શું મેમરી ચિપની અછત હવે દૂર થશે ? જાણો નવો અપડેટ

છેલ્લા કેટલાક દિવસોથી સ્માર્ટફોન્સ અને અન્ય  ઇલેક્ટ્રોનિક્સ ડિવાઈસોની કિંમતોમાં જોરદાર વધારો જોવા મળ્યો છે . લગભગ બધી જ સ્માર્ટફોન કંપનીઓએ પોતાના સ્માર્ટફોન્સ  મોંઘા કર્યા . આમાં નવા લોન્ચ મોબાઈલ સાથે જૂના સ્માર્ટફોન્સ મોડલ્સની કિંમતમાં પણ વધારો જોવા મળી રહ્યો છે  . પાછું કેટલાક ઉપયોગી ઇલેક્ટ્રોનિક્સ પણ મોંઘા થયા છે . આના પાછળનું મુખ્ય કારણ ગ્લોબલ લેવલ પર જરૂરી સ્પેર પાર્ટ્સના સપ્લાઈમાં અછત  બતાવવામાં આવ્યું છે  . પાછલાં કેટલાક મહિનાઓમાં RAM અને  મેમરી ચિપની કિંમતોમાં  પણ નોંધપાત્ર વધારો જોવા મળ્યો છે . જેના કારણે તેની સીધી  અસર ઇલેક્ટ્રોનિક ડિવાઇસની કિંમતો પર પડી છે . જોકે સારા સમાચાર એ છે કે આ વધતી કિંમતોથી છુટકારો મળી શકે છે .

વૈશ્વિક સ્તરે DRAM અને NAND ચિપની અછતના  કારણે સ્માર્ટફોન , ટેબ્લેટ , લેપટોપ જેવા ડિવાઈસોની કિંમતો આસમાને પહોંચી ગઈ છે . આ ચર્ચામાં ટિપસ્ટર યોગેશ બરારએ એક મોટો અપડેટ આપ્યો છે . તેમના ઇન્ડસ્ટ્રી સૂત્રોના હવાલાથી તેમણે દાવો કર્યો છે કે બે ચીની કંપનીઓ ચીપના ઉત્પાદનમાં કામ કરી રહી છે . આ બે કંપનીઓમાં ચાંગક્સિન મેમોરી ટેક્નોલોજી ( CXMT ) અને યાંગ્ત્જે મેમોરી ટેક્નોલોજી ( YMTC ) ના નામે જાણીતી છે . આ કંપનીઓ હાલમાં DRAMના સ્ટોક જમા કરી રહી છે . આવું કહેવામાં આવે છે કે આ બંને  કંપનીઓ આવતા વર્ષે પોતાની  સ્ટોક કરેલી DRAM ચિપને માર્કેટમાં લોન્ચ કરશે . 

આ વાત નોંધનીય છે કે મેમરી ચિપ  બનાવતી કંપનીઓએ ઝડપથી વધી રહેલા AI ઇન્ડસ્ટ્રીની માંગને પૂરી કરવા ચીપના સ્ટોકને AI ઇન્ડસ્ટ્રી તરફ વાળી દીધું છે . જો આ વાત સાચી સાબિત થાય  તો મેમરી ચિપ્સની વધતી સપ્લાયથી હાલમાં ચાલી રહેલી કમીને દૂર કરી શકાશે . આનાથી ઇલેકટ્રોનિક્સ પાર્ટ્સની કિંમતો ઝડપથી નીચે જશે અને જો એવું બનશે તો 2027માં ડિવાઈસોની કિંમત ઘણી ઓછી થઈ શકે છે . જોકે DRAM અને NAND ચિપની અછત 2028ની પ્રથમ ત્રિમાસિક સુધી આવી જ સ્થિતિ રહી શકે છે .

આવી આશા રાખી શકાય કે આવતા વર્ષે ચિપ સપ્લાઈમાં વધારો હોવાથી આની સારી અસર સ્માર્ટફોન્સની ઘટતી કિંમતોના સ્વરૂપે સામે આવી શકે છે . જોકે આ વાતની હજુ કોઈ સત્તાવાર પુષ્ટિ થઈ નથી કે સ્માર્ટફોન કંપનીઓ ઘટતી કિંમતોને ગ્રાહકો સુધી પહોંચવા દેશે કે નહીં . સ્માર્ટફોન્સની કિંમતો પહેલાથી જ વધેલી છે . આમાં બજેટ રેન્જ , મિડ રેન્જ અને ફ્લેગશિપ હેન્ડસેટ્સની કિંમતો ગ્રાહકોની પહોંચથી બહાર થઈ ગઈ છે . નિજકના ત્રિમાસિક , છ મહિનામાં પણ આવી સ્થિતિમાંથી રાહત મળવાના કોઈ સંકેતો દેખાતા નથી .