JioHotstar પર જુલાઈએ આવશે ક્રાઈમ - કોમેડી સિરીઝ ' પ્રીતમ અને પેડ્રો ' 

જાણીતા ફિલ્મ નિર્માતા રાજકુમાર હિરાની હવે OTT પ્લેટફોર્મ પર પોતાની નવી વેબ સિરીઝ ' પ્રીતમ અને પેડ્રો '  સાથે ડેબ્યુ કરવા જઈ રહ્યા છે . JioHotstar દ્રારા આ સિરીઝની સત્તાવાર જાહેરાત કરવામાં આવી છે . ' મુન્નાભાઈ M.B.B.S.'  , ' PK ' અને અન્ય લોકપ્રિય ફિલ્મો માટે જાણીતા રાજકુમાર હિરાનીની આ નવી  ક્રાઈમ - કોમેડી સિરીઝને લઈને દર્શકોમાં ભારે ઉત્સાહ જોવા મળી રહ્યો છે .  આ વાર્તા બે અલગ સ્ટાઈલના પોલીસ અધિકારીઓની આસપાસ ફરે છે , જે એક ત્યજી દેવાયેલા ATM કેસની તપાસ કરે છે . 

ક્યાં અને ક્યારે જોવી ?

 આ વેબ સિરીઝ 3 જુલાઈ , 2026 ના રોજ માત્ર JioHotstar પર સ્ટ્રીમ કરવામાં  આવશે . સિરીઝ જોવા માટે દર્શકોને પ્લેટફોર્મનું સબ્સ્ક્રિપ્શન લેવું પડશે . નિર્માતાઓએ હાલમાં શોની સંપૂર્ણ વાર્તા ગુપ્ત રાખી છે , પરંતુ ટીઝર દ્રારા તેની ઝલક દર્શાવવામાં આવી છે .

ટ્રેલર અને પ્લોટ :

' પ્રીતમ અને પેડ્રો 'ની વાર્તા બે પોલીસ અધિકારીઓની આસપાસ ફરે છે , જેમના કામ કરવાની રીતો એકબીજાથી સંપૂર્ણ પણે અલગ છે . એક પોલીસ અધિકારી  જુના જમાનાની તપાસ રીતોમાં વિશ્વાસ રાખે છે , જયારે બીજો ટેક્નોલોજી અને નવા આધુનિક ડિવાઈસ પર આધાર રાખે છે . બંનેને એક અજાણી ATM કેસની તપાસ  માટે સાથે કામ કરવું  પડે છે , જ્યાંથી રહસ્ય અને હાસ્યની શરૂઆત થાય છે .  નિર્માતાઓ અનુસાર , આ સિરીઝમાં કોમેડી સાથે સસ્પેન્સ અને  ડ્રામાનો પણ  ધમાકા જોવા મળે છે .

ક્રૂ અને કલાકારો :

આ સિરીઝનું દિગ્દર્શન અવિનાશ અરુણ દ્રારા કરવામાં આવ્યું છે . સ્ટારકાસ્ટની વાત કરીએ તો તેમાં વિક્રાંત મેસી , અર્શદ વારસી , બમન ઈરાની , સંજય દત્ત , મોના સિંહ અને શ્રુતિ મરાઠે જેવા કલાકારો જોવા મળશે . અહેવાલ મુજબ , રાજકુમાર હિરાનીના પુત્ર વીર હિરાની પણ આ સિરીઝથી અભિનય ક્ષેત્રે  આવે છે  .

અભિપ્રાય :

હાલમાં આ વેબ સિરીઝનું IMDb રેટિંગ ઉપલબ્ધ નથી , કારણ કે તે હજુ રિલીઝ થવાની બાકી છે . જોકે , સ્ટારકાસ્ટ અને રાજકુમાર હિરાનીના નામને કારણે સિરીઝને લઈને દર્શકોમાં પહેલેથી જ સારો માહોલ બન્યો છે .