કોડિંગ સપોર્ટ કરે છે . આ ફોર્મેટથી  કલર ક્વોલિટી અને એડિટિંગ વધુ સારી રીતે થાય છે .  Vivoના  જણાવ્યા મુજબ , લોગ વિડીયોને ફિલ્મમેકિંગમાં ઉપયોગ થતી ACES કલર સિસ્ટમ સાથે સરળતાથી ઉપયોગ કરી શકાય છે .

Vivo X300 Ultraમાં 4K 120fps 10 bit Log વિડીયો રેકોર્ડિંગ જેવી કેમેરા ક્ષમતા મળશે આથી વધુ સ્મૂથ અને પ્રોફેશનલ વિડીયો શૂટિંગ શક્ય બનાવશે . વર્તમાન સમયમાં Vivo X300 એ ફ્લેગશિપ ફોન છે .

નવા અહેવાલો મુજબ 30 માર્ચના લોન્ચ ઇવેન્ટમાં Vivo X300 Ultra સાથે Vivo X300s સ્માર્ટફોન અને Vivo Pad 6 Pro ટેબ્લેટ પણ લોન્ચ થવાની શક્યતા છે .