Xiaomi 17T સિરીઝમાં મોટી બેટરી અને Leica કેમેરા સેટઅપ મળશે

Xiaomi 17T  સિરીઝ ગુરુવારે પસંદગીના વૈશ્વિક બજારોમાં લોન્ચ થવાની તૈયારીમાં છે . આ દરમિયાન , કંપની આવતા મહિને ભારતમાં સ્ટાન્ડર્ડ 
Xiaomi 17T મોડેલ રજૂ કરશે . આ હેન્ડસેટ માટે માઈક્રોસાઈટ પહેલેથી જ લાઈવ થઈ ચુકી છે અને હવે તેને નવા સ્પેસિફિકેશન્સ સાથે અપડેટ કરવામાં આવી  છે . કંપનીએ ફોનના ચિપસેટ , બેટરી અને અન્ય ફીચર્સ વિશે માહિતી જાહેર કરી છે .  Xiaomi 17Tમાં ઓક્ટા કોર Media Tek Dimensity 8500 Ultra ચિપસેટ આપવામાં આવશે .  સ્ટાન્ડર્ડ Xiaomi 17T  મોડેલ 4 જૂને ભારતમાં લોન્ચ કરવામાં આવશે .

 Xiaomi 17T સ્પેસિફિકેશન્સ :

નવી અપડેટ થયેલી માઈક્રોસાઈટ મુજબ ,  Xiaomi 17Tમાં ઓક્ટા કોર Media Tek Dimensity 8500 Ultra ચિપસેટ આપવામાં આવશે . આ જ પ્રોસેસર Redmi Turbo 5 માં પણ જોવા મળશે , જે ટૂંક સમયમાં ભારતમાં લોન્ચ થવાનો છે . આથી આ વાત સ્પષ્ટ થાય છે કે Xiaomi 17T  સિરીઝના બંને મોડેલ્સમાં Media Tek SoC નો ઉપયોગ કરવામાં આવશે , જયારે Xiaomi 17T  લાઇનઅપ અન્ય ફોનમાં Snapdragon 8 Elite Gen 5 ચિપ આપવામાં આવી છે . 

કંપનીએ આગળ જણાવ્યું છે કે Xiaomi 17T માં 6,500mAh સિલિકોન કાર્બન બેટરી મળશે , જે 67W વાયર્ડ ફાસ્ટ ચાર્જિંગને સપોર્ટ કરશે . ફોનમાં USB Type - C પોર્ટ આપવામાં આવશે . ડિસ્પ્લેને TUV Rheinland લો બ્લુ લાઈટ , ફ્લિકર ફ્રી , સર્કેડિયન ફ્રેન્ડલી અને ઇન્ટેલિજેન્ટ આઈ કેર સર્ટિફિકેશન મળ્યું  હોવાનું  પણ જણાવાયું છે . ઉપરાંત , ફ્રન્ટ કેમેરા માટે હોલ પંચ કટઆઉટ આપવામાં આવશે .

બીજી તરફ , Xiaomi 17T  Pro મોડેલમાં ફ્લેગશિપ Media Tek Dimensity 9500 ચિપસેટ આપવામાં આવશે , જે 3nm પ્રોસેસ પર આધારિત છે . પ્રો મોડેલમાં  7,000mAh સિલિકોન કાર્બન બેટરી આપવામાં આવશે . કંપનીનો દાવો છે કે આ સ્માર્ટફોન એક જ ચાર્જ પર 9.5   કલાક સુધી સતત વિડીયો રેકોર્ડિંગ  કરી શકશે .

Xiaomi 17T  અને Xiaomi 17T  Pro નું વૈશ્વિક લોન્ચિંગ 28 મેના રોજ થશે . ત્યારબાદ , સ્ટાન્ડર્ડ Xiaomi 17T  મોડેલ 4 જૂને ભારતમાં લોન્ચ કરવામાં આવશે . સ્માર્ટફોન Amazon અને Xiaomi India ના ઓનલાઈન સ્ટોર મારફતે વેચાણ માટે ઉપલબ્ધ રહેશે .

હવે વાત કરીએ કેમેરા વિભાગની તો , Xiaomi 17T માં Leica ટ્યુન્ડ ટ્રિપલ કેમેરા સેટઅપ મળશે . તેમાં ટેલિફોટો લેન્સ પણ સામેલ હશે , જે 5x ઓપ્ટિકલ ઝૂમ , 10x " ઓપ્ટિકલ ક્વોલિટી " ઝૂમ અને 120x ડિજિટલ ઝૂમ સપોર્ટ કરશે .