Itel નું AI વોઇસ રેકોર્ડર Zeno AI Weaver આવ્યું ભારતમાં , સ્માર્ટ નોટ્સ અને સમરી ફીચર સાથે

ભારતમાં Zeno AI Weaver વોઇસ રેકોર્ડરનું વેચાણ Amazon દ્રારા થશે .

Written by Gadgets 360 Staff અપડેટ કર્યું: 19 માર્ચ 2026 17:41 IST

Itel નું AI વોઇસ રેકોર્ડર Zeno AI Weaver આવ્યું ભારતમાં , સ્માર્ટ નોટ્સ અને સમરી ફીચર સાથે

Photo Credit: Itel

Itel Zeno AI Weaver એ કંપનીનો પહેલો AI વોઇસ રેકોર્ડર છે .

હાઇલાઇટ્સ

One -tap recordingની સુવિધા
50 થી વધુ અલગ-અલગ ફોર્મેટમાં વોઇસ નોટ્સને સંક્ષિપ્તમાં
80થી વધુ ભાષાઓમાં ટ્રાન્સલેશન

જાહેરાત

Itel એ ભારતમાં પોતાનો પહેલો AI આધારિત વોઇસ રેકોર્ડર Zeno AI Weaver રજૂ કર્યો છે . આ વોઇસ રેકોર્ડરને સ્માર્ટ અને સરળ કામ માટે ડિઝાઇન કરવામાં આવ્યો છે . આ ડિવાઇસ માત્ર અવાજ રેકોર્ડ કરવાનું કામ નથી કરતુ પરંતુ તે વોઇસ નોટ્સને તરત જ લખે છે અને તેનો નાનામાં નાનો સારાંશ પણ તૈયાર કરી દે છે . જેને યુઝર્સ પોતાના સ્માર્ટફોનમાં એપ દ્રારા જોઈ શકે છે . કંપનીએ આ ડિવાઇસને AI કેમ્પેનિયન તરીકે રજૂ કરે છે . જેથી તે રોજિંદા કામ માટે મદદરૂપ બને છે . થોડા જ સમયમાં આ ડિવાઇસ ઈ-કોમર્સ પ્લેટફોર્મ પર વેચાણ માટે ઉપલબ્ધ કરાશે .

આ ડિવાઇસમાં One -tap recordingની સુવિધા પણ ઉપલબ્ધ છે એટલે કે તમારા એક જ ક્લિકથી રેકોર્ડિંગ શરૂ થઇ જાય છે .આના આગળના ભાગમાં એક નાની સ્ક્રીન આપવામાં આવી છે , જે રેકોર્ડિંગ ચાલુ હોવાનો સંકેત આપે છે .

કિંમત :
ભારતમાં Zeno AI Weaverની કિંમત આશરે રૂપિયા 12,999 રાખવામાં આવી છે પરંતુ તેમાં બેંક ઑફર્સ અને ડિસ્કાઉન્ટને સામેલ કર્યા છે કે નહીં તે હજુ સુધી સ્પષ્ટ કરવામાં નથી આવ્યું . આ ડિવાઇસ માટે Amazon પર માઈક્રોસાઇટ લાઈવ થઇ ગઈ છે જેથી આપણને જાણ થાય છે કે તે ટૂંક સમયમાં સિંગલ બ્લેક કલરમાં વેચાણ માટે ઉપલબ્ધ કરાશે . હજુ સુધી કોઈ પણ લોન્ચ તારીખ જાહેર કરવામાં આવી નથી .

ફીચર્સ :
આ AI વોઇસ રેકોર્ડર રીયલ ટાઈમમાં રેકોર્ડિંગને લખાણમાં બદલે છે . આ ડિવાઇસ 80 થી વધુ ભાષાઓમાં ટ્રાન્સલેશન કરી શકે છે . જેથી તમને આ ઉપયોગ કરવામાં સરળ બને છે . Zeno AI Weaver માં મલ્ટી- માઈક્રોફોન આપવામાં આવ્યો છે , જેથી noise cancellation અને Voice isolation દ્રારા સ્પષ્ટ અવાજ રેકોર્ડ થાય છે . આ ડિવાઇસને એક વખત ચાર્જ કર્યા પછી લગભગ 40 કલાક સુધી રેકોર્ડિંગ કરી શકે છે . જે વધારે સમય લાગતો હોય ત્યાં ખુબ જ ઉપયોગી બને છે .

Zeno AI Weaver 50 થી વધુ અલગ-અલગ ફોર્મેટમાં વોઇસ નોટ્સને સંક્ષિપ્તમાં કરી દે છે . જેમ કે મિટિંગ નોટ્સ , ટુ -ડુ લિસ્ટ , ફોલો અપ ઇમેઇલ . કંપનીએ આ સાથે એક ખાસ કેસ પણ આપ્યો છે જેનાથી તમે આ ડિવાઇસને તમારા ફોન સાથે ચોંટાડી શકો .

આ ડિવાઇસનો ઉપયોગ ઓફિસ મિટિંગ , કોલેજના લેક્ચર , ઇન્ટરવ્યૂ કે કોઈની સાથે ફોન પર વાતચીત કરતી વખતે ખુબ જ ઉપયોગી સાબિત થાય છે . Itel એકમાત્ર કંપની નથી જે આવા સ્માર્ટ ડિવાઇસ બનાવે છે . Plaud Note નામનું ડિવાઇસ પણ બજારોમાં ઉપલબ્ધ છે .