5G Network Slicingથી બદલાશે મોબાઈલ પ્લાન , પ્રીમિયમ ગ્રાહકોને મળશે ખાસ સેવા

જિયો ( jio ) અને એરટેલ ( Airtel ) જેવી ટેલિકોમ કંપનીઓ ટૂંક સમયમાં 4G અને 5G માટે અલગ અલગ પ્લાન ઓફર કરી શકે છે . તેનું કારણ 5G નેટવર્ક સ્લાઇસિંગ છે . ટેલિકોમ કંપનીઓ લાંબા સમયથી આ ટેક્નોલોજીનો ઉપયોગ કરવા માંગે છે . હવે ટેલિકોમ રેગ્યુલેટરી ઓથોરિટી ઓફ ઇન્ડિયા ( TRAI ) એ 5G નેટવર્ક સ્લાઇસિંગ માટે નિયમો બનાવવાનો પ્રસ્તાવ મુક્યો છે . TRAIનો ઉદ્દેશ્ય એ છે કે કંપનીઓ 5Gની ખાસ સેવાઓ આપવાની મંજૂરી મળે , પરંતુ તેની અસર સામાન્ય ગ્રાહકોની સેવા પર ન પડે .

5G નેટવર્ક સ્લાઇસિંગ શું છે ?

5G નેટવર્ક સ્લાઇસિંગનો સરળ અર્થ છે કે એક જ નેટવર્ક સાથે જોડાયેલાને અલગ - અલગ વર્ચ્યુઅલ નેટવર્કમાં વહેંચવું આને નેટવર્કના અલગ - અલગ ' સ્લાઈસ ' કહી શકાય . દરેક સ્લાઈસને અલગ જરૂરિયાત પ્રમાણે તૈયાર કરી શકાય છે .

ઉદાહરણ તરીકે , વિડીયો સ્ટ્રીમિંગ , ઓનલાઈન ગેમિંગ , લોકેશન ટ્રેકિંગ અથવા અન્ય ખાસ સેવાઓ માટે અલગ નેટવર્ક સ્લાઈસ બનાવી શકાય છે . આ રીતે દરેક પ્રકારની સેવાને તેની જરૂરિયાત પ્રમાણે નેટવર્ક સ્લાઈસ બનાવી શકાય છે .

TRAIનો શું પ્રસ્તાવ છે ?

TRAIએ 5G નેટવર્ક સ્લાઇસિંગ વિશે એક સલાહ પત્ર જાહેર કર્યો છે . ટેલિકોમ કંપનીઓ ખાસ કરીને બિઝનેસ અને પ્રીમિયમ ગ્રાહકો માટે 5Gની નવી સેવાઓ શરૂ કરવા માંગે છે . જિયો અને એરટેલ જેવી કંપનીઓને પણ આ ટેક્નોલોજીથી ફાયદો થઈ શકે છે .

જોકે , TRAI એ આ વાતની પુષ્ટિ કરી છે કે પ્રીમિયમ ગ્રાહકોને ખાસ સેવા આપતી વખતે સામાન્ય ગ્રાહકોની સેવાની સાથે કોઈ પણ કમી ન રહેવી  જોઈએ . કંપનીઓએ દરેક નેટવર્ક સેલમાં અલગ - અલગ સ્લાઈસ માટે કેટલી ક્ષમતા આપવામાં આવી છે તેની માહિતી TRAIને આપવી પડશે .

ગ્રાહકો પર  શું અસર થશે ?

5G સ્લાઇસિંગ શરૂ થયા પછી પ્રીમિયમ ગ્રાહકોને તેમની જરૂરિયાત પ્રમાણે વધુ સારી નેટવર્ક સેવા મળી શકે છે . તેમાં વધુ સ્પીડ અને સારી કનેક્ટિવિટી જેવી સુવિધાઓ સામેલ હોઈ શકે છે . જોકે , આવી ખાસ સેવા માટે ગ્રાહકોએ સામાન્ય પ્લાન કરતા વધુ પૈસા ચૂકવવા પડી શકે છે .

આ કારણે કંપનીઓ ભવિષ્યમાં 4G અને 5G માટે અલગ અલગ પ્લાન પણ રજૂ કરી શકે છે . એટલે કે વધુ કિંમત ચુકવનારા ગ્રાહકોને વધુ સારી અથવા ખાસ નેટવર્ક સેવા મળી શકે છે .

જોકે , TRAIનું કહેવું છે કે પ્રીમિયમ ગ્રાહકોને આવી સુવિધા આપવાથી સામાન્ય ગ્રાહકોના નેટવર્ક અનુભવ પર ખરાબ અસર ન થવી જોઈએ . જો કોઈ કંપની તેમના વાયદા મુજબની સેવા અથવા સ્પીડ આપવામાં નિષ્ફ્ળ જાય ,તો તેની સામે નિયમ મુજબ કાર્યવાહી થઈ શકે છે .

 5G નેટવર્ક સ્લાઇસિંગથી ટેલિકોમ કંપનીઓ ગ્રાહકોની અલગ - અલગ જરૂરિયાત મુજબ નેટવર્ક સેવા આપી શકશે . તેનાથી પ્રીમિયમ ગ્રાહકોને વધુ સારી સેવા મળી શકે છે , પરંતુ TRAI એ પણ ખાતરી કરવા માંગે છે કે આ સુવિધાથી સામાન્ય ગ્રાહકોના હિતોને નુકસાન તો ન થાય .