Vivo X500 Pro Max માં 200MP ટેલિફોટો કેમેરા સાથે ટ્રિપલ કેમેરા સેટઅપ લીક

Vivo એ હાલમાં જ ચીનમાં તેના નવા Vivo X300 Ultra અને X300s સ્માર્ટફોન લોન્ચ કર્યા છે , પરંતુ હવે કંપનીની આગામી Vivo X500 સિરીઝ અંગેની ચર્ચાઓ  ઓનલાઇન શરૂ થઈ ગઈ છે . આ નવી લાઇનઅપમાં Vivo X500 , Vivo X500 Pro અને Vivo X500 Pro Max મોડેલો આવવાની શક્યતા છે .  હાલમાં એક ચાઈનીઝ  ટીપસ્ટરે ખાસ કરીને Vivo X500 Pro Max ના કેમેરા સેટઅપ વિશે કેટલીક મહત્વપૂર્ણ વિગતો શેર કરી છે . આ ફોનમાં 200MP પેરિસ્કોપ ટેલિફોટો લેન્સ અને ટ્રિપલ કેમેરા સેટઅપ મળી શકે છે .

નવા લીક મુજબ , Vivo X500 Pro Max માં ટ્રિપલ રિયર કેમેરા સેટઅપ મળશે , તેમાં સોનીનો નવો 50MP LYT-838 સેન્સર હશે , જે 1/1.28 ઇંચ સાઈઝ સાથે  આવશે . આ સેન્સરમાં LOFIC ટેક્નોલોજીનો સપોર્ટ મળશે , જે HDR ઈમેજિંગ અને લો - લાઈટ ફોટોગ્રાફીને વધુ સુધારવા માટે બનાવવામાં આવી છે  . માનવામાં આવે  છે કે આ સેન્સર પહેલાના LYT - 828 કરતા વધુ અદ્યતન વર્ઝન હશે .

લોન્ચ :
Vivo સામાન્ય રીતે તેની ફ્લેગશિપ સિરીઝ  ઓક્ટોબર આસપાસ લોન્ચ કરે છે . તેથી , X500 સિરીઝ પણ આ વર્ષે તે જ સમયગાળા દરમિયાન રજૂ થવાની  શક્યતા છે . Vivo એ ગયા મહિને Vivo X300 Ultra અને X300s  ચીનમાં લોન્ચ કર્યા હતા , જે કંપનીના નવા પ્રીમિયમ સ્માર્ટફોન છે .
 

કેમેરા અને બેટરી :
હવે વાત કરીએ કેમેરાની તો , આ ફોનમાં 200MP પેરિસ્કોપ ટેલિફોટો લેન્સ અને સુધારેલ અલ્ટ્રા વાઈડ કેમેરા પણ જોવા મળશે , આ કેમેરા દૂરની વસ્તુ અને મોટા દ્રશ્યોને વધુ સ્પષ્ટ  રીતે કેપ્ચર કરવામાં મદદ કરી શકે છે અને રહી વાત બેટરીની તો , આ સ્માર્ટફોનમાં 7,000mAhની મોટી બેટરી પણ આપવામાં આવી શકે છે  , જે લાંબા સમય સુધી ઉપયોગ માટે સારો વિકલ્પ બને છે .

પ્રોસેસર :
પ્રોસેસરની વાત કરીએ તો , Vivo X500 સિરીઝમાં અલગ અલગ ચિપસેટ જોવા મળી શકે છે . સ્ટાન્ડર્ડ Vivo X500 મોડેલ Media Tek Dimensity    9600 પર ચાલે  તેવી શક્યતા છે , જયારે Vivo X500 Pro અને Vivo X500 Pro Max માં વધુ શક્તિશાળી Dimensity 9600 Pro ચિપ આપવામાં આવી શકે છે   .