સ્ટેશન પર દોડાદોડ નહીં ! NTESથી જાણો ટ્રેનનું પ્લેટફોર્મ અને લાઈવ સ્ટેટસ

ભારતમાં દરરોજ લાખો લોકો ટ્રેનમાં મુસાફરી કરે છે . ટ્રેન મુસાફરીને સૌથી સસ્તું અને સરળ સાધન માનવામાં આવે છે . ઘણી વખત એવું પણ બને છે કે મુસાફરો સ્ટેશન પર પહોંચે પછી તેમને ખબર પડે કે ટ્રેનનું પ્લેટફોર્મ બદલાઈ ગયું છે . આવી સ્થિતિમાં લોકોને ઉતાવળમાં એક પ્લેટફોર્મ પરથી બીજા પ્લેટફોર્મ પર જવું પડે છે . સ્ટેશન પર પ્લેટફોર્મ બદલવાની જાહેરાત કરવામાં આવે છે , પરંતુ ભીડ અને અવાજને કારણે તે દરેક મુસાફર સુધી સ્પષ્ટ રીતે પહોંચતી નથી .

આવી સ્થિતિમાં તમે ટેક્નોલોજીની મદદ લઈ શકો છો . એક મોબાઈલ એપ દ્રારા તમે જાણી શકો છો કે તમારી ટ્રેન ક્યાં પ્લેટફોર્મ પર આવશે . જો પ્લેટફોર્મમાં કોઈ ફેરફાર થાય તો તેની માહિતી પણ મળી જાય છે . એટલું જ નહીં , ટ્રેન ક્યાં સુધી પહોંચી છે , ક્યારે સ્ટેશન પરથી નીકળી છે અને તમારા સ્ટેશન પર ક્યારે પહોંચશે તેનો અંદાજ પણ જાણી શકાય છે .

NTES શું છે ?
NTES એટલે નેશનલ ટ્રેન ઇન્ક્વાયરી સિસ્ટમ . આ ભારતીય રેલવેની સત્તાવાર સાઈટ છે , જે ટ્રેનની લાઈવ માહિતી આપે છે . તેમ ટ્રેનનું લાઈવ રનિંગ સ્ટેટસ , અલગ - અલગ સ્ટેશનો પર પહોંચવાનો અંદાજિત સમય અને પ્લેટફોર્મની માહિતી જોઈ શકાય છે . આ સેવા Android અને iPhone માટે ઉપલબ્ધ NTES એપ તેમજ તેની સત્તાવાર વેબસાઈટ પર પણ મળી રહે છે . 

NTES મોબાઈલ એપથી ટ્રેનની માહિતી કેવી રીતે મેળવવી ?

• સૌથી પહેલા Google Play Store કે Apple App Store માંથી NTES એપ ડાઉનલોડ કરીને ઇન્સ્ટોલ કરો .
• હવે એપ ખોલીને Spot Your Train વિકલ્પ પર ક્લિક કરો . 
• ત્યારબાદ તમારી ટ્રેનનું નામ અથવા નંબર લખો.
• હવે Show Instance પર ટેપ કરો 
• ત્યાર પછી તમારી ટ્રેનની તમામ માહિતી સ્ક્રીન પર જોવા મળશે . રૂટ મેપ જોવા માટે તેના પર ટેપ કરો .

NTES વેબસાઈટ પરથી લાઈવ સ્ટેટસ કેવી રીતે ચેક કરવું ?

• સૌથી પહેલા NTESની સત્તાવાર વેબસાઈટ ખોલો .
• ડાબી બાજુ આપેલા Spot Your Train વિકલ્પ પર ક્લિક કરો .
• હવે ટ્રેનનું નામ અથવા નંબર દાખલ કરો અને યોગ્ય ટ્રેન પસંદ કરો .
• ત્યારબાદ મુસાફરી શરૂ થયેલી તારીખ પસંદ કરો .
• હવે તમારી ટ્રેનનું લાઈવ સ્ટેટસ , રૂટ અને અન્ય જરૂરી માહિતી સ્ક્રીન પર જોવા મળશે .