પ્રીમિયમ કેમેરા અને શક્તિશાળી ફીચર્સ સાથે Vivo X300 સિરીઝનો વિસ્તરણ

Vivo એ તેના ફ્લેગશિપ સ્માર્ટફોન Vivo X300 Ultra અને Vivo X300 FE ની ભારત લોન્ચ તારીખ સત્તાવાર રીતે જાહેર કરી છે . બંને ડિવાઈસ આવતા મહિને  ભારતીય બજારમાં એન્ટ્રી કરશે . કંપનીએ પોતાની માઈક્રોસાઈટ્સ અને સોશિયલ મીડિયા પોસ્ટ્સ દ્રારા ફોનની ડિઝાઈન , કલર વિકલ્પો અને મુખ્ય ફીચર્સ વિશે  માહિતી આપી છે . Vivo X300 Ultra માર્ચમાં ચીનમાં લોન્ચ થયો હતો , જયારે  Vivo X300 FEપહેલાથી જ કેટલાક વૈશ્વિક બજારોમાં ઉપલબ્ધ છે  .  આ નવા લોન્ચથી Vivo ભારતમાં તેની X300 સિરીઝને વધારે છે .

 Vivo X300 Ultra અને Vivo X300 FE  ભારતમાં  લોન્ચ તારીખ અને ડિઝાઈન 

કંપનીના બતાવ્યા અનુસાર , Vivo X300 Ultra અને Vivo X300 FE ભારતમાં 6 મેના રોજ બપોરે 12 વાગ્યે લોન્ચ થશે .  Vivo X300 FE  લીલાક પર્પલ , નોઇર બ્લેક અને અર્બન ઓલિવ જેવા  આકર્ષક કલરમાં ઉપલબ્ધ રહેશે . આ સ્માર્ટફોન માત્ર 7.99mm પાતળો અને વજનમાં 191 ગ્રામ છે , જેથી  તેને પકડવામાં  સરળતા રહેશે . તેમાં AG ફિનિશ આપવામાં આવી છે , જે પ્રીમિયમ લુક અને ફીલ આપે છે .
 

The Vivo X300 FE  ફોન Zeiss Telephoto Extender Gen 2 એક્સેસરીને સપોર્ટ કરે છે
Photo Credit: Vivo

Vivo X300 FE  સ્પેસિફિકેશન્સ 

Vivo X300 FE  માં Snapdragon 8 Gen 5 પ્રોસેસર સાથે LPDDR5x RAM અને USF 4.1 સ્ટોરેજ મળશે . તેમાં 6,500 ની મોટી બેટરી છે , જે 90W વાયર્ડ અને 40W વાયરલેસ ચાર્જિંગને સપોર્ટ કરે છે .

કેમેરાની વાત કરીએ તો, આ ફોનમાં Zeiss સાથે મળીને બનાવાયેલ 50MP Sony IMX921 મુખ્ય સેન્સર મળશે . સાથે 50MP ટેલિફોટો લેન્સ (3x ઓપ્ટિકલ અને 100x ડિજિટલ ઝૂમ ) અને 8MP અલ્ટ્રાવાઇડ કેમેરા છે . સેલ્ફી માટે 50MP વાઈડ - એંગલ ફ્રન્ટ કેમેરા આપવામાં આવ્યો છે . તેમાં Zeiss મલ્ટીફોકલ  પોર્ટ્રેટ મોડ , એડેપ્ટિવ ઝૂમ ફ્લેશ અને સ્ટ્રીટ ફોટોગ્રાફી મોડ જેવી સુવિધાઓ શામેલ છે .

આ ઉપરાંત , ફોન Zeiss Telephoto Extender Gen 2 એક્સેસરીને સપોર્ટ કરે છે , જે  200mm ફોકલ લંબાઈ આપે છે . OriginOS આધારિત AI ફીચર્સ , મેમરી  ફ્યુઝન અને ક્રોસ - ડિવાઈસ શેરિંગ પણ મળશે .

Vivo X300 Ultra : પ્રીમિયમ કેમેરા 

Vivo X300 Ultra Eclipse Black અને Victory Green કલરમાં આવશે . તેમાં કેમેરા માટે નર્લ્ડ ટેક્સચર ફિનિશ હશે . આ સ્માર્ટફોનમાં Zeiss Master Lenses  સિસ્ટમ આપવામાં આવી છે , જેમાં 50MP અલ્ટ્રાવાઇડ , 200MP મુખ્ય અને 200MP ટેલિફોટો કેમેરાનો સમાવેશ થાય છે . આ ફોન બાહરના ટેલિફોટો  લેન્સ (200mm અને 400mm ) ને પણ સપોર્ટ કરે છે અને ફોટોગ્રાફર કિટ સાથે આવશે , જેમાં ઇમેજિંગ ગ્રિપ , ટ્રાઇપોડ અને અન્ય એસેસરીઝ શામેલ  છે .

વિડીયો માટે , તેમાં 4K 120fps  રેકોર્ડિંગ , Dolby Vision , 10 - bit Log અને ACES સપોર્ટ જેવી પ્રોફેશનલ સુવિધાઓ આપવામાં આવી છે . સાથે જ 60fps  ઓટોફોક્સ ટ્રેકિંગ અને સ્લો - મોશન રેકોર્ડિંગ પણ ઉપલબ્ધ છે .

Vivo X300 Ultra માં Snapdragon 8 Elite Gen 5 પ્રોસેસર , 6,600mAh બેટરી અને 100W વાયર્ડ + 40W વાયરલેસ ચાર્જિંગ સપોર્ટ છે . તેમાં  હીટ મેનેજમેન્ટ માટે વેપર ચેમ્બર કૂલિંગ સિસ્ટમ છે . કંપનીએ ખાતરી આપી છે કે આ ફોનને 5 વર્ષ સુધી OS અપડેટ્સ અને 7 વર્ષ સુધી સિક્યોરિટી અપડેટ્સ મળશે  .

આ રીતે Vivo X300 Ultra અને X300 FE ભારતીય બજારમાં પ્રીમિયમ ડિઝાઈન , શક્તિશાળી પરફોર્મન્સ અને એડવાન્સ્ડ કેમેરા ફીચર્સ સાથે ધમાકેદાર  એન્ટ્રી  કરવા તૈયાર છે .