અંધ સંગીતકાર અને અભિનેત્રીની અનોખી પ્રેમકથા : 'આંખો કી ગુસ્તાખીયાં'

'આંખો કી ગુસ્તાખિયાં '  એક રોમાંટિક ડ્રામા ફિલ્મ છે જેમાં વિક્રાંત મેસી અને શનાયા કપૂર મુખ્ય ભૂમિકામાં છે . આ ફિલ્મની સ્ટોરી એક અંધ સંગીતકાર જહાન અને સ્ટેજ કલાકાર સબા આસપાસ ગોઠવાઈ છે . આ બંને દિલ્હીથી દેહરાદૂન જતી ટ્રેનમાં મળે છે અને પોતાની સાચી ઓળખ જાહેર કર્યા વગર એકબીજા સાથે જોડાઈ જાય છે . આ અનોખી મુલાકાતથી  તેમને એકબીજા પ્રત્યે આકર્ષણ થાય છે અને એમના વચ્ચેનો સંબંધ ભાવનાત્મક રીતે નજીક લાવે છે  અને તેમની વચ્ચે એક લાગણી વિકસે છે .

ક્યારે અને ક્યાં જોવી :
'આંખો કી ગુસ્તાખિયાં '  એ હવે એમેજોન પ્રાઈમ વિડીયો પર સ્ટ્રીમિંગ માટે ઉપલબ્ધ કરાઈ છે . આ ઉપરાંત જેમના પાસે ઝી5 હોય તે પણ આ મૂવીનો આનંદ  માણી શકે છે . થિયેટરમાં રિલીઝ પછી હવે આ ફિલ્મ ઘરેથી પણ જોઈ શકાય છે .

ટ્રેલર અને પ્લોટ :
આ ફિલ્મનું નિર્દેશન અને લેખન સંતોષ સિંહે કર્યું છે . આ વાર્તામાં જહાન (વિક્રાંત મેસી ) એક અંધ સંગીતકાર છે , જયારે સબા (શનાયા કપૂર ) જે એક પોતાની  ફિલ્ડમાં સંઘર્ષ કરતી અભિનેત્રી હોય છે . સબા તેના રોલ માટે આંખો પર પટ્ટી બાંધીને તૈયારી કરે છે . જેના કારણે તેને જહાનની અંધતા વિશે ખબર પડતી નથી . બીજી બાજુ , જહાન પણ પોતાની ઓળખ પણ છુપાવે છે . મુસાફરી દરમિયાન બંને વચ્ચે ખુબ જ લાગણી ઊભી થાય છે . જેના લીધે આ સ્ટોરી  વધુ  ભાવનાત્મક બને છે .

કલાકારો :
આ ફિલ્મમાં વિક્રાંત મેસી અને શનાયા કપૂર સિવાય રહેમત રતન, ઝૈન ખાન દુર્રાની અને વિક્રમ કોચર જેવા કલાકારો છે . આ સ્ટોરીને નિરંજન આયંગર અને માનસી બાગલા પણ  શામેલ થયા છે .આ ફિલ્મનું સંગીત વિશાલ મિશ્રા અને જોએલ ક્રાસ્ટોએ આપ્યો છે  જયારે સિનેમેટોગ્રાફીની જબાવદારી તનવીર મીરની  હતી .

અભિપ્રાય :
'આંખો કી ગુસ્તાખિયાં '  11 જુલાઈ , 2025ના રોજ થિયેટરમાં રિલીઝ થઇ હતી . ફિલ્મને દર્શકો તરફથી મિશ્ર અભિપ્રાય મળ્યો છે . IMDb પર ફિલ્મને 5.7/10નું  રેટિંગ મળ્યું છે . તેમ છતાં આ ફિલ્મની સરળતા દર્શકોને બહુ ગમે છે .