Vivo X300e લોન્ચનો કાઉન્ટડાઉન પૂરો , જાણો ફોનના તમામ સંભવિત ફીચર્સ

Vivo આજે પોતાના નવા સ્માર્ટફોન Vivo X300e ને લોન્ચ  કરવા જઈ રહી છે . છેલ્લા કેટલાક દિવસોમાં વિવિધ સર્ટિફિકેશન અને લીક્સ દ્રારા ફોનના મોટાભાગના સ્પેસિફિકેશન્સ સામે આવી ચુક્યા છે . કંપની આ સ્માર્ટફોનને પહેલા ચીનના બજારમાં રજૂ કરશે . લોન્ચ ઇવેન્ટ બાદ ફોનની કિંમત અને ઉપલબ્ધતા અંગે પણ સત્તાવાર માહિતી જાહેર કરવામાં આવશે .

આજે લોન્ચ થશે ઇવેન્ટ :

Vivo X300eનું લોન્ચ ઇવેન્ટ આજે , 27 ઓગસ્ટ , ચીનમાં યોજાશે . કંપની પોતાના અધિકૃત સોશિયલ મીડિયા પ્લેટફોર્મ્સ પર ઇવેન્ટનું લાઈવ સ્ટ્રીમિંગ કરશે . લોન્ચ પહેલા મળેલી માહિતી મુજબ કંપની ફોનને ત્રણ કલર વિકલ્પોમાં રજૂ કરી શકે છે .

Vivo X300eના અપેક્ષિત સ્પેસિફિકેશન્સ :

લીક્સ મુજબ Vivo X300eમાં 6.59 ઈંચનું હાઈ - રિઝોલ્યુશન ડિસ્પ્લે આપવામાં આવી છે .પરફોર્મન્સ માટે તેમાં Qualcommનો Snapdragon 8 Gen 5 પ્રોસેસર મળશે , જે મહત્તમ 3.8GHz ક્લોક સ્પીડ સાથે કામ કરશે . ફોન 8GB + 256GB , 12GB + 256GB અને 12GB + 512GB સ્ટોરેજ વિકલ્પોમાં આવી શકે છે .

Vivo X300e કેમેરા અને બેટરી :

ફોટોગ્રાફી માટે ફોનમાં ટ્રિપલ રિયર કેમેરા સેટઅપ મળવાની શક્યતા છે . તેમાં 50 મેગાપિક્સલનો પ્રાઈમરી કેમેરા , 50 મેગાપિક્સલનો અલ્ટ્રા - વાઈડ કેમેરા અને 8 મેગાપિક્સલનો ત્રીજો સેન્સર હોઈ શકે છે . સેલ્ફી અને  વિડીયો કોલિંગ માટે 50 મેગાપિક્સલનો ફ્રન્ટ કેમેરો આપવામાં આવી શકે છે .

ફોનમાં 7,200mAhની મોટી બેટરી સાથે ફાસ્ટ ચાર્જિંગ સપોર્ટ મળશે . આ ઉપરાંત , ફોન Android 16 પર આધારિત Funtouch OS સાથે આવી શકે છે .

કલર ઓપ્શન અને અન્ય ફીચર્સ :

લીક્સ અનુસાર Vivo X300eને Moonlight White , Sunlight Orange અને Midnight Black કલર વિકલ્પોમાં રજૂ કરવામાં આવી શકે છે . ફોનનું કદ 157.52 x 74.33 x 7.99mm અને વજન આશરે 203 ગ્રામ હોઈ શકે છે .

કનેક્ટિવિટી માટે તેમાં NFC , Bluetooth , Wi-Fi  અને USB Type-C જેવા વિકલ્પો મળશે . સુરક્ષા માટે ફોનમાં ઈન - ડિસ્પ્લે ફિંગરપ્રિન્ટ સ્કેનર આપવામાં આવી શકે છે .