Xiaomi Smart Band 10 Pro માં AMOLED ડિસ્પ્લે અને એડવાન્સ હેલ્થ ટ્રેકિંગ ફીચર્સ

ગુરુવારે ચીનમાં Xiaomi Smart Band 10 Pro લોન્ચ કરવામાં આવ્યું છે , જે Xiaomi 17 Max અને Xiaomi Ear Clip ઈયરફોન સાથે રજૂ થયું હતું . નવા સ્માર્ટ  વેરેબલમાં 1.74 ઈંચનું AMOLED કલર ડિસ્પ્લે આપવામાં આવ્યું છે , જે 2000 nits સુધીની પીક બ્રાઇટનેસ સપોર્ટ કરે છે . કંપનીનો દાવો છે કે આ ડિવાઈસ  એક જ ચાર્જ પર 21 દિવસ સુધીની બેટરી લાઈફ આપી શકે છે . તેમાં ડયુઅલ - લાઈટ PPD સેન્સર સાથે બ્લડ ઓક્સિજન ( Sp02 ) મોનિટરિંગ , HRV  ટ્રેકિંગ અને સ્લીપ મોનિટરિંગ જેવી હેલ્થ ફીચર્સ પણ સામેલ છે . Xiaomi એ આ સ્માર્ટ બેન્ડનું પ્રીમિયમ સિરામિક એડિશન પણ રજૂ કર્યું છે , જયારે સ્ટાન્ડર્ડ  મોડેલ એલ્યુમિનિયમ એલોય ફ્રેમ અને ફ્લોરોરબર  સ્ટ્રેપ સાથે આવે છે .

Xiaomi Smart Band 10 Pro કિંમત :

Xiaomi Smart Band 10 Proની શરૂઆતની કિંમત CNY 399 ( આશરે રૂપિયા 5,600 ) રાખવામાં આવી છે . લેધર સ્ટ્રેપ વેરિઅન્ટની કિંમત CNY  449 ( આશરે રૂપિયા 6,500 ) છે , જયારે સિરામિક વર્ઝનની કિંમત CNY 479 (આશરે રૂપિયા 6,700 ) છે . સ્માર્ટ બેન્ડ બ્લેક , ચેરી બ્લોસમ પિંક , કોરલ ઓરેન્જ , ચીઝ વ્હાઈટ , સિરામિક વ્હાઈટ અને સિલ્વર જેવા કલર વિકલ્પોમાં ઉપલબ્ધ છે .

Photo Credit: Xiaomi Smart Band 10 Pro

Xiaomi Smart Band 10 Pro ફીચર્સ :

ફીચર્સની વાત કરીએ તો , Xiaomi Smart Band 10 Pro HyperOS પર કાર્ય કરે છે અને તેમાં 336 x 480 પિક્સેલ રિઝોલ્યુશનવાળું ડિસ્પ્લે છે , જેને 2.5D ટેમ્પર્ડ  ગ્લાસ પ્રોટેક્શન આપવામાં આવ્યું છે . ડિવાઈસ જુદા જુદા પ્રકારના સ્ટ્રેપ વિકલ્પો સાથે આવે છે , જેમાં લેધર અને ફ્લોરોરબર મટિરિયલનો સમાવેશ થાય છે .

હેલ્થ ટ્રેકિંગ માટે તેમાં ડયુઅલ - લાઈટ PPD સેન્સર આપવામાં આવ્યું છે , જે 98.2 ટકા સુધીની હાર્ટ રેટ મોનિટરિંગ એકયુરેસિનો દાવો કરે છે . આ સિવાય તેમાં  એક્સીલેરોમીટર , ગાયરોસ્કોપ , એમ્બિયન્ટ લાઈટ સેન્સર , ઓપ્ટિકલ હાર્ટ રેટ સેન્સર અને જીયોમેગ્નેટિક સેન્સર  પણ સામેલ છે . સ્માર્ટ બેન્ડ સ્ટ્રેસ મૂવમેન્ટ ,  ઊંઘ અને HRV જેવા હેલ્થ ડેટાનું ટ્રેકિંગ કરી શકે છે .