IRCTC Train Vacancy Check : મુસાફરી દરમિયાન ખાલી બેઠકો ચકાસવાની સંપૂર્ણ રીત

ભારતમાં ટ્રેન મુસાફરીને સૌથી સસ્તું  આરામદાયક પરિવહન માધ્યમ માનવામાં આવે છે . પરંતુ ટ્રેનોમાં સીટની સંખ્યા મર્યાદિત હોવાથી સમયસર રિઝર્વેશન ન કરાવનાર મુસાફરોને ઘણીવાર વેઇટિંગ ટિકિટ સાથે મુસાફરી કરવી પડે છે . આવી સ્થિતિમાં જો તમને કન્ફ્રર્મ સીટ ન મળી હોય , તો IRCTCની એક ખાસ સુવિધા તમારી મદદ કરી શકે છે .ચાલુ ટ્રેનમાં ખાલી સીટ શોધવા માટે હવે TTE ની જરૂરત નહીં પડે .  IRCTCની  ' Chart / Vacancy ' સુવિધા મદદરૂપ બની શકે છે . મુસાફરો ટ્રેન નંબર , તારીખ અને બોર્ડિંગ સ્ટેશન દાખલ કરીને જુદા જુદા કોચમાં ઉપલબ્ધ ખાલી સીટની માહિતી મેળવી શકે છે અને TTE પાસે સીટ આપવાની વિનંતી કરી શકો છો . 

ટ્રેનમાં ખાલી સીટો કેવી રીતે ચકાસશો ?

• સૌથી પહેલા IRCTCની સત્તાવાર વેબસાઈટ અથવા મોબાઈલ એપ ખોલો .
• હવે  હોમપેજ પર ઉપલબ્ધ ' Charts / Vacancy ' વિકલ્પ પસંદ કરો .
• અને ત્યારબાદ તમારી ટ્રેનનો નંબર અથવા નામ મુસાફરીની તારીખ અને બોર્ડિંગ સ્ટેશનની માહિતી દાખલ કરો .
• હવે ' Get Train Chart ' પર ક્લિક કરો .
• સ્ક્રીન પર ટ્રેનનો ચાર્ટ ણ જુદા જુદા વર્ગોમાં ઉપલબ્ધ સીટની વિગતો જોવા મળશે .
• હવે તમારી જરૂરિયાત મુજબ Sleeper , 3AC , 2AC અથવા 1AC જેવા કોચનો વિકલ્પ પસંદ કરો .
• ત્યારબાદ ઉપલબ્ધ સીટનો કોચ નંબર નોંધાવી લો .
• પછી TTEનો સંપર્ક કરીને તેને આ વિગતો જણાવો અને જરૂર પડે તો ઓનલાઈન ચાર્ટ પણ બતાવો .

જો સીટ ઉપલબ્ધ હશે , તો TTE નિયમો મુજબ તે સીટ તમને આપી શકે છે . આ પ્રક્રિયા ' પહેલા આવો અને પહેલા મેળવો ' ના ધોરણે કરવામાં આવે છે . સીટ આપ્યા પછી જે તે ભાડું ચૂકવીને TTE પાસેથી રસીદ લો અને પોતાની સીટ પર આરામથી મુસાફરી કરો .