દેશભક્તિથી ભરપૂર બોર્ડર 2 હવે 20 માર્ચે નેટફ્લિક્સ પર

દેશપ્રેમ અને બહાદુરીની દર્શાવતી ફિલ્મ બોર્ડર 2 હવે OTT પ્લેટફોર્મ નેટફ્લિક્સ પર પ્રસારિત કરવામાં આવી છે .1971 ના ભારત અને પાકિસ્તાન યુદ્ધની ભૂમિ પર આધારિત આ ફિલ્મ યુવા સૈનિકોની કથાને રજૂ કરે છે ,જેમાં સૈનિકો કોઈપણ પરિસ્થિતિમાં પોતાના દેશની રક્ષા કરવા માટે તૈયાર રહે છે . આ ફિલ્મ 1997માં આવેલી જે. પી . દત્તાની સુપ્રસિદ્ધ  ફિલ્મ બોર્ડરનું સિક્વલ છે , જેને દર્શકો તરફથી ખુબ જ પ્રશંસા મળી હતી . કુલ મળીને બોર્ડર 2 એક એવી ફિલ્મ છે જ્યાં દેશપ્રેમ , બલિદાન અને એકતાનો સંદેશ આપે છે , અને હવે OTT પર તેની રાહ જોઈ રહેલા દર્શકો માટે પણ એક ઉત્તમ મનોરંજન  બની રહેશે .

ક્યારે અને ક્યાં જોવા મળશે :
20 માર્ચથી બોર્ડર 2 નેટફ્લિક્સ પર સ્ટીમિંગ માટે ઉપલબ્ધ છે .આ ફિલ્મ પહેલા જ 23 જાન્યુઆરી 2026ના રોજ સિનેમાઘરોમાં રિલીઝ થઇ ગઈ હતી અને તે સમયે જ  તેણે દર્શકોનું દિલ જીતી લીધું હતું .

ટ્રેલર અને સ્ટોરી :
ફિલ્મની કહાની 1971ના યુદ્ધ દરમિયાન લડી રહેલા સૈનિકો પર કેન્દ્રિત છે પરંતુ  આ વખતે માત્ર આર્મી જ નહિ પણ નેવી અને એરફોર્સ ત્રણેય સાથે મળીને દેશની રક્ષા માટે અભિયાન ચલાવે છે . આ ફિલ્મમાં એક્શન સાથે ભાવનાત્મક પળો પણ આપવામાં આવ્યા છે અને આ જ દર્શકોને  ફિલ્મના અંત સુધી જોડીને રાખે છે .

કલાકારો :
આ ફિલનું નિર્માણ જે. પી. દત્તા નિધિ દત્તા, ભૂષણ કુમાર અને કૃષ્ણ કુમારે કર્યું છે , જયારે તેનું દિગ્દર્શન અનુરાગ સિંહે કર્યું છે .  આ ફિલ્મના  કલાકારોમાં સની દેઓલ , દિલજીત દોસાંજ , અહાન શેટ્ટી અને વરુણ ધવન મુખ્ય ભૂમિકામાં છે  એમની સાથે જ મોના સિંહ , મેઘા રાણા , સોનમ બાજવા અને અન્ય સિંહનો સમાવેશ થાય છે . આ ફિલ્મની વાર્તા નિધિ દત્તાએ લખી છે .

અભિપ્રાય :
આ ફિલ્મના રિલીઝ બાદ બોર્ડર 2 એ લગભગ 464.5 કરોડ રૂપિયાની  શાનદાર કમાણી કરી હતી . જે તેના બજટ કરતા ઘણી બધી છે . આ ફિલ્મને દર્શકો તેમજ સમીક્ષકો તરફથી સારો અભિપ્રાય મળ્યો છે . IMDb પર તેને 7.1/10નું રેટિંગ મળ્યું છે .