8000mAh બેટરી સાથે આવ્યું Portronics Kinetics 8K, 5 કલાક સુધી આપશે પાવર બેકઅપ

Portronics Kinetics 8K Mini UPS ભારતમાં લોન્ચ કરવામાં આવ્યું છે . તેમાં 8000mAh બેટરી અને 5 કલાક સુધીનો બેકઅપ છે .

Written by Gadgets 360 Staff અપડેટ કર્યું: 3 જૂન 2026 18:15 IST

8000mAh બેટરી સાથે આવ્યું Portronics Kinetics 8K, 5 કલાક સુધી આપશે પાવર બેકઅપ

Photo Credit: Portronics

Portronics Kinetics 8K Mini UPS 5 કલાક સુધીનો બેકઅપ આપી શકે છે .

હાઇલાઇટ્સ

Portronics Kinetics 8Kની કિંમત રૂપિયા 2,999 રાખવામાં આવી
કનેક્ટિવિટીની માટે તેમાં 5V/2.1A , 9V/2A અને 12V/1.5A DC આઉટપુટ
Kinetics 8K કોમ્પેકટ અને હળવા વજનના ફોર્મ ફેક્ટર સાથે

જાહેરાત

પોટ્રોનિક્સે ભારતીય બજારમાં તેનું નવું કાઈનેટિક્સ 8K મીની UPS લોન્ચ કર્યું છે . આ કોમ્પેકટ પાવર બેકઅપ ડિવાઈસ ખાસ કરીને Wi - Fi રાઉટર , મોડેમ અને પસંદગીના સુરક્ષા કેમેરા જેવા ડિવાઇસો માટે તૈયાર કરવામાં આવ્યું છે . કંપનીનો દાવો છે કે લાઈટ જતી રહે ત્યારે પણ આ ડિવાઇસ ઈન્ટરનેટ કનેક્ટિવિટી જાળવી રાખવામાં મદદ કરે છે . તેમાં 8,000mAh ક્ષમતાવાળી બેટરી આપવામાં આવી છે , જે એક વખતના ચાર્જ પર 5 કલાક સુધીનો બેકઅપ આપી શકે છે . Portronics Kinetics 8Kની કિંમત રૂપિયા 2,999 રાખવામાં આવી છે .

Portronics Kinetics 8Kની કિંમત અને ઉપલબ્ધતા :
કિંમતની વાત કરીએ તો આ Portronics Kinetics 8Kની કિંમત રૂપિયા 2,999 રાખવામાં આવી છે . જોકે લોન્ચ ઓફરમાં ગ્રાહકોને રૂપિયા 1,699ની શરૂઆતની કિંમતે ખરીદી શકે છે . આ મીની UPS કંપનીની સત્તાવાર વેબસાઈટ ઉપરાંત Amazon , Flipkart અને અન્ય ઓનલાઈન તેમજ ઓફલાઈન રિટેલ સ્ટોર્સ પર ઉપલબ્ધ છે . કંપની તેની સાથે 12 મહિનાની વોરંટી પણ ઓફર કરે છે .

Portronics Kinetics 8K ફીચર્સ :

ફીચર્સની વાત કરીએ તો Portronics Kinetics 8K એ 12V DC Wi -Fi રાઉટરને સપોર્ટ કરવા માટે ડિઝાઈન કરવામાં આવ્યું છે . કંપનીના જણાવ્યા અનુસાર , ડિવાઈસનો બેકઅપ સમય કનેક્ટ કરાયેલા ઉપકરણોના પાવર યુઝના આધારે બદલાઈ શકે છે . રિમોટ વર્ક , ઓનલાઈન ક્લાસ , વિડીયો સ્ટ્રીમિંગ અને સ્માર્ટ સુરક્ષા સિસ્ટમ્સ દરમિયાન સતત ઈન્ટરનેટ કનેક્શન જાળવવામાં આ ડિવાઈસ મદદરૂપ બની શકે છે .

કનેક્ટિવિટીની માટે તેમાં 5V/2.1A , 9V/2A અને 12V/1.5A DC આઉટપુટ આપવામાં આવ્યા છે . આ ઉપરાંત USB- A અને Type -C પોર્ટ પણ ઉપલબ્ધ છે . આ પોર્ટસ દ્રારા બ્રોડબેન્ડ રાઉટર , ONT / ફાઈબર મોડેમ , સુરક્ષા કેમેરા અને અન્ય ઓછી લાઈટ વાપરતા ઇલેક્ટ્રોનિક ઉપકરણોને પાવર સપ્લાય કરી શકાય છે .

પોટ્રોનિક્સના જણાવ્યા મુજબ , Kinetics 8K પ્લગ - એન્ડ - પ્લે ડિઝાઈન સાથે આવે છે , જેના કારણે તેને ઇન્સ્ટોલ કરવા માટે કોઈ કઠિન સેટઅપની જરૂર પડતી નથી . લાંબા સમય સુધી ઉપયોગ દરમિયાન ડિવાઈસને ઠંડુ રાખવા માટે તેમાં બિલ્ટ - ઈન વેન્ટિલેશન સિસ્ટમ પણ આપવામાં આવી છે .

ડિઝાઈનની વાત કરીએ તો Kinetics 8K કોમ્પેકટ અને હળવા વજનના ફોર્મ ફેક્ટર સાથે આવે છે . તેને ક્રીમ - આઈવરી કલર ફિનિશમાં રજૂ કરવામાં આવ્યું છે , જે રાઉટર , વર્કસ્ટેશન કે હોમ એન્ટરટેઈનમેન્ટ સેટઅપ સાથે સરળતાથી ફિટ થઈ જાય છે .