Dolby Atmos અને AZ3 ચિપ સાથે આવ્યા નવા Amazon Echo સ્માર્ટ હોમ ડિવાઈસ

એમેઝોને બુધવારે ભારતીય બજારમાં તેના નવા સ્માર્ટ હોમ સ્પીકર્સ Amazon  Echo Dot Max અને  Echo Studio લોન્ચ કર્યા છે . આ બંને ડિવાઈસનું પહેલું અનાવરણ કંપનીએ સપ્ટેમ્બર 2025માં યોજાયેલા ઇવેન્ટ દરમિયાન કર્યું હતું . નવા સ્માર્ટ સ્પીકર્સ Amazon કસ્ટમ ડિઝાઈન કરેલા AZ3 અને AZ3 Pro ચિપસેટથી  સંચાલિત છે , જે Alexa માટે વધુ ઝડપી અને સચોટ વેક - વર્ડ ડિટેક્શન તેમજ વધુ સારી કન્વર્સેશન સુવિધા આપે છે .  ભારતમાં  Amazon  Echo Dot Max ની કિંમત રૂપિયા 10,999 રાખવામાં આવી છે .

ભારતમાં  Amazon  Echo Dot Max ની કિંમત :

ભારતમાં  Amazon  Echo Dot Max ની કિંમત રૂપિયા 10,999 રાખવામાં આવી છે . આ સ્પીકર એમિથિસ્ટ , ગ્લેશિયર વ્હાઈટ અને ગ્રેફાઈટ જેવા ત્રણ કલર વિકલ્પોમાં ઉપલબ્ધ છે . બીજી તરફ Echo Studio ની કિંમત રૂપિયા 23,999 છે અને તે ગ્લેશિયર વ્હાઈટ તથા ગ્રેફાઈટ કલરમાં ખરીદી શકાય છે . બંને  ડિવાઈસ Amazon અને Flipkart પર વેચાણ માટે ઉપલબ્ધ થયા છે . Prime સભ્યોને Amazon Pay ICICI Bank ક્રેડિટ કાર્ડ ખરીદી પર 5 ટકા કેશબેક અને  મફત ડિલિવરીનો લાભ પણ મળશે .
 

Amazon Echo Dot Max is powered by an AZ3 chip
Photo Credit: Amazon

 Amazon  Echo Dot Max ફીચર્સ :

ફીચર્સની વાત કરીએ તો આ બંને સ્માર્ટ સ્પીકર્સ Wi -Fi , Bluetooth , Zigbee , Matter અને Thread જેવી આધુનિક કનેક્ટિવિટી ટેક્નોલોજીને સપોર્ટ કરે છે . તેમાં બિલ્ટ - ઈન સ્માર્ટ હોમ હબ પણ આપવામાં આવ્યું છે , જેના દ્રારા સ્માર્ટ લાઈટ , એર કન્ડિશનર , ફેન અને સ્માર્ટ પ્લગ જેવા ડિવાઈસ સરળતાથી કનેક્ટ  કરી શકાય છે . આ ઉપરાંત  સ્પીકર્સ Fire TV Stick સાથે જોડાઈ " Alexa Home Theatre " નું અનુભવ પણ આપે છે .

ઓડિયો પરફોર્મન્સ માટે  Echo Dot Max  માં ટ્વીસ્ટ અને હાઈ એક્સકર્ઝન વુફરવાળું ટૂ - વે સ્પીકર સેટઅપ આપવામાં આવ્યું છે , જે પાંચમી જનરેશનના  Echo Dot કરતા ત્રણ ગણો વધુ બાસ આપે છે . જયારે Echo Studio Dolby Atmos અને Spatial Audio સપોર્ટ સાથે આવે છે . તેમાં ત્રણ ફૂલ રેન્જ ડ્રાઈવર્સ  અને વૂફર  આપવામાં આવ્યા છે જે વધુ પ્રીમિયમ સાઉન્ડ અનુભવ આપે છે .

ગોપનીયતા માટે બંને ડિવાઈસમાં માઈક્રોફોન ટોગલ બટન આપવામાં આવ્યું છે . સાથે જ , યુઝર્સ Alexa એપ દ્રારા વોઈસ રેકોર્ડિંગ્સ જોઈ અને ડિલીટ પણ કરી શકે છે  .