Apple Watch માં Sleep Apnea Alert , AirPods Pro માં Hearing Test સુવિધા શરૂ

એપલે ભારતમાં તેની બે મહત્વપૂર્ણ હેલ્થ ફીચર્સ Sleep Apnea Notification અને Hearing Test લોન્ચ કરવાની જાહેરાત કરી છે . કંપનીને હવે સપોર્ટેડ  Apple Watch અને AirPods Pro મોડેલ્સ માટે જરૂરી નિયમોની મંજૂરી મળી ગઈ છે . આ બંને ફીચર્સનો મુખ્ય ઉદ્દેશ્ય યુઝર્સને ઊંઘ અને સાંભળવાની ક્ષમતા  સંબંધિત સમસ્યાઓને પહેલા જ ઓળખવામાં મદદ કરવાનો છે . એપલે જણાવ્યું છે કે તમામ હેલ્થ ડેટા ઓન - ડિવાઈસ પ્રોસેસિંગ અને એન્ક્રિપ્ટેડ iCloud  સ્ટોરેજ દ્રારા સુરક્ષિત રહેશે .  દુનિયાભરમાં એક અબજથી વધુ લોકો Sleep Apnea થી પ્રભાવિત છે .

Apple Watch પર મળશે Sleep Apnea Notification :

ભારતમાં હવે Apple Watch SE (3rd Gen ),  Apple Watch Series 9 અને તેના પછીના મોડેલ્સ તેમજ  Apple Watch Ultra 2 અને નવા વેરિઅન્ટસ  પર  Sleep Apnea Notifications ઉપલબ્ધ રહેશે . આ ફીચર 18 વર્ષથી વધુ ઉંમરના એવા લોકો માટે બનાવવામાં આવ્યું છે જેમને પહેલા Sleep Apneaનું ઈલાજ થયું નથી .

કંપની અનુસાર , દુનિયાભરમાં એક અબજથી વધુ લોકો Sleep Apnea થી પ્રભાવિત છે , પરંતુ મોટાભાગના કેસ હજુ સુધી ઓળખાયા નથી . જો સમયસર સારવાર ન મળે તો હાઈ બ્લડ પ્રેશર , ટાઈપ 2 ડાયાબિટીસ અને હદયરોગ જેવી ગંભીર સમસ્યાઓનું જોખમ વધી શકે છે .

આ ફીચર Apple Watch ના એક્સીલેરોમીટરનો ઉપયોગ કરીને ઊંઘ દરમિયાન શ્વાસ લેવામાં થતી ગડબડને ટ્રેક કરે છે . તે 30 દિવસના ડેટાનું ટેસ્ટ કરી મધ્યમથી ગંભીર Sleep Apnea ના સંકેતો શોધે છે . જો સંભવિત પેટર્ન જોવા મળે તો યુઝરને નોટિફિકેશન મળશે અને Health એપમાં તેમની રિપોર્ટ તૈયાર કરી  શકાશે , જેને ડૉક્ટર સાથે શેર કરી શકાય છે .

AirPods Proમાં આવશે Hearing Test ફીચર :

એપલે ભારતમાં AirPods Pro માટે Hearing Test ફીચર પણ રજૂ કર્યું છે . આ સુવિધા AirPods Pro ( 2nd Gen ) અને AirPods Pro ( 3rd  Gen ) માટે ઉપલબ્ધ રહેશે . જોકે Hearing Aid ફીચર હજી અંતિમ પગલાં માત્ર બાકી છે અને પછી લોન્ચ કરવામાં આવશે .

Hearing Test ફીચર iPhone અને iPad ની Hearing Help સેટિંગ્સ મારફતે ઉપયોગ કરી શકાય છે .  આ આખી પ્રક્રિયામાં લગભગ પાંચ મિનિટમાં પૂર્ણ થાય છે અને  250Hz થી 8000Hz સુધીની જુદી જુદી ફ્રીક્વન્સી પર સાંભળવાની ક્ષમતાનું મૂલ્યાંકન કરે છે .

આ ટેસ્ટ દરમિયાન યુઝરને AirPods દ્રારા વગાડવામાં આવતા અવાજ સાંભળતા જ સ્ક્રીન પર ટેપ કરવાનું રહે છે . વધુ સારા પરિણામ માટે દરેક અવાજ  ત્રણ વખત વગાડવામાં આવે છે . સિસ્ટમ પહેલા આસપાસના અવાજનું નિરીક્ષણ કરે છે અને Ear Tip Fit Test દ્રારા ઈયરબડ્સને યોગ્ય રીતે ફિટ થયા છે કે નહીં તેની ખાતરી કરે છે .

ટેસ્ટ પૂર્ણ થયા પછી , યુઝરને dBHLમાં માપવામાં આવેલા Hearing Results અને સંપૂર્ણ Audiogram Health એપમાં મળશે . આ રિપોર્ટ્સને ડોક્ટર અથવા  હેલ્થકેર નિષ્ણાંતો સાથે સરળતાથી શેર કરી શકાય છે . એપલે જણાવ્યું છે કે તમામ હેલ્થ ડેટા ડિવાઈસ અને iCloud બંનેમાં એન્ક્રિપ્ટેડ રહેશે .