મેટામાં ફરી મોટી છટણી , AI માટે 7 હજાર કર્મચારીઓ પર અસર 

મેટા કંપનીએ ફરી એકવાર મોટી છટણી કરવાની તૈયારી શરૂ કરી છે . કંપનીએ પોતાના કર્મચારીઓને મોકલેલા એક મેમોમાં જણાવ્યું છે કે આ અઠવાડિયામાં  હજારો કર્મચારીઓની નોકરી પર અસર પડી શકે છે . ફેસબુકની માલિકી કંપની મેટા હવે તેના AI ( આર્ટિફિશિયલ ઇન્ટેલિજન્સ ) આધારિત કામકાજને વધુ  મજબૂત બનાવવા માટે તે કંપનીમાં મોટા ફેરફારો કરી રહી છે .  કંપની લગભગ 7,000 કર્મચારીઓની છટણી સાથે નવી AI ટિમો બનાવવાની તૈયારીમાં છે . આ પગલાંથી કર્મચારીઓમાં ભારે અસંતોષ અને ગોપનીયતાને લઈને ચિંતાઓ વધી રહી છે . 

રિપોર્ટ્સ અનુસાર , મેટા બુધવારથી લગભગ 7,000 કર્મચારીઓને હટાવવાની પ્રક્રિયા શરૂ કરશે . આ ઉપરાંત ,આ વર્ષના અંત સુધીમાં વધુ છટણી પણ થઈ શકે છે . કંપનીનું કહેવું છે કે હવે તે એવી ટિમો બનાવવાનું ઈચ્છે છે જે ઓછી સંખ્યામાં લોકો સાથે વધુ ઝડપથી કામ કરી શકે અને AI ટેક્નોલોજીનો વધારે ઉપયોગ કરી શકે .

મેટાના ચીફ પીપલ ઓફિસર જેનેલ ગેલે કર્મચારીઓને મોકલેલા મેમોમાં જણાવ્યું કે કંપનીના ઘણા વિભાગોમાં હવે " AI - પ્રથમ " અપનાવવામાં આવશે . એટલે કે  , કામ કરવાની રીત એવી બનાવાશે જેમાં AI ટૂલ્સ અને એજન્ટ્સ વધુ મહત્વની ભૂમિકા ભજવશે . કંપની એવું  માને છે કે નાની અને સરળ ટિમો વધુ અસરકારક અને વધુ  સારી રીતે કામ કરી શકે છે .

આગળ વધીએ , તો આ ફેરફારો માત્ર છટણી સુધી જ સીમિત નથી . મેટાના અનેક કર્મચારીઓને નવી AI ટીમોમાં ટ્રાન્સફર પણ કરી રહી છે . તેમાં  Applied  AI  Engineering (AAI ) અને Agent  Transformation  Accelerator (ATA ) જેવી નવી ટીમોનો સમાવેશ થાય છે . આ ટિમો એવા AI એજન્ટ્સ બનાવશે જે હાલમાં  માણસો કરતા ઘણા કામોને ઓટોમેટિક રીતે કરી શકે .

કંપનીના જણાવ્યા અનુસાર , આ સમગ્ર પ્રક્રિયામાં લગભગ 20 ટકા કર્મચારીઓ પર અસર પડશે .  આમા એવું છે કે , કેટલીક જગ્યાએ ટ્રાન્સફર પહેલાથી થઈ ચુક્યા છે  , જયારે કેટલાક કર્મચારીઓને બુધવારે જાણ કરવામાં આવશે . ઉત્તર અમેરિકામાં ઘણા કર્મચારીઓને આ દિવસે ઘરેથી કામ કરવા માટે પણ કહેવામાં આવ્યું  છે .

મેટાએ સાથે સાથે લગભગ 6,000 ખાલી નોકરીઓ પણ બંધ કરી દીધી છે . કંપનીમાં માર્ચ 2026 સુધી કુલ લગભગ 78 હજાર કર્મચારીઓ કામ કરતા હતા  .

કંપનીના આ નિર્ણયોથી મેટાના ઘણા કર્મચારીઓમાં ભારે અસંતોષ જોવા મળી રહ્યો છે . ઘણા કર્મચારીઓએ કંપનીના આંતરિક પ્લેટફોર્મ પર પોતાનો ગુસ્સો વ્યક્ત પણ  કર્યો છે . 1,000 થી વધુ કર્મચારીઓએ એવી અરજી પર સહી કરી છે જેમાં માઉસ - ટ્રેકિંગ સોફ્ટવેરનો વિરોધ કરવામાં આવ્યો છે . આ સોફ્ટવેર  દ્રારા AI  ને શીખવવામાં આવે છે કે લોકો કમ્પ્યુટર કેવી રીતે ઉપયોગ કરે છે .

કંપનીના કર્મચારીઓએ કંપની પર ગોપનીયતાને લઈને ગંભીર આરોપ પણ લગાયો છે . કેટલાક કર્મચારીઓએ મેટાના અધિકારીઓ પર આક્ષેપ કર્યો છે કે તેઓ  લાંબા સમય સુધી છટણી વિશે મૌન રહ્યા , જયારે આ મુદ્દો  નાનો  નથી . કંપનીની અંદર હવે આ મુદ્દે ભારે ચર્ચા અને વિરોધ પણ ચાલી રહ્યો છે .