Samsung Galaxy S25 Ultra ખરીદવાની સુવર્ણ તક , Prime Day સેલમાં મળશે જબરદસ્ત ડિસ્કાઉન્ટ

સેમસંગનો પ્રીમિયમ ફ્લેગશિપ સ્માર્ટફોન Samsung Galaxy S25 Ultra આ વર્ષે ફેબ્રુઆરીમાં લોન્ચ થયો હતો અને આજે પણ ભારતીય બજારમાં સૌથી શક્તિશાળી સ્માર્ટફોનમાં તેની ગણના થાય છે , અદ્યતન કેમેરા , શક્તિશાળી પ્રોસેસર અને AI આધારિત ફીચર્સને કારણે આ સ્માર્ટફોન ગ્રાહકોમાં લોકપ્રિય રહ્યો છે . હવે તેને ખરીદવા માંગતા લોકો માટે સારા સમાચાર છે .  Amazon Prime Day 2026 સેલ દરમિયાન Samsung Galaxy S25 Ultra પર મોટી છૂટ આપવામાં આવશે , જેના કારણે તે અત્યાર સુધીની સૌથી ઓછી અસરકારક કિંમતે ઉપલબ્ધ બનશે .

Amazon Prime Day 2026 સેલ  4 જુલાઈ થી 6 જુલાઈ દરમિયાન યોજાશે . કંપનીના જણાવ્યા અનુસાર , Samsung Galaxy S25 Ultra નું 12GB RAM અને 256GB સ્ટોરેજ વેરિઅન્ટ , જેની કિંમત 1,29,999 રૂપિયા છે , તે વિવિધ ઓફર બાદ માત્ર રૂપિયા 84,999ની અસરકારક કિંમતે ખરીદી શકાય છે . જોકે ડિસ્કાઉન્ટની આખી જાણકારી હજુ સુધી જાહેર કરવામાં આવી નથી , પરંતુ તેમાં બેંક ઓફર , અન્ય પ્રમોશનલ લાભો અને 9 મહિનાનો નો - કોસ્ટ EMI વિકલ્પ સામેલ હશે .  ખરીદદારોને ત્રણ મહિનાનું Amazon Music સબ્સ્ક્રિપ્શન પણ વિના મૂલ્યે મળશે .

ફીચર્સની વાત કરીએ તો Samsung Galaxy S25 Ultra માં 6.9 ઇંચની Dynamic AMOLED 2X ડિસ્પ્લે આપવામાં આવી છે , જે 1Hz થી 120Hz સુધીના વેરીએબલ રિફ્રેશ રેટ અને 2,600 nits સુધીની પીક બ્રાઇટનેસ સપોર્ટ કરે છે . સ્માર્ટફોન Android 15 આધારિત One UI 7 પર ચાલે છે અને તેમાં Snapdragon 8 Elite for  Galaxy પ્રોસેસર આપવામાં આવ્યું છે . ફોનમાં 12GB RAM સાથે 1TB સુધીનું સ્ટોરેજ વિકલ્પ ઉપલબ્ધ છે .

ફોટોગ્રાફી માટે આ ફોનમાં 200 મેગાપિક્સલનો મુખ્ય કેમેરા , 50 મેગાપિક્સલનો અલ્ટ્રાવાઇડ લેન્સ , 50 મેગાપિક્સલનો 5x ટેલિફોટો કેમેરો આપવામાં આવ્યો છે . જયારે સેલ્ફી અને વિડીયો કોલિંગ માટે 12 મેગાપિક્સલનો ફ્રન્ટ કેમેરા મળે છે . આ ઉપરાંત 5,000mAh બેટરી , 45W ફાસ્ટ ચાર્જિંગ , 5G , Wi - Fi , Bluetooth 5.4 NFC અને USB Type - C જેવી આધુનિક કનેક્ટિવિટી સુવિધાઓ પણ આપવામાં આવી છે .