Apple App Store સર્ચ રિઝલ્ટમાં દેખાતી જાહેરાતોની સંખ્યામાં

Apple App Store સર્ચ રિઝલ્ટમાં દેખાતી જાહેરાતોની સંખ્યામાં વધારો કરી રહ્યું છે. આજે તેની એપલ એડ્સ વેબસાઇટના અપડેટમાં, કંપનીએ જાહેર કર્યું કે આવતા વર્ષથી, તે "સર્ચ રિઝલ્ટમાં તક વધારવા" માટે વધુ જાહેરાતો રજૂ કરશે. હાલમાં, એપ સ્ટોરમાં સર્ચ રિઝલ્ટની ઉપર એક જ જાહેરાત સ્થાન છે. ઉદાહરણ તરીકે, જો તમે "ફેસબુક" શોધો છો, તો તમને TikTok માટે સર્ચમાં ઉપર એક જાહેરાત દેખાઈ શકે છે. આનું કારણ એ છે કે TikTok ચોક્કસ શોધ શબ્દોને લક્ષ્ય બનાવી રહ્યું છે અને તે પ્લેસમેન્ટ માટે હરાજી જીતી ગયું છે.આજે તેની જાહેરાતમાં, Apple એ જણાવ્યું કે, તે એપ સ્ટોરમાં "સર્ચ ક્વેરીઝમાં વધારાની જાહેરાતો" ઉમેરી રહ્યું છે. આ નવી જાહેરાતો એપ સ્ટોર સર્ચ રિઝલ્ટમાં નીચે દેખાશે.

એડવર્ટાઇઝર અને ડેવલપર કોઈ ચોક્કસ પોઝિશન માટે પસંદગી અથવા બોલી લગાવી શકશે નહીં. તેના બદલે, જાહેરાત બોલીની રકમ અને હરાજીમાં તે સ્થાન ક્યાં છે તે સહિતના પરિબળોના આધારે ઉપલબ્ધ કોઈપણ જાહેરાત સ્થાનોમાં દેખાઈ શકે છે. વધુમાં, જાહેરાતનું સ્થાન એક જ કેમ્પેઇનમાં અલગ હોઈ શકે છે.

એડવર્ટાઇઝર અને ડેવલપર માટે, બિલિંગની કિંમત પ્રતિ ટેપ અથવા પ્રતિ ઇન્સ્ટોલના હિસાબે રહેશે. જ્યારે 2026 માં નવા એડ યુનિટ શરૂ થશે, ત્યારે હાલના સર્ચ એડ કેમ્પેઈન આપમેળે નવા સ્પોટ્સ માટે પાત્ર બનશે.

કોઈપણ પોઝિશનમાં જાહેરાતનું ફોર્મેટ સમાન રહેશે:

એપલ કહે છે કે દર અઠવાડિયે 800 મિલિયનથી વધુ વપરાશકર્તાઓ એપ સ્ટોરની મુલાકાત લે છે અને 85% થી વધુ વપરાશકર્તાઓએ તેમની તાજેતરની મુલાકાત દરમિયાન ઓછામાં ઓછી એક એપ્લિકેશન ડાઉનલોડ કરી છે. કંપની વધુમાં શોધ પરિણામોની ટોચ પર જાહેરાતો માટે 60% રૂપાંતર દરનો દાવો કરે છે અને લગભગ 65% ડાઉનલોડ્સ યુઝરના સર્ચ કર્યાના તુરંત પછી હોય છે.

એડવર્ટાઇઝર અને ડેવલપર એપલ એડ્સ વેબસાઇટ પર વધુ જાણકારી મેળવી શકે છે. નવી જાહેરાતો 2026 થી જાહેરાત આપનારાઓ માટે ઉપલબ્ધ થશે અને iOS અને iPadOS 26.2 અને પછીના વર્ઝન પર સપોર્ટેડ હશે.