Amazon Prime Video પર ભાડે ઉપલબ્ધ બની તમિલ ફિલ્મ ' વિલ '

વિલ એક તમિલ ભારતીય કાનૂની નાટક ફિલ્મ છે , જેનું દિગ્દર્શન અને નિર્માણ એસ. શિવરામન દ્રારા કરવામાં આવ્યું છે . આ ફિલ્મ હવે OTT પર ઉપલબ્ધ બની  છે . આ ફિલ્મ કોર્ટરૂમ ડ્રામા , ક્રાઈમ થ્રિલર અને કાનૂની ભ્રષ્ટાચાર સામેની લડત પર આધારિત છે . આ ફિલ્મની  વાર્તા એક યુવતીની આસપાસ ફરે છે , જે નૌકરીમાં થતા કૌભાંડ વિશેની સચ્ચાઈ બહાર લાવવાનો પ્રયાસ કરે છે .  આ દરમિયાન તેના પિતા એક ખોટા આરોપોમાં ફસાઈ જાય છે અને યુવતી તેમને નિર્દોષ સાબિત કરવા માટે કાનૂની લડત શરૂ કરે છે .  આ ફિલ્મમાં ન્યાય વ્યવસ્થાની અંદર રહેલા ભ્રષ્ટાચાર , લાંબા ચાલતા કેસો અને અન્યાયને સારી રીતે રજૂ  કરવામાં આવ્યા છે .

ક્યારે અને ક્યાં જોવું 

'વિલ ' હવે OTT પ્લેટફોર્મ એમેઝોન પ્રાઈમ વિડિયો પર જોવા માટે ઉપલબ્ધ છે . આ ફિલ્મ 10 ઓક્ટોબર , 2025 ના રોજ સિનેમાઘરોમાં રિલીઝ થઇ હતી .

ટ્રેલર અને પ્લોટ 

આ ફિલ્મની વાર્તા થાનું રાંધાના નામના નવા ન્યાયાધીશથી શરૂ થાય છે , જે કોર્ટમાં આવતા અનેક કાનૂની કેસોનું સંચાલન કરે છે . ધીમે ધીમે તેમને ખબર પડે છે કે કેટલાક કેસો જાણીને લંબાવવામાં આવે છે . કાનૂની વ્યવસ્થામાં ભ્રષ્ટાચાર છુપાયેલો છે . બીજી તરફ એક યુવતી પોતાના પિતાને નિર્દોષ સાબિત કરવા  માટે કાનૂની લડાઈ કરી રહી છે . તેના પિતા રોજગાર કૌભાંડ સાથે જોડાયેલા ખોટા કેસમાં ફસાઈ જાય છે . આ ફિલ્મ કોર્ટરૂમમાં ચાલતી કાર્યવાહી , ભ્રષ્ટચાર અને  સસ્પેન્સથી ભરેલી ઘટનાઓને કેન્દ્રમાં રાખે છે .

કાસ્ટ અને ક્રૂ 

' વિલ ' નું દિગ્દર્શન અને નિર્માણ એસ . શિવરામન દ્રારા કરવામાં આવ્યું છે . આ ફિલ્મની વાર્તા અને સ્ક્રેઈનપ્લે પણ તેમણે જ લખ્યા છે . ફિલ્મમાં સોનિયા અગ્રવાલ અને અલેખ્યા રામનાયડુ મુખ્ય ભૂમિકામાં જોવા મળે છે . વિક્રાંતે ફિલ્મમાં ખાસ ભૂમિકા ભજવી છે . 

અભિપ્રાય 

' વિલ ' ને IMDb પર 10 માંથી 6.6 નું રેટિંગ મળ્યું છે . કોર્ટરૂમ ડ્રામા અને કાનૂની ભ્રષ્ટાચાર પર આધારિત વાર્તાને કારણે આ ફિલ્મ  ઘણા દર્શકોની પસંદ બની છે . ખાસ કરીને ક્રાઈમ થ્રિલર અને કાનૂની નાટક પસંદ કરનાર લોકો માટે આ ફિલ્મ એક રસપ્રદ વિકલ્પ બની છે .