27 જૂનનો મોટો ધમાકો : Tata Sierra EV એન્ટ્રી માટે તૈયાર , Creta Electricને આપશે કડક ટક્કર

ભારતમાં ઇલેક્ટ્રિક વાહનોની માંગ ઝડપથી વધી રહી છે અને ટાટા  મોટર્સ આ ક્ષેત્રમાં પોતાની સ્થિતિ વધુ મજબૂત બનાવવા માટે ટૂંક સમયમાં નવી Sierra EV લોન્ચ કરવાની તૈયારીમાં છે . મીડિયા રિપોર્ટ્સ અનુસાર , આ ઇલેક્ટ્રિક SUV આ મહિનાના અંત સુધીમાં બજારમાં આવી શકે છે . નવી Tata Sierra EV ની ડિઝાઈન તેના પેટ્રોલ - ડીઝલ ( ICE ) વર્ઝન જેવી જ રહેશે , પરંતુ તેમાં કેટલીક ખાસ ઇલેક્ટ્રિક ઓળખ પણ જોવા  મળશે . તેમાં બંધ ગ્રિલ અને નવો ફ્રન્ટ બમ્પર આપવામાં આવશે , જે તેને વધુ આધુનિક લુક આપશે . આ SUV ટાટા મોટર્સના નવા acti.ev+ પ્લેટફોર્મ પર આધારિત હશે .

Tata Sierra EVને રિઅર - વ્હીલ ડ્રાઈવ ( AWD ) એમ બે વિકલ્પોમાં રજૂ કરવામાં આવી શકે . તેમાં 65 kWh અને 75 kWh બેટરી પેકના વિકલ્પ મળવાની શક્યતા  છે . AMD વર્ઝનમાં મોટી બેટરી આપવામાં આવી શકે છે , જેના કારણે વધુ ડ્રાઈવિંગ રેન્જ મળવાની શક્યતા છે .

હવે વાત કરીએ ફીચર્સની તો , ટોપ મોડેલમાં ત્રણ સ્ક્રીનવાળું લેઆઉટ મળી શકે છે . તેમાં ડિજિટલ ઇન્સ્ટ્રુમેન્ટ ક્લસ્ટર , મોટી ટચસ્ક્રીન ઈન્ફોટેનમેન્ટ સિસ્ટમ અને પેસેન્જર ડિસ્પ્લેનો સમાવેશ થઈ શકે છે . આ ઉપરાંત પેનોરેમિક સનરૂફ , વેન્ટિલેટેડ ફ્રન્ટ સીટ્સ , પાવર એડજસ્ટમેન્ટ , વિવિધ ડ્રાઈવ મોડ્સ અને પ્રીમિયમ ઓડિયો સિસ્ટમ જેવી સુવિધાઓ પણ મળી શકે છે .

Tata Sierra EV ની સંભવિત કિંમત રૂપિયા 18 લાખ થી રૂપિયા 25 લાખ ( એક્સ - શોરૂમ ) વચ્ચે હોઈ શકે છે . બજારમાં તેનો મુકાબલો MG ZS EV , Mahindra BE 6 અને Hyundai Creta Electric જેવી લોકપ્રિય ઇલેક્ટ્રિક SUV સાથે થશે .

બીજી તરફ , ટાટા મોટર્સ તાજેતરમાં Tiago EV નું નવું વર્ઝન પણ લોન્ચ કર્યું છે . તેમાં ડિઝાઈનમાં કેટલાક ફેરફારો અને નવા ફીચર્સ ઉમેરવામાં આવ્યા છે . Tiago EV 19.2 kWh અને 24 kWh બેટરી પેક સાથે ઉપલબ્ધ  છે . તેની કિંમત રૂપિયા 6.99 લાખ થી રૂપિયા 9.99 લાખ 9 ( એક્સ - શોરૂમ ) સુધી છે . જયારે BaaS વિકલ્પ હેઠળ ગ્રાહકો તેને રૂપિયા 4.69 લાખની શરૂઆતની કિંમતે ખરીદી શકે છે , જેમાં પ્રતિ કિલોમીટર અલગ ચાર્જ ચૂકવવો પડે છે .