Xiaomi 17T Proમાં શક્તિશાળી ચિપસેટ અને મોટી બેટરી મળી શકે , લોન્ચ નજીક

Xiaomi પોતાની નવી Xiaomi 17T સિરીઝ લોન્ચ કરવાની તૈયારીમાં છે . આ સિરીઝમાં Xiaomi 17T pro અને Xiaomi 17T શામેલ હોઈ શકે છે . ગયા વર્ષે  લોન્ચ થયેલી Xiaomi 15T સિરીઝ બાદ હવે કંપની તેની નવી જનરેશન પર કામ કરી રહી છે . નવા અહેવાલો મુજબ , Xiaomi 17T pro  થાઈલેન્ડની સર્ટિફિકેશન  વેબસાઈટ પર જોવા મળ્યો છે , જે સૂચવે છે કે તેનો લોન્ચ ટૂંક સમયમાં થઈ શકે છે .આ પહેલા સ્ટાન્ડર્ડ મોડેલ સિંગાપોરમાં પણ સર્ટિફિકેશન સાઈટ પર જોવા મળ્યો હતો .

Xiaomi 17T સર્ટિફિકેશન સાઈટ પર:

Xiaomi 17T ને થાઈલેન્ડની NBTC સર્ટિફિકેશન સાઈટ પર મોડેલ નંબર 2602EPTC0G સાથે લિસ્ટ કરવામાં આવ્યો છે અને આજ જ લિસ્ટિંગથી ખબર પડી કે  આ ફોન ટૂંક જ સમયમાં દુનિયાભરમાં લોન્ચ થઇ શકે છે .હાલમાં કંપનીએ ફોનના ફીચર્સ , ડિઝાઈન કે કિંમત અંગે  કોઈ પણ સત્તાવાર જાહેરાત આપી નથી પરંતુ આવતા સમયમાં આ વિગતો બહાર આવવાની શક્યતા છે .

આના પહેલા Xiaomi 17T સિંગાપોરની IMDA વેબસાઈટ પર પણ જોવા મળ્યો હતો . આ લિસ્ટિંગમાં ખુલાસો થયો હતો કે ફોનમાં Bluetooth, Wi-Fi અને  NFC જેવી કનેક્ટિવિટી પણ મળશે . આ ઉપરાંત Xiaomi 17T અને 17T  Pro  બંને IMEI ડેટાબેઝમાં પણ અલગ-અલગ મોડેલ નંબર સાથે નોંધાયા હતા .

લીક થયેલી માહિતી મુજબ , Xiaomi 17T Pro માં 3nm ઓક્ટા-કોર Media Tek Dimensity 9500 પ્રોસેસર મળી શકે છે . ફોનમાં IP68 અને IP69 રેટિંગ સાથે  ધૂળ અને પાણીના છાંટા સામે રક્ષણ મળેલ છે .

આ ફોનમાં 8,500mAh ની મોટી બેટરી અને 100W ફાસ્ટ ચાર્જિંગ સપોર્ટ મળવાની શક્યતા છે . સુરક્ષા માટે તેમાં 3D અલ્ટ્રાસોનિક ફિંગરપ્રિન્ટ સેન્સર પણ આપવામાં  આવી છે . આ સ્માર્ટફોન Xiaomi 15T Proનો સક્સેસર બની શકે છે , જે સપ્ટેમ્બર 2025માં લોન્ચ થયો હતો . આ ફોનની શરૂઆતની કિંમત GBP 649(લગભગ 77,000 રૂપિયા ) હતી અને તેમાં 12GB RAM અને 256GB સ્ટોરેજ આપવામાં આવ્યું હતું . આના જુના મોડેલમાં Media Tek Dimensity 9400+ પ્રોસેસર અને  5,500mAh બેટરી આપવામાં આવી હતી 

Xiaomi 17T સિરીઝમાં  વધુ શક્તિશાળી પ્રોસેસર , મોટી બેટરી અને પ્રીમિયમ ફીચર્સ સાથે અપગ્રેડ જોવા મળી શકે છે .