વિવો Y300 Pro+ અને Y300t આવ્યા, મોટા બેટરી અને ઝડપી ચાર્જિંગ સાથે!

વિવો એ ચીનમાં વિવો Y300 Pro+ અને વિવો Y300t લોન્ચ કર્યા છે. વિવો Y300 Pro+ ની ખાસિયતોમાં 7,300mAh ની બેટરી, સ્નેપડ્રેગન 7s Gen 3 ચિપસેટ અને 90W ફાસ્ટ ચાર્જિંગનો સમાવેશ થાય છે. જ્યારે વિવો Y300t માં 6,500mAh ની બેટરી, 44W ફાસ્ટ ચાર્જિંગ અને MediaTek ડાયમેન્સિટી 7300 SoC આપવામાં આવ્યો છે. બંને ફોન એન્ડ્રોઇડ 15 આધારિત Origin OS 5 સાથે આવે છે અને 50-મેગાપિક્સલનો ડ્યુઅલ રિયર કેમેરા સેટઅપ ધરાવે છે.વિવો Y300 Pro+, વિવો Y300t કિંમત અને ઉપલબ્ધતા,વિવો Y300 Pro+ ની શરૂઆતની કિંમત CNY 1,799 (આશરે ₹21,200) છે. 8GB + 256GB માટે CNY 1,999 (₹23,500), 12GB + 256GB માટે CNY 2,199 (₹25,900) અને 12GB + 512GB માટે CNY 2,499 (₹29,400) છે. આ ફોન માઇક્રો પાવડર, સિમ્પલ બ્લેક અને સ્ટાર સિલ્વર કલરમાં ઉપલબ્ધ છે. ચીનમાં 3 એપ્રિલથી વેચાણ શરૂ થશે.

વિવો Y300t ની કિંમત CNY 1,199 (₹14,100) થી શરૂ થાય છે. 8GB + 256GB માટે CNY 1,299 (₹15,300), 12GB + 256GB માટે CNY 1,499 (₹17,600) અને 12GB + 512GB માટે CNY 1,699 (₹20,000) છે. આ ફોન બ્લેક કોફી, ઓશન બ્લૂ અને રોક વ્હાઇટ કલરમાં મળે છે.

વિવો Y300 Pro+ ફીચર્સ અને સ્પેસિફિકેશન્સ

આ ફોન 6.77-inch AMOLED ડિસ્પ્લે સાથે આવે છે, જે 120Hz રિફ્રેશ રેટ અને HDR10+ સપોર્ટ કરે છે. સ્નેપડ્રેગન 7s Gen 3 SoC, 12GB LPDDR4X RAM અને 512GB UFS2.2 સ્ટોરેજ સાથે પ્રોસેસિંગ પાવર મજબૂત છે. 50MP Sony LYT-600 પ્રાઈમરી કેમેરા OIS સાથે અને 2MP ડેપ્થ સેન્સર છે. 32MP સેલ્ફી કેમેરા સાથે AI ફીચર્સ અને લાઈવ ફોટો સપોર્ટ છે.

7,300mAh બેટરી 90W ફાસ્ટ ચાર્જિંગ અને 7.5W રિવર્સ ચાર્જિંગ સપોર્ટ કરે છે. 5G, Wi-Fi 6, બ્લુટૂથ 5.2, NFC અને in-display fingerprint સેન્સર પણ છે.

વિવો Y300t ફીચર્સ અને સ્પેસિફિકેશન્સ

આ ફોન 6.72-inch LCD ડિસ્પ્લે, 120Hz રિફ્રેશ રેટ અને 1,050nits બ્રાઈટનેસ સાથે આવે છે. ડાયમેન્સિટી 7300 SoC, 12GB LPDDR4X RAM અને 512GB UFS3.1 સ્ટોરેજ ધરાવે છે.
50MP પ્રાઈમરી કેમેરા EIS સપોર્ટ સાથે, 2MP ડેપ્થ સેન્સર અને 8MP સેલ્ફી કેમેરા છે. 6,500mAh બેટરી 44W ફાસ્ટ ચાર્જિંગ અને રિવર્સ ચાર્જિંગ સપોર્ટ કરે છે. સિક્યુરિટી માટે side-mounted fingerprint સેન્સર છે. આ ફોન બ્લુટૂથ 5.4 સપોર્ટ સાથે આવે છે.