LGની નવી AI TV લાઇનઅપ ભારતમાં લોન્ચ , Google Gemini અને 330Hz રિફ્રેશ રેટ જેવી સુવિધાઓ સાથે

LG એ ભારતમાં તેની નવી 2026 AI TV સિરીઝ લોન્ચ કરી છે . કંપનીએ આ લાઇનઅપમાં QNED evo Mini LED, OLED evo, Micro RGB evo, Mini RGB evo , Nano 4K UHD અને  Smart AI TV જેવા મોડલ રજૂ કર્યા છે . આ સિરીઝની સૌથી મોટી ખાસિયત 115 ઈંચનું QNED evo Mini LED TV છે , જે ભારતમાં પહેલી વખત લોન્ચ કરવામાં આવ્યું છે . નવા ટીવીમાં AI પ્રોસેસર હાઈ રિફ્રેશ રેટ , ગેમિંગ માટેની ખાસ સુવિધાઓ અને Google Geminiનું સપોર્ટ આપવામાં આવ્યું છે .

નવી LG AI TV સિરીઝની શરૂઆતની કિંમત રૂપિયા 19,990 છે QNED evo Mini LED સિરીઝ રૂપિયા 52,990થી શરૂ થાય છે , જયારે Nano 4K UHD  મોડલ્સની કિંમત રૂપિયા 38,990થી શરૂ થાય છે . QNED evo C6ની કિંમત રૂપિયા 1,19,990, OLED B6ની 1,47,490 અને OLED evo G6ની કિંમત રૂપિયા 2,14,990થી શરૂ થાય છે .

Mini RGB evo સિરીઝ રૂપિયા 1,28 990થી ઉપલબ્ધ છે , જયારે 100 ઇંચના Micro RGB evo TVની કિંમત રૂપિયા 12,99,990 રાખવામાં આવી છે . કંપનીના જણાવ્યા અનુસાર , આ તમામ નવા ટીવી ભારતમાં LGના રિટેલ સ્ટોર અને સત્તાવાર વેચાણ ચેનલ્સ પર ખરીદી માટે ઉપલબ્ધ છે .

QNED evo Mini LED સિરીઝ 43 ઇંચથી લઈને 115 ઇંચ સુધીની સ્ક્રીન સાઈઝમાં ઉપલબ્ધ છે . તેમાં Dynamic QNED Color Pro, Precision Dimming Ultra અને Motion Booster જેવી ટેક્નોલોજી આપવામાં આવી છે . કેટલાક મોડલ્સમાં 330Hz સુધીનો રિફ્રેશ રેટ , 165Hz VRR અને ALLM સપોર્ટ મળે છે , જે ગેમિંગનો અનુભવ વધુ સારો બનાવે છે . પસંદગીના મોડલ્સમાં Alpha 8 AI Processor Gen3 પણ આપવામાં આવ્યો છે .

OLED evo G6 , C6 અને B6 મોડેલ્સમાં પણ અનેક પ્રીમિયમ ફીચર્સ આપવામાં આવ્યા છે . G6 અને C6માં Alpha 11 Processor Gen3, Brightness Booster Ultra, Dolby Vision, Dolby Atmos, NVIDIA G-Sync, AMD FreeSync Premium અને 165Hz VRR જેવી સવિધાઓ છે . જયારે OLED B6માં Alpha 8 AI Procssor Gen3 આપવામાં આવ્યો છે અને તેને Perfect Black તથા Perfect Color સર્ટિફિકેશન મળ્યું છે .

કંપનીએ પહેલી વખત Micro RGB evo અને Mini RGB evo LCD TV  પણ રજૂ કર્યા છે . તેમાં વધુ સારા કલર્સ માટે નવી RGB ડિસ્પ્લે ટેક્નોલોજી આપવામાં આવી છે . 100 ઈંચનું Micro RGB એવો મોડેલ જુદા જુદા કલર સ્ટાન્ડર્ડમાં 100 ટકા કલર કવરેજ આપવાનો દાવો કરે છે . જયારે Mini RGB evo મોડલ્સમાં Tandem LED ટેક્નોલોજી , Precision Dimming અને Alpha 8 AI Processor Gen3 આપવામાં આવ્યા છે .

આ સિવાય , Nano 4K UHD સિરીઝમાં 43 ઇંચથી લઈને 98 ઇંચ સુધીના મોડલ્સ ઉપલબ્ધ છે . તેમાં Alpha 7 AI Processor Gen9, HDR10 Pro Dolby Atmos જેવી સુવિધાઓ મેં છે . નવી  Smart AI TV ( LB65 ) સિરીઝ 32 ઇંચ અને 43 ઇંચની સ્ક્રીન સાઈઝમાં આવે છે . તેમાં  Alpha 5 AI Processor Gen9, WebOS 26 , Google Gemini, Microsoft Copilot અને  LG Gaming Portal જેવી સુવિધાઓ આપવામાં આવી છે . સાથે જ , કંપની આ ટીવી માટે 5 વર્ષ સુધી webOS અપડેટ્સ આપવાની પણ ખાતરી આપે છે .