Windows 11 માટે Android સ્માર્ટફોન બન્યો સ્માર્ટ વેબકેમ વિકલ્પ

Windows 11 માટે તાજેતરમાં એક નવી સુવિધા રજૂ કરવામાં આવી છે , જેના દ્રારા હવે યુઝર્સ પોતાના Android સ્માર્ટફોનને વાયરલેસ વેબકેમ તરીકે ઉપયોગ  કરી શકે છે . આ ફીચર ખાસ કરીને એવા લોકો માટે ઉપયોગી છે , જેઓ વિડીયો કોલિંગ , ઓનલાઈન મીટિંગ્સ અથવા લાઈવ સ્ટ્રીમિંગ માટે વધુ સારી  વિડીયો ક્વોલિટી ઈચ્છે છે . પહેલાના સ્માર્ટફોનને વેબકેમ તરીકે ઉપયોગ કરવા માટે બીજી એપ્લિકેશનોની જરૂર પડતી હતી , પરંતુ હવે Windows 11  માં આ સુવિધા સીધી જ  ઉપલબ્ધ હોવાથી વધુ સુરક્ષા અને ગોપનીયતા મળે છે .

સ્માર્ટફોનને વેબકેમ તરીકે ઉપયોગ કરવાનો ફાયદો 

Android સ્માર્ટફોનને વેબકેમ તરીકે ઉપયોગ કરવાનો સૌથી મોટો ફાયદો એ છે કે મોટાભાગના સમાર્ટફોનમાં સામાન્ય લેપટોપ વેબકેમ કરતા વધુ સારા કેમેરા  હોય છે . ઘણા Android ફોન 4K વિડીયો રેકોર્ડિંગ સપોર્ટ કરે છે , જયારે સામાન્ય લેપટોપ વેબકેમ ફક્ત Full - HD  સુધી મર્યાદિત હોય છે . તેથી વિડીયો  કોલ અથવા  ઓનલાઇન પ્રેઝન્ટેશન દરમિયાન વધુ સ્પષ્ટ અને પ્રોફેશનલ વિડીયો ક્વોલિટી મેળવી શકાય છે .

આ સુવિધા ડેસ્કટોપ PC વાપરતા યુઝર્સ માટે પણ ઉપયોગી છે , કારણ કે હવે અલગ વેબકેમ ખરીદવાની જરૂર રહેતી નથી . ઉપરાંત , ફોન વાયરલેસ રીતે કનેક્ટ થતો  હોવાથી તેને ગમે ત્યાં મૂકી શકાય છે અને જરૂર મુજબ કેમેરાનો એંગલ સરળતાથી ગોઠવી શકાય છે . YouTube અથવા અન્ય પ્લેટફોર્મ  પર લાઈવ  સ્ટ્રીમિંગ કરતા લોકો માટે પણ આ ફીચર ઉપયોગી બની શકે છે , કારણે કે તેઓ ફોનને સેકન્ડરી કેમેરા તરીકે ઉપયોગ કરી શકે છે .

તમારા Windows 11 પર તમારા Android ફોનનો વેબકેમ તરીકે ઉપયોગ કેવી રીતે કરવો ?

આ સુવિધાઓ ઉપયોગ કરવા માટે કેટલીક આવશ્યકતાઓ પણ છે . તમારું PC Windows 11 અથવા તેની નવી આવૃત્તિ પર ચાલતું હોવું જોઈએ . Android  સ્માર્ટફોન Android 11 અથવા તેના પછીના વર્ઝન પર ચાલતો હોવું જરૂરી છે . આ ઉપરાંત , ફોનમાં Link to Windows એપનું 1.24022.0 અથવા તેના પછીનું વર્ઝન ઇન્સ્ટોલ કરેલું હોવું જોઈએ .

Windows 11 પર એન્ડ્રોઇડ ફોનનો વેબકેમ તરીકે ઉપયોગ કેવી રીતે કરવો ?

• સેટઅપ પ્રક્રિયા પણ ખૂબ સરળ છે .સૌપ્રથમ Android ફોનમાં  Link to Windows એપ ઇન્સ્ટોલ કરો .
• ત્યારબાદ Windows 11  PC પર Phone link એપ ખોલો .
• માઇક્રોસોફ્ટ એકાઉન્ટથી સાઈન -ઈન કરો .
• ત્યાર પછી સ્ક્રીન પર દેખાતા QR કોડને ફોનથી સ્કેન કરીને બંને ડિવાઈસને કનેક્ટ કરો . બ્લૂટૂથથી પણ કનેક્શન કરી શકાય છે .
• કનેક્શન પૂર્ણ થયા પછી ની Setting એપમાં જઈ Bluetooth & Devices વિભાગ ખોલો .
• તમારા ફોનનું નામ પસંદ કરો .
• ત્યારબાદ " Use device as a cameras "  વિકલ્પ ચાલુ કરો .
• પછી Manage Cameras  વિભાગમાં તમારો Android ફોન Connected Cameras હેઠળ દેખાશે .
• તેના પર ક્લિક કરતા જ ફોનના કેમેરાનો લાઈવ વિડીયો ફીડ સ્ક્રીન પર જોવા મળશે .
• જો ફીડ ન દેખાય તો " Resend Permission request " વિકલ્પ પસંદ કરો .
• ફોનમાં જરૂરી કેમેરા પરમિશન Allow કરવું પડશે .
• પ્રક્રિયા પૂર્ણ થયા પછી તમારો Android સ્માર્ટફોન Windows 11 માટે સંપૂર્ણ વાયરલેસ વેબકેમ તરીકે કામ કરવા લાગશે .