Android 16 આધારિત One UI 8.5 વધુ Samsung ડિવાઈસિસમાં રોલઆઉટ થવાનું શરૂ

સેમસંગ આ મહિનાની શરૂઆતમાં તેના Android 16 આધારિત One UI 8.5 અપડેટનું દુનિયાભરમાં રોલઆઉટની જાહેરાત કરી હતી . શરૂઆતમાં Galaxy S25 અને Galaxy S24 સિરીઝના સ્માર્ટફોન્સને આ અપડેટ મળ્યું હતું , પરંતુ હવે કંપની ધીમે ધીમે અન્ય ડિવાઇસિસ માટે પણ તેને ઉપલબ્ધ બનાવી  છે . સોશિયલ મીડિયા પર આવેલી માહિતી અનુસાર , ભારત અને બીજા અનેક વૈશ્વિક બજારોમાં Samsung  Galaxy Z  Fold 5 અને Galaxy Z Flip 5 માટે હવે One UI 8.5 અપડેટ રોલઆઉટ થવાનું શરૂ થયું છે .

X પર કેટલાક યુઝર્સને માહિતી આપી છે કે Samsung  Galaxy Z  Fold 5 માટે F946BXXU6GZE2  અને  Galaxy Z Flip 5 માટે  F731BXXU6GZE3  ફર્મવેર વર્ઝન સાથે અપડેટ મળી રહ્યું છે . Android 16 આધારિત આ અપડેટ મળી રહ્યું છે . Android 16 આધારિત આ અપડેટમાં એપ્રિલ 2026 નો સુરક્ષા પેચ પણ શામેલ છે  .

સેમસંગના લેટેસ્ટ અપડેટ્સ સામાન્ય રીત ડિવાઈસ પર OTA ( Over - the - Air ) દ્રારા આપમેળે પહોંચી જશે . જોકે , યુઝર્સ Settings  > Software Update  > Download and Install વિકલ્પ દ્રારા મેન્યુઅલી પણ અપડેટ ચેક કરી શકે છે . કંપનીએ અપડેટ ઇન્સ્ટોલ કરતા પહેલા Wi - Fi સાથે કનેક્ટ રહેવા અને  ફોન ચાર્જિંગ પર રાખવાની સલાહ આપી છે .

દક્ષિણ કોરિયન ટેક જાયન્ટ કંપની Samsung આ મહિને Galaxy S25 સિરીઝ સાથે One UI 8.5 રોલઆઉટ શરૂ કર્યું હતું . ત્યારબાદ Galaxy S24 અને Galaxy S23 સિરીઝના જુના ફ્લેગશિપ સ્માર્ટફોન્સ માટે પણ અપડેટ ઉપલબ્ધ બન્યા છે . Samsung Galaxy Tab S10 ,   Galaxy Tab S11,  Galaxy A56 અને  Galaxy A36 જેવા મોડેલો માટે પણ તાજેતરમાં આ અપડેટ રિલીઝ થવાનું શરૂ થયું છે .

નવી One UI 8.5 અપડેટમાં અનેક AI આધારિત ફીચર્સ , UI સુધારાઓ અને નવા કસ્ટમાઈઝેશન ટુલ્સ એડ કરવામાં આવ્યા છે . તેમાં વધુ કસ્ટમાઈઝેબલ Quick Panel , અપગ્રેડેડ Galaxy AI સુટ અને રિફ્રેશ્ડ  Bixby આસિસ્ટન્ટનો સમાવેશ થાય છે . Samsung Galaxy S26 સિરીઝ પણ One UI 8.5 સાથે પ્રી - ઇન્સ્ટોલ્ડ રૂપે લોન્ચ કરવામાં આવ્યું છે .