Vivo X500 સિરીઝ વર્ષના અંતમાં થઈ શકે છે લોન્ચ , નવા Dimensity ચિપસેટ સાથે આવશે ફોન

ચાઈનીઝ સ્માર્ટફોન નિર્માતા Vivo આ વર્ષના અંત સુધીમાં તેની અગામી ફ્લેગશિપ Vivo X500 સિરીઝ લોન્ચ કરી શકે છે . જોકે કંપનીએ હજુ સુધી સત્તાવાર જાહેરાત કરી નથી , પરંતુ છેલ્લા કેટલાક અઠવાડિયાઓથી આ લાઇનઅપને લઈને અનેક લીક્સ અને અહેવાલો સામે આવી રહ્યા છે . નવી રિપોર્ટ અનુસાર , Vivo X500  સિરીઝમાં શરૂઆતમાં ત્રણ મોડેલ રજૂ થઈ શકે છે , જેમાં સ્ટાન્ડર્ડ Vivo X500 , Vivo X500 Pro અને Vivo X500 Pro Max  નો સમાવેશ થવાની શક્યતા છે . અહેવાલ મુજબ . Vivo X500 Pro Max માં 8,000mAh બેટરી અને Media Tek Dimensity  9600 Pro ચિપસેટ આપવામાં આવી શકે છે  

Vivo X500 , Vivo X500 Pro અને Vivo X500 Pro Max  ફીચર્સ :

લીક્સ મુજબ , Vivo X500 Pro Max માં અત્યાર સુધીની Vivo X - સિરીઝની સૌથી મોટી બેટરી આપવામાં આવી શકે છે . કહેવામાં આવે છે કે કંપની હાલમાં  8,000mAh બેટરી ધરાવતા પ્રોટોટાઈપનું ટેસ્ટ કરી રહી છે . જો આ માહિતી સાચી સાબિત થાય તો , આ સ્માર્ટફોન Vivo ના અત્યાર સુધીના સૌથી  વધુ  બેટરી ક્ષમતા ધરાવતા ફ્લેગશિપ ફોનમાંનો એક બની શકે છે .

Vivo X500 Pro Max માં Media Tek Dimensity 9600 Pro પ્રોસેસર આપવામાં આવી શકે છે . આ ચિપસેટ 2nm પ્રોસેસ ટેક્નોલોજી પર આધારિત હોવાની  શક્યતા છે . હાલમાં Vivo X300 Ultra માં 6,600mAh બેટરી આપવામાં આવી છે , જયારે Vivo X300s માં 7,100mAh બેટરી છે . આવી સ્થિતિમાં  Vivo X500 Pro Max બેટરીના મામલે મોટો  અપગ્રેડ સાબિત થઈ શકે છે .

ડિસ્પ્લે સંબંધિત લીક્સમાં જણાવાયું છે કે સ્ટાન્ડર્ડ Vivo X500 માં 6.59 ઇંચ સ્ક્રીન મળી શકે છે . Vivo X500 Proમાં 6.31 ઇંચની કોમ્પેકટ ડિસ્પ્લે આપવામાં આવી શકે છે , જયારે ટોપ મોડેલ Vivo X500 Pro Maxમાં 6.85 ઇંચની મોટી સ્ક્રીન મળવાની શક્યતા છે .

હવે વાત કરીએ કેમેરાની તો , Vivo X500 Pro Maxમાં 50 - મેગાપિક્સલનો પ્રાઈમરી કેમેરા આપવામાં આવી શકે છે , જેમાં LOFIC ટેક્નોલોજીનો સમાવેશ થવાની શક્યતા છે . સાથે જ, તેમાં 200 - મેગાપિક્સલનો પેરિસ્કોપ ટેલિફોટો કેમેરા પણ મળી શકે છે . જોકે , કંપનીએ હજુ સુધી આ તમામ વિગતોની સત્તાવાર જાહેરાત કરી નથી .