OnePlus Prime Day Sale શરૂ 4 જુલાઈથી , OnePlus 13 થી લઈને Pad અને Nord Buds સુધી મળશે ખાસ ડીલ્સ

OnePlus એ Amazon Prime Day Sale 2026 માટે પોતાના સ્માર્ટફોન , ટેબ્લેટ અને ઓડિયો પ્રોડક્ટ્સ પર મળતી ઓફર્સની જાહેરાત કરી છે . કંપનીના જણાવ્યા અનુસાર આ સેલ દરમિયાન OnePlus 13, OnePlus 15 , Nord સિરીઝ , Pad સિરીઝ અને buds લાઇનઅપ પર બેંક ડિસ્કાઉન્ટ , સીધો કિંમતમાં ઘટાડો   અને NO Cost EMI જેવા આકર્ષક ઓફર્સ પણ મળશે . આ સેલ 4 જુલાઈ થી શરૂ થશે અને Amazon અને OnePlus ની સત્તાવાર વેબસાઈટ પર ઉપલબ્ધ રહેશે .

OnePlus કંપનીએ કહ્યું છે કે આ બધી ઓફર્સ 4 જુલાઈ થી Amazon , OnePlus India વેબસાઈટ , OnePlus Store App અને OnePlus Experience Stores પર ઉપલબ્ધ થશે . આના સિવાય પસંદગીના પ્રોડક્ટ્સને Flipkart , Blinkit , Myntra અને અન્ય  રિટેલ પાર્ટનર્સ દ્રારા પણ ખરીદી શકાય છે .

જો તમે Nord સિરીઝના સ્માર્ટફોન ખરીદવાનું વિચારી રહ્યા છો , તો OnePlus Nord CE 6 ને રૂપિયા 29,999 અને OnePlus Nord CE 6 Liteને રૂપિયા 22,999ની આકર્ષક કિંમતે ખરીદી શકો છો . Nord 6 પર રૂપિયા 3,000 જયારે Nord CE મોડેલ્સ પર રૂપિયા 2,000 સુધીનું ઇન્સ્ટન્ટ બેંક ડિસ્કાઉન્ટ પણ આપવામાં આવશે . Nord સિરીઝ પર 6 મહિના સુધીની NO Cost EMI નો ફાયદો તો ખરો જ .

ફ્લેગશિપ સ્માર્ટફોન્સની વાત કરીએ , તો OnePlus 13 ને અત્યાર સુધીની સૌથી ઓછી કિંમતે રૂપિયા 49,999 માં ખરીદી શકાશે .  OnePlus 13s પર રૂપિયા 3,000 સુધીનો ઇન્સ્ટન્ટ બેંક ડિસ્કાઉન્ટ પણ મળશે , જેનાથી આ ફોનની અસરકારક કિંમત રૂપિયા 46,999 રહેશે . બંને ફોન પર પસંદગીના બેંક કાર્ડથી ચુકવણી કરનારને 6 મહિના સુધીનો NO Cost EMI  ઓપ્શન પણ મળશે .

નવી OnePlus 15 સિરીઝ માટે પણ કંપની આકર્ષક ઓફર લઈને આવી છે . બેંક ઓફર્સ પછી  OnePlus 15 ની અસરકારક કિંમત રૂપિયા 81,999 થઈ જાય છે જયારે  OnePlus 15R પર 3,000 રૂપિયાનો પ્રાઇસ કટ અને 3,000 રૂપિયા બેંક ડિસ્કાઉન્ટ મળશે . જેથી તેની અસરકારક કિંમત રૂપિયા 48,999 સુધી પહોંચી જશે .

ટેબ્લેટ ખરીદનારાઓ માટે પણ કેટલીક ઓફર્સ રાખવામાં આવી છે .OnePlus Pad 4 ની અસરકારક કિંમત રૂપિયા 55,999 રહેશે અને તેની સાથે OnePlus Stylo Pro મફતમાં મળશે . OnePlus  Pad Liteને રૂપિયા 16,999 અને OnePlus  Pad Go ને રૂપિયા 26,499 માં ખરીદી શકાશે .

OnePlus એ ઓડિયો પ્રોડક્ટ્સ પણ ઓફર્સમાં રાખ્યા છે .  જેમાં OnePlus  Nord Buds 4 ની અસરકારક કિંમત રૂપિયા 3,099 રહેશે . આના સિવાય OnePlus  Bullets Wireless Z2 ANC ને રૂપિયા 1,899 , Nord Buds 3R ને રૂપિયા 1,599 , Nord Buds 4 Pro ને રૂપિયા 3,799 , OnePlus  Buds 4 ને 5,599 અને OnePlus  Buds Pro 3 ને રૂપિયા 9,999 માં ખરીદી શકાશે .