Vivo TWS 5e સાથે 29 મેના રોજ આવશે નવા ANC હેડફોન્સ

વિવો ટૂંક જ સમયમાં તેના ઓડિયો પોર્ટફોલિયોમાં નવા પ્રોડક્ટ કેટેગરીનો સમાવેશ કરવા જઈ રહ્યું છે . કંપની પ્રથમ વખત ઓવર ઈયર વાયરલેસ હેડફોન્સ  લોન્ચ કરવાની તૈયારીમાં છે . આ નવા હેડફોન્સ 29 મેના રોજ ચીનમાં Vivo S60 સિરીઝ અને Vivo TWS 5e સાથે રજૂ કરવામાં આવશે . લોન્ચ પહેલા કંપનીએ હેડફોન્સની ડિઝાઈન અને કેટલીક ખાસ સુવિધાઓ ટીઝ કરી છે  . હેડફોન્સમાં ટ્રિપલ - ડિવાઈસ કનેક્ટિવિટી સપોર્ટ મળશે. Vivo એ નવા ઓવર ઈયર હેડફોન્સ પર ક્રોસ - પ્લેટફોર્મ ટ્રિપલ - ડિવાઈસ કનેક્ટિવિટી માટે સપોર્ટની જાહેરાત કરી  છે .

Vivo દ્રારા Weibo પર શેર કરાયેલા એક ટીઝર મુજબ નવા આવતા હેડફોન્સ ક્લાઉડ વ્હાઈટ અને બ્રિઝ પર્પલ જેવા બે કલર વિકલ્પોમાં ઉપલબ્ધ થશે . ઈમેજમાં  મોટા કુશનવાળા ઈયરકપ અને મિનિમલ ડિઝાઈન જોવા મળે છે . કંપનીનો દાવો છે કે હેડફોન્સનુ વજન લગભગ 238 ગ્રામ રહેશે , જેથી લાંબા સમય  સુધી ઉપયોગ દરમિયાન પણ આરામદાયક અનુભવ મળી શકે .

આ હેડફોન્સમાં Active Noise Cancellation ( ANC ) સપોર્ટ મળશે , જે આસપાસના અણગમતા અવાજને ઘટાડવામાં મદદ કરશે . જોકે કંપનીએ હજુ સુધી ઓડિયો ડ્રાઈવર્સ , કોડેક્સ અથવા ANCની આખી કામગીરી વિશે સંપૂર્ણ માહિતી જાહેર કરી નથી .

Vivo એ આગળ જણાવતા કહ્યું છે કે હેડફોન્સમાં ટ્રિપલ - ડિવાઈસ કનેક્ટિવિટી સપોર્ટ મળશે . એટલે કે યુઝર્સ ફોન , ટેબ્લેટ અને પીસી વચ્ચે સરળતાથી સ્વિચ  કરી શકશે અને દરેક વખતે ફરીથી પેરિંગ કરવાની જરૂર નહીં પડે .

કંપનીએ લોન્ચ પહેલા ચીનમાં ઓનલાઈન રિટેલ પ્લેટફોર્મ્સ પર હેડફોન્સ માટે પ્રી - બુકીંગ શરૂ કરી દીધી છે . આ સાથે Vivo તેના ઓડિયો લાઇનઅપને TWS  ઈયરબડ્સથી આગળ વધી રહ્યું છે .

બીજી તરફ , Vivo TWS 5e પણ 29 મેના રોજ ચીનમાં લોન્ચ થશે . આ ટ્રુ વાયરલેસ ઈયરફોન્સ બ્લેક , ગ્રીન અને વ્હાઈટ કલરમાં આવશે . તેમાં સ્ટેમ - સ્ટાઈલ ડિઝાઈન અને સિલિકોન ઈયરટિપ્સ આપવામાં આવી છે . કંપની મુજબ Vivo TWS 5e માં 55dB સુધી Hybrid Adaptive ANC સપોર્ટ અને કેસ સાથે કુલ 55કલાક સુધીની બેટરી લાઈફ મળશે . આ ઉપરાંત તેમાં પેનોરેમિક ઓડિયો સપોર્ટ પણ આપવામાં આવશે .

Vivo TWS 5e, કંપનીની પહેલેથી લોન્ચ થયેલી Vivo TWS 5 સિરીઝનો ભાગ બનશે . Vivo TWS 5 , Vivo TWS 5 Hi - Fi અને Vivo TWS 5i જેવા મોડેલ્સ સામેલ છે .