Tata Sierra EVની એન્ટ્રી માટે તૈયાર પૂર્ણ , 75kWh બેટરી અને ડયુઅલ મોટર સાથે આપશે જોરદાર પરફોર્મન્સ

ઇલેક્ટ્રિક વાહનોના બજારમાં નોંધપાત્ર હિસ્સો ધરાવતી ટાટા મોટર્સ કાલે (30 જૂન) પોતાની નવી Sierra EV લોન્ચ કરશે. આ ઇલેક્ટ્રિક SUVમાં 65 kWh અને 75 kWh બેટરી પેકના વિકલ્પ મળી શકે છે. ઉપરાંત તેમાં એર પ્યુરિફાયર, વાયરલેસ ફોન ચાર્જર અને ADAS (Advanced Driver Assistance Systems) જેવા આધુનિક ફીચર્સ આપવામાં આવશે.

Sierraનું ઇન્ટરનલ કમ્બશન એન્જિન (ICE) વર્ઝન પહેલેથી જ ઉપલબ્ધ છે. નવી Sierra EVના ડિઝાઇનમાં કેટલાક ફેરફારો કરવામાં આવ્યા છે. તેમાં નવા બમ્પર સાથે ક્લોઝ્ડ-ઓફ ગ્રિલ આપવામાં આવી છે. ઉપરાંત કનેક્ટેડ LED DRLs અને સાઇડ પર EV બેજ પણ જોવા મળશે. ટાટા મોટર્સની અન્ય ઇલેક્ટ્રિક કારની જેમ તેના કેબિનમાં ગ્રે અને બ્લેક રંગનું સંયોજન હોઈ શકે છે. તેમાં ઇન્સ્ટ્રુમેન્ટ ક્લસ્ટર, ઇન્ફોટેનમેન્ટ યુનિટ અને પેસેન્જર ડિસ્પ્લે માટે ટ્રિપલ-સ્ક્રીન લેઆઉટ આપવામાં આવશે. Sierra EVમાં 65 kWh અને 75 kWh એમ બે બેટરી પેકના વિકલ્પ મળી શકે છે.

આ ઇલેક્ટ્રિક SUV માં 500 Nm સુધીનો પીક ટોર્ક મળશે. તેમાં ડ્યુઅલ-મોટર સેટઅપ આપવામાં આવશે. Sierra EVમાં 300 HP સુધીનો પીક પાવર આઉટપુટ મળી શકે છે. ફીચર્સની વાત કરીએ તો તેમાં ADAS, 360-ડિગ્રી કેમેરા, એર પ્યુરિફાયર, વાયરલેસ ફોન ચાર્જર અને ડ્યુઅલ-ઝોન ક્લાઇમેટ કન્ટ્રોલ જેવી સુવિધાઓ આપવામાં આવશે. સલામતી માટે તેમાં 6 એરબેગ, સીટ બેલ્ટ રિમાઇન્ડર, EBD સાથે ABS અને ઇલેક્ટ્રિક પાર્કિંગ બ્રેક જેવા ફીચર્સ મળશે.

આ ઇલેક્ટ્રિક SUV નો મુકાબલો Hyundai Creta Electric, Mahindra BE6, VinFast VF6 અને MG Motor ZS EV સાથે થશે. જોકે, ટાટા મોટર્સે Sierra EVની કિંમત અંગે હજુ સુધી કોઈ માહિતી જાહેર કરી નથી. એક જ ચાર્જમાં તેની 500 કિલોમીટરથી વધુ રેન્જ મળવાની શક્યતા છે.

તાજેતરમાં ટાટા મોટર્સે Tiago EVનું નવું વર્ઝન પણ લોન્ચ કર્યું છે. આ ઇલેક્ટ્રિક હેચબેકના ડિઝાઇનમાં કેટલાક ફેરફારો કરવામાં આવ્યા છે અને તેમાં નવા ફીચર્સ પણ ઉમેરવામાં આવ્યા છે. Tiago EVની શરૂઆતની કિંમત ₹6.99 લાખ (એક્સ-શોરૂમ) છે. તેમાં 19.2 kWh અને 24 kWh બેટરી પેકના વિકલ્પ ઉપલબ્ધ છે. કંપનીનો દાવો છે કે મોટા બેટરી પેક ધરાવતા વેરિઅન્ટમાં એક જ ચાર્જમાં અંદાજે 285 કિલોમીટર સુધીની રેન્જ મળશે.

Tiago EVની કિંમત ₹6.99 લાખથી ₹9.99 લાખ (એક્સ-શોરૂમ) વચ્ચે રાખવામાં આવી છે. ઉપરાંત, તેને Battery-as-a-Service (BaaS) વિકલ્પ સાથે ખરીદવામાં આવે તો તેની શરૂઆતની કિંમત ₹4.69 લાખ રહેશે. જોકે, આ વિકલ્પ હેઠળ ગ્રાહકે ₹2.60 પ્રતિ કિલોમીટરના દરે બેટરી રેન્ટલ પણ ચૂકવવું પડશે.