આ અઠવાડિયે OTT પર રિલીઝ થયેલી નવી ફિલ્મો અને વેબ સિરીઝ

જુલાઈનો છેલ્લો અઠવાડિયો શરૂ થતાં જ OTT પ્લેટફોર્મ્સ પર દર્શકો માટે મનોરંજનનો ખજાનો ખુલ્યો છે .  Netflix અને Amazon Prime Video જેવા પ્લેટફોર્મ્સ પર આ અઠવાડિયે અનેક નવી ફિલ્મો અને વેબ સિરીઝ સ્ટ્રીમ થઈ છે . તેમાં કોમેડી , રોમેન્ટિક ડ્રામા અને ક્રાઇમ થ્રિલર જેવી વિવિધ કન્ટેન્ટ સામેલ છે . જો તમે વીકએન્ડમાં કંઈક નવું જોવાનું વિચારી રહ્યા છો , તો  આ ટાઇટલ્સ તમારી વોચલિસ્ટમાં સામેલ કરી શકો છો .

Adarsh Baal Vidyalaya :
એક સ્કૂલ આધારિત કોમેડી - ડ્રામા છે . ફિલ્મમાં પ્રિન્સિપાલને ખબર પડે છે કે જો દસમી ધોરણનું પરિણામ સારું આવશે તો તેમને પત્ની સાથે વિદેશ પ્રવાસ કરવાની તક મળશે . ત્યારબાદ તેઓ વિધાર્થીઓના અભ્યાસ પર વધુ ધ્યાન આપવાનું શરૂ કરે છે . આ ફિલ્મ 24 જુલાઈથી Amazon Prime Video પર ઉપલબ્ધ છે .

Musafir Cafe :
Netflix પર રિલીઝ થયેલી રોમેન્ટિક ફિલ્મ છે . તેમાં એક સોફ્ટવેર એન્જિનિયર અને એક ડિવોર્સ વકીલની કહાની બતાવવામાં આવી છે . બંનેના જીવનના લક્ષ્યો અને વિચારધારા અલગ હોવા છતાં તેઓ એકબીજાની નજીક આવે છે . ફિલ્મમાં વિક્રાંત મેસી અને વેદિકા પિંટો મુખ્ય ભૂમિકામાં જોવા મળે છે . 

Con City :
આ ચાર ઠગોની રસપ્રદ કહાની છે , જેઓ એક સામાન્ય પરિવાર બનીને રહે છે . એક રહસ્યમય પ્રિન્ટર અસલી નોટો છાપવા લાગે છે , જેના કારણે તેમના જીવનમાં મુશ્કેલીઓ વધે છે . બાળકના અપહરણ બાદ તેઓ અંતિમ દાવ રમે છે , જે ફિલ્મને વધુ રોમાંચક બનાવે છે .

A Toxic Love Story :
સત્ય ઘટનાથી પ્રેરિત ક્રાઇમ ડોક્યુમેન્ટરી છે . લગ્ન બાદ એક દંપતીને અજાણ્યા વ્યક્તિ તરફથી ધમકીભર્યા ઈમેલ મળવા લાગે છે . શરૂઆતમાં શંકા પતિની પૂર્વ પ્રેમિકા પર જાય છે , પરંતુ તપાસ આગળ વધતા ચોંકાવનારા ખુલાસા થાય છે . આ ડોક્યુમેન્ટરી Netflix પર 22 જુલાઈથી સ્ટ્રીમ થઈ રહી છે .