JBL Bar 1300MK2 થી 500MK2 સુધી નવી લાઈનઅપ રજૂ , 2470W સુધી પાવર અને સ્માર્ટ ફીચર્સ સાથે 

JBL એ તેની 80મી વર્ષગાંઠ નિમિત્તે ભારતમાં નવી Bar MK2 સાઉન્ડબાર સિરીઝ લોન્ચ કરી છે . આ નવી લાઇનઅપમાં Bar 1300MK2, Bar 1000MK2,  Bar 800MK2 અને Bar 500MK2 જેવા મોડેલો સામેલ છે . આ બધા સાઉન્ડબાર ડોલ્બી એટમોસ અને મલ્ટીબીમ 3.0 ટેક્નોલોજી સાથે આવે છે , જેથી યુઝર્સને વધુ સારો ઑડિયો અનુભવ મળી શકે છે . હાઈ એન્ડ મોડેલોમાં ડીટેચેબલ વાયરલેસ સાઉન્ડ સ્પીકર્સ પણ આપવામાં આવ્યા છે , જયારે પાવર આઉટપુટ  750W થી લઈને 2,470W સુધી જાય છે . આ સિરીઝમાં JBL SmartDetails , AI Sound Boost અને Pure Voice 2.0 જેવી ફીચર્સ પણ આપવામાં આવી છે .

ભારતમાં આ સાઉન્ડબારની કિંમત પણ અલગ અલગ રાખવામાં આવી છે . Bar 1300MK2 ની કિંમત રૂપિયા 1,74,999 છે , Bar 1000MK2 ની કિંમત રૂપિયા  1,49,999 છે .  Bar 800MK2 રૂપિયા 1,24,999 માં મળી જશે જયારે  Bar 500MK2 ની કિંમત રૂપિયા 64,999 રાખવામાં આવી છે . આ બધા મોડેલો  JBL ની ઓફિશિયલ વેબસાઈટ , પસંદગીના રિટેલ સ્ટોર્સ અને ઈ - કોમર્સ પ્લેટફોર્મ પર ખરીદી શકાય છે .

ફીચર્સની વાત કરીએ તો આ ચારેય મોડેલ ડોલ્બી એટમોસ , DTS ફોર્મેટ અને JBL MultiBeam 3.0 સપોર્ટ કરે છે . ટોપ મોડેલ Bar 1300MK2 11.1.4 ચેનલ  સેટઅપ સાથે આવે છે અને તેમાં ડયુઅલ 8 ઇંચ સબવૂફર આપવામાં આવ્યા છે . જે 2,470W સુધીનું આઉટપુટ આપે છે . Bar 1000MK2 7.1.4 ચેનલ સિસ્ટમ અને 960W પાવર સાથે 10 ઇંચ સબવૂફર   આપે છે . Bar 800MK2 7.1 ચેનલ સેટઅપ અને 780W  આઉટપુટ સાથે આવે છે , જયારે Bar 500MK2 5.1 ચેનલ સિસ્ટમમાં 750W આઉટપુટ આપે છે .

Bar 1300MK2, Bar 1000MK2,  Bar 800MK2 મોડેલોમાં ડિટેચેબલ વાયરલેસ સાઉન્ડ સ્પીકર્સ આપવામાં આવ્યા છે . જયારે Bar 500MK2 ફિક્સ્ડ સ્પીકર  સેટઅપ સાથે આવે છે . 1300MK2 અને 1000MK2 માં અપ - ફાયરિંગ ડ્રાઈવર્સ છે , જે સાચો ડોલ્બી એટમોસ અનુભવ આપે છે , જયારે 800MK2 માં DTS  Virtual :X સપોર્ટ છે . AI Sound Boost ખાસ કરીને 1300MK2 માં વધુ શક્તિશાળી બાસ માટે આપવામાં આવ્યું છે , જયારે PureVoice  2.0 સ્પષ્ટ  સાંભળવા માટે મદદરૂપ છે .

આ સાઉન્ડબાર JBL One એપ દ્રારા કંટ્રોલ કરી શકાય છે , જેમાં EQ ટ્યુનિંગ અને સોફ્ટવેર અપડેટ્સની સુવિધા મળે છે . સાથે જ AirPlay ,  Google Cast , Sotify Connect , Tidal Connect અને  Roon Ready જેવા સ્ટ્રીમિંગ વિકલ્પો પણ સપોર્ટ થાય છે .  વોઈસ આસિસ્ટન્ટ સપોર્ટ પણ ડિવાઈસ દ્રારા ઉપલબ્ધ છે .

કનેક્ટિવિટી માટે HDMI eARC , HDMI ઇનપુટ , Blurtooth 5.3 , Wi - Fi , ઓપ્ટિકલ ઇનપુટ અને USB જેવી સુવિધાઓ આપવામાં આવી છે . હાઈ એન્ડ મોડેલોમાં  4K Dolby Vision અને મલ્ટિપલ HDMI ઇનપુટ્સ પણ છે . આ ઉપરાંત નાઈટ મોડ , ડિટેચેબલ સ્પીકર્સને પોર્ટેબલ તરીકે ઉપયોગ કરવાની સુવિધા અને ઓછી સ્ટેન્ડબાય પાવર જેવા ફીચર્સ પણ આપવામાં આવ્યા છે . Bar 1300MK2 માં Auracast સપોર્ટ પણ મળે છે .

ડિઝાઈનની વાત કરીએ તો  Bar 1300MK2 નું માપ 1404 x 58 x 136mm છે , Bar 1000MK2 નું 1203 x 52 x 128mm  અને Bar 800MK2 નું 1163 x  52 x 128mm  છે . Bar 500MK2 સૌથી કોમ્પેકટ છે , જે 940 x 50.5 x 104mm માપે છે .