16 ઇંચ AMOLED ડિસ્પ્લે , Wi-Fi 7 અને 1TB સ્ટોરેજ સાથે Samsung Galaxy Book6 Edge બજારમાં રજૂ

સેમસંગે તેના પ્રીમિયમ લેપટોપ પોર્ટફોલિયોને વધારવા માટે નવું Samsung Galaxy Book6 Edge લોન્ચ કર્યું છે . આ લેપટોપ શક્તિશાળી હાર્ડવેર , AI ક્ષમતાઓ અને લાંબી બેટરી લાઈફ સાથે આવે છે . કંપનીનો દાવો છે કે આ ડિવાઈસ પ્રોફેશનલ્સ , વિધાર્થીઓ અને કન્ટેન્ટ ક્રિએટર્સને ધ્યાનમાં રાખીને તૈયાર કરવામાં આવ્યું છે .  આ લેપટોપ Windows 11 Home ઓપરેટિંગ સિસ્ટમ પર ચાલે છે અને SmartThings ઈકોસિસ્ટમ સાથે આવે છે .

Samsung Galaxy Book6 Edge ડિસ્પ્લે :

Samsung Galaxy Book6 Edgeમાં 16 ઈંચનું Dynamic AMOLED 2X એન્ટિ - રિકલેક્ટિવ ટચસ્ક્રીન ડિસ્પ્લે આપવામાં આવ્યું છે . આ ડિસ્પ્લે 2880x1800 પિક્સલ રિઝોલ્યુશન અને 120Hz રિફ્રેશ રેટને સપોર્ટ કરે છે , જે યુઝર્સને સ્મૂથ અને શાર્પ વિઝ્યુઅલ અનુભવ આપે છે . લેપટોપ Qualcomm Snapdragon X2 Elite X2E-88-100 ચિપસેટથી સંચાલિત છે , જેની સાથે Qualcomm Adreno GPU અને Qualcomm Hexagon NPU આપવામાં આવ્યા છે . આ કોમ્બિનેશન AI આધારિત કર્યો અને મલ્ટીટાસ્કિંગને વધુ ઝડપી બનાવે છે .

ડિવાઇસમાં 16GB LPDDR5X RAM અને 1TB eUFS સ્ટોરેજ આપવામાં આવ્યું છે , જે મોટા પ્રમાણમાં ડેટા સ્ટોર કરવા અને હેવી એપ્લિકેશન્સ ચલાવવા માટે પૂરતું છે . ઓડિયો અનુભવને વધુ સારો બનાવવા માટે તેમાં Dolby Atmos સપોર્ટ સાથે ક્વાડ સ્પીકર્સ અને Smart Amp ટેક્નોલોજી આપવામાં આવી છે . આ ઉપરાંત , વિડીયો કોલિંગ અને ઓનલાઈન મીટિંગ્સ માટે ડ્યુઅલ -એરે ડિજિટલ માઈક્રોફોન અને 2 - મેગાપિક્સલનો વેબકેમ પણ ઉપલબ્ધ છે .

Samsung Galaxy Book6 Edgeમાં 61.8Wh લિથિયમ - આયન બેટરી આપવામાં આવી છે , જે એક જ ચાર્જમાં 22 કલાક સુધીનો ઉપયોગ કરી શકાય છે . તે 65W ફાસ્ટ ચાર્જિંગને પણ સપોર્ટ કરે છે . આ લેપટોપ Windows 11 Home ઓપરેટિંગ સિસ્ટમ પર ચાલે છે અને SmartThings ઈકોસિસ્ટમ સાથે આવે છે .

કનેક્ટિવિટી માટે તેમાં Wi - Fi 7, Bluetooth 5.4, HDMI 2.1, USB 3.2 પોર્ટ , બે USB4 પોર્ટ અને 3.5mm હેડફોન જેક આપવામાં આવ્યા છે . લેપટોપનું વજન 1.55 કિલોગ્રામ છે અને તે Gray Blue કલર વિકલ્પમાં ઉપલબ્ધ છે . તેની કિંમત USD 2,099.99 ( આશરે રૂપિયા 1.98 લાખ ) રાખવામાં આવી છે અને હાલમાં તે અમેરિકામાં Samsung ની સત્તાવાર વેબસાઈટ પર વેચાણ માટે ઉપલબ્ધ છે .