Lenovoનું નવું AI લેપટોપ લોન્ચ , 15 મિનિટ ચાર્જમાં 2 કલાક સુધી ચાલશે

લેનોવોએ ભારતીય બજારમાં તેનું નવું Lenovo  IdeaPad Slim 3 Gen 11 લેપટોપ લોન્ચ કર્યું છે . આ લેપટોપ એવા યુઝર્સને ધ્યાનમાં રાખીને તૈયાર કરવામાં આવ્યું છે , જેઓ ઓફિસનું કામ , ભણવાનું , વિડીયો કોલિંગ કે રોજિંદા ઉપયોગ માટે એક શક્તિશાળી ડિવાઈસ શોધી રહ્યા છે . કંપનીએ તેમાં AI આધારિત ફીચર્સ પણ આપ્યા છે , જે કામને વધુ સરળ અને ઝડપી બનાવવામાં મદદ કરે છે . Lenovo  IdeaPad Slim 3 Gen 11ની શરૂઆતની કિંમત રૂપિયા 1,09,900 રાખવામાં આવી છે . 

નવું Lenovo  IdeaPad Slim 3 Gen 11 એ 14 ઇંચ અને 15 ઇંચની સ્ક્રીનના વિકલ્પો સાથે આવે છે . બંને મોડલમાં 400 nits સુધીની બ્રાઇટનેસ આપવામાં આવી છે . પાતળી બેઝલ્સને કારણે સ્ક્રીન વધુ મોટી લાગે છે , જેથી વિડીયો જોવાનું અને કામ કરવાનું અનુભવ સારો મળે છે . આંખો પર ઓછો ભાર પડે તે માટે ડિસ્પ્લેને TUV સર્ટિફિકેશન પણ મળ્યું છે .

પરફોર્મન્સ માટે આ લેપટોપમાં Intel Core Ultra Series 3 પ્રોસેસર આપવામાં આવ્યું છે . સાથે Intel Arc Graphics અને Copilot + જેવી AI સુવિધાઓ પણ મળે છે . આ કારણે યુઝર્સ સરળતાથી મલ્ટીટાસ્કિંગ કરી શકે છે અને સાથે જ બીજા એપ્લિકેશન્સનો ઉપયોગ કોઈ સમસ્યા વગર કરી શકે છે . આ લેપટોપમાં 16GB RAM અને 512GB સુધી સ્ટોરેજનો વિકલ્પ ઉપલબ્ધ છે .

વિડીયો કોલિંગ અને ઓનલાઈન મીટિંગ્સ માટે તેમાં FHD IR  કેમેરો આપવામાં આવ્યો છે , જે સારી ગુણવત્તાનો વિડીયો અનુભવ આપે છે . લેપટોપ Windows 11 ઓપરેટિંગ સિસ્ટમ પર ચાલે છે . કનેક્ટિવિટી માટે Wi - Fi  , Bluetooth , HDMI , USB Type - A , USB Type - C પોર્ટ અને 3.5mm ઓડિયો જેક જેવી જરૂરી સુવિધાઓ આપવામાં આવી છે .

Lenovo  IdeaPad Slim 3 Gen 11 ની શરૂઆતની કિંમત રૂપિયા 1,09,900 રાખવામાં આવી છે . ગ્રાહકો લેનોવોની વેબસાઈટ પરથી પોતાની જરૂરિયાત પ્રમાણે કન્ફિગરેશન પસંદ કરી શકે છે . કંપની 10,000 રૂપિયા સુધીનું ઇન્સ્ટન્ટ બેંક ડિસ્કાઉન્ટ અને 12 મહિનાનો નો - કોસ્ટ EMI વિકલ્પ પણ આપી રહી છે .

આ લેપટોપમાં 60Wh બેટરી આપવામાં આવી છે , જે ફાસ્ટ ચાર્જિંગ બુસ્ટ ફીચરને સપોર્ટ કરે છે . કંપનીનું કહેવું છે કે માત્ર 15 મિનિટ ચાર્જિંગ કરવાથી લગભગ 2 કલાક સુધી તેનો ઉપયોગ કરી શકાય છે .