ફોન ગરમ થવાથી બચાવવાના 14 અસરકારક ઉપાય , બેટરી વિસ્ફોટનું જોખમ થશે ઓછું

ભારતમાં આ દિવસોમાં ગરમીનું મોજું લોકો માટે મોટી મુશ્કેલી બની રહ્યું છે . દેશના અનેક વિસ્તારોમાં તાપમાન સતત વધી રહ્યું છે , જેના કારણે માત્ર લોકો જ નહીં પરંતુ ઇલેક્ટ્રોનિક ડિવાઈસો પણ અસરગ્રસ્ત થઈ રહ્યા છે . ખાસ કરીને સ્માર્ટફોન વધુ ગરમ થવાની સમસ્યા સામાન્ય બની ગઈ છે . ફોનનું તાપમાન વધુ વધવાથી તેની બેટરીને નુકસાન પહોંચી શકે છે અને ગંભીર કિસ્સાઓમાં આગ લાગવા અથવા વિસ્ફોટ થવાનું જોખમ પણ વધી શકે છે . આવી સ્થિતિમાં કેટલીક સરળ પરંતુ અસરકારક સાવચેતીઓ અપનાવવી જરૂરી છે .

ગરમીમાં સ્માર્ટફોનને વધુ ગરમ થવાથી બચાવવા માટેની મહત્વપૂર્ણ ટિપ્સ :

સીધા સૂર્યપ્રકાશથી દૂર રાખો : ફોનને લાંબા સમય સુધી તડકામાં ન રાખો , કારણ કે તે ઝડપથી ગરમ થાય છે .

કારના ડેશબોર્ડ પર ન મૂકો : કારની અંદરનું તાપમાન ઝડપથી વધી જાય છે , તેથી ફોનને ડેશબોર્ડ કે બારી પાસે રાખવાનું ટાળો .

ગરમ કારમાં લાંબા સમય સુધી ન છોડો : બંધ કારમાં રહેલો ફોન બેટરીને નુકસાન પહોંચાડી શકે છે .

પલંગ કે ઓશીકા પર ચાર્જ ન કરો : આવી સપાટીઓ ગરમી બાહર  જવા દેતી નથી , જેને કારણે ફોન વધુ ગરમ થઈ શકે છે .

સમતળ  અને ખુલ્લી જગ્યાએ ચાર્જ કરો :ચાર્જિંગ દરમિયાન ફોનને ટેબલ જેવી સપાટી પર રાખો જેથી હવા પસાર થઈ શકે .

ફોન ગરમ હોય તો કવર દૂર કરો : ચાર્જિંગ પહેલા કેસ અથવા કવર કાઢી નાખવાથી ગરમી ઝડપથી બહાર નીકળી શકે છે .

ફાસ્ટ ચાર્જિંગનો મર્યાદિત ઉપયોગ કરો :ભારે ગરમીમાં લાંબા સમય સુધી ઝડપી ચાર્જિંગ કરવાથી બેટરી વધુ ગરમ થઈ શકે છે .

બ્રાઈટનેસ ઓછી રાખો : વધારે બ્રાઈટનેસ ડિસ્પ્લેનું તાપમાન વધારી શકે છે .

ભારે એપ્સ બંધ કરો : ગેમ્સ , વિડીયો એડિટિંગ અને અન્ય હાઈ - પરફોર્મન્સ એપ્સ ફોનને ઝડપથી ગરમ કરે છે .

કેમેરા અને વિડીયો સ્ટ્રીમીંગનો ઉપયોગ મર્યાદિત કરો : લાંબા સમય સુધી ઉપયોગ કરવાથી ફોનનું તાપમાન વધી શકે છે .

બેકગ્રાઉન્ડમાં ચાલતી એપ્સ બંધ કરો : બિનજરૂરી એપ્સ ફોનના પ્રોસેસર પર ભાર વધારી શકે છે . 

ઓરિજિનલ ચાર્જરનો ઉપયોગ કરો : ઓરિજિનલ ચાર્જર બેટરીને સુરક્ષિત રાખવામાં મદદ કરે છે . 

સોફ્ટવેર અપડેટ રાખો : નવા અપડેટ્સ ઘણીવાર બેટરી અને થર્મલ મેનેજમેન્ટને વધુ સારી બનાવે છે 

બેટરીનું તાપમાન નિયંત્રિત રાખો : આથી બેટરીની આયુષ્ય વધે છે અને આગ અથવા વિસ્ફોટ જેવા જોખમો ઘટે છે .