200MP કેમેરા અને Snapdragon 8 Elite Gen 5 સાથેનો Samsung Galaxy S26 Ultra હવે ઓછી કિંમતે ઉપલબ્ધ

જો તમે સેમસંગ નો ફ્લેગશિપ સ્માર્ટફોન ખરીદવાનું વિચારી રહ્યા છો , તો Samsung Galaxy S26 Ultra 5G તમારા માટે એક સારો વિકલ્પ બની શકે છે . આ ફોન હાલમાં ફ્લિપકાર્ટ પર ભારે ડિસ્કાઉન્ટ સાથે ઉપલબ્ધ છે . ખાસ વાત એ છે કે તેમાં 200MP નો કેમેરા , Snapdragon 8 Elite Gen 5 પ્રોસેસર અને 5000mAh બેટરી જેવી પ્રીમિયમ સુવિધાઓ આપવામાં આવી છે .  આ ફોનને 60W ફાસ્ટ ચાર્જિંગ નો સપોર્ટ પણ મળે છે . જે તમે હાઈ- એન્ડ કેમેરા , પાવરફુલ પરફોર્મન્સ અને પ્રીમિયમ ફીચર્સવાળો ફોન શોધી રહ્યા છો , તો આ ડીલ તમારા માટે કામની બની શકે છે .

Samsung Galaxy S26 Ultra 5G કિંમત અને ઓફર  :

ફ્લિપકાર્ટ પર Samsung Galaxy S26 Ultra 5Gનો 12GB RAM અને 256GB સ્ટોરેજ વેરિઅન્ટ હાલમાં રૂપિયા 1,17,964 માં લિસ્ટ થયો છે . આ ફોન આ વર્ષે ફેબ્રુઆરીમાં રૂપિયા 1,39,999ની કિંમતે લોન્ચ થયો હતો . એટલે હાલ તેની મૂળ કિંમતની સરખામણીએ લગભગ રૂપિયા 25,000 ડિસ્કાઉન્ટ મળી રહ્યો છે .

બેંક ઓફરની વાત કરીએ તો , જો ગ્રાહકો HDFC બેંક ક્રેડિટ કાર્ડથી પેમેન્ટ કરે , તો તેને રૂપિયા 3,500 સુધીનું વધારાનું ડિસ્કાઉન્ટ મળી શકે છે . આ ઓફર પછી ફોનની અસરકારક કિંમત રૂપિયા 1,14,464 સુધી આવી જાય છે . આ ઉપરાંત ફ્લિપકાર્ટ પર એક્સચેન્જ ઓફર પણ ઉપલબ્ધ છે . જો તમે તમારો  જૂનો ફોન આપો , તો રૂપિયા 60,300 સુધીનું એક્સચેન્જ વેલ્યુ મળી શકે છે . જોકે કેટલો ફાયદો મળશે તે તમારા જૂના ફોનની હાલત અને મોડલ પર આધાર રાખે છે .

Samsung Galaxy S26 Ultra 5G ફીચર્સ અને સ્પેસિફિકેશન્સ :

ફીચર્સની વાત કરીએ તો Samsung Galaxy S26 Ultra 5G માં 6.9 ઈંચનું Dynamic AMOLED 2X ડિસ્પ્લે છે . તેમાં 3120x1440 પિક્સેલ રિઝોલ્યુશન અને 120Hz રિફ્રેશ રેટ મળે છે , જેથી સ્ક્રોલિંગ અને વિડીયો જોવાનો અનુભવ વધુ સ્મૂથ બને છે . ફોન Android 16 આધારિત One UI 8.5 પર ચાલે છે .

કેમેરા વિભાગની વાત કરીએ, તો આ ફોનમાં 200MP નો મુખ્ય કેમેરા , 50MP નો સેકન્ડરી કેમેરા , 50MP નો અલ્ટ્રા-વાઈડ કેમેરા અને 10MP ટેલિફોટો કેમેરા આપવામાં આવ્યો છે . સેલ્ફી અને વિડીયો કોલ માટે તેમાં 12MPનો ફ્રન્ટ કેમેરા છે . આની સાથે જ 5000mAh બેટરી , Wi-Fi 7 , Bluetooth 5.4 , NFC અને USB Type - C જેવી સુવિધાઓ પણ મળે છે .