ભ્રષ્ટ રાજકારણી સામે સસ્પેન્ડેડ પોલીસ અધિકારીની જંગ ,' માર્ક ' માં મળશે એક્શન અને સસ્પેન્સનો ડોઝ 

એક્શન અને થ્રિલથી ભરપૂર ફિલ્મો જોવાના શોખીન દર્શકો માટે " માર્ક " એક રસપ્રદ વિકલ્પ બની શકે છે . આ કન્નડ એક્શન થ્રિલર ફિલ્મનું લેખન અને દિગ્દર્શક  વિજ્યા કાર્તિકેય કર્યું છે . ફિલ્મમાં સસ્પેન્ડ થયેલા એક પોલીસ અધિકારીની કહાની રજૂ કરવામાં આવી છે . જે ભ્રષ્ટાચાર , ગુનાખોરી અને બદલો જેવી ઘટનાઓ વચ્ચે ફસાઈ જાય છે . આ ફિલ્મ 25 ડિસેમ્બર , 2026ના રોજ સિનેમાઘરોમાં રિલીઝ થઈ હતી . જોકે બોક્સ ઓફિસ પર ફિલ્મ ખાસ સફળ  રહી નહોતી અને તેના બજેટની સરખામણીએ મર્યાદિત  કમાણી કરી  હતી . માર્ક એ Amazon Prime Video પર સ્ટ્રીમ થઈ રહી છે .

" માર્ક " ક્યારે અને ક્યાં જોઈ શકશો ?
જે દર્શકો આ ફિલ્મ જોવા માંગે છે તેઓ હવે તેને Amazon Prime Video  પર સ્ટ્રીમ કરી શકે છે . પ્લેટફોર્મના સબ્સ્ક્રિબર્સ કોઈપણ સમયે આ ફિલ્મ ઓનલાઇન  જોઈ શકે છે . કન્નડ ભાષા ઉપરાંત ફિલ્મના અન્ય ભાષાના વર્ઝન પણ ઉપલબ્ધ છે .

" માર્ક "  ટ્રેલર અને પ્લોટ :
આ ફિલ્મની વાર્તા બેંગલુરુમાં રહેતા એક સસ્પેન્ડેડ પોલીસ અધિકારીની આસપાસ ફરે છે . એક ભ્રષ્ટ નેતા સાથે થયેલા વિવાદ બાદ તેને  નૌકરીમાંથી હટાવવામાં  આવે છે . પરંતુ આ ઘટના પછી તેના જીવનમાં અનેક અણધર્યા વળાંકો આવે છે . કર્ણાટકમાં બનતી ગંભીર અને હિંસક ઘટનાઓ વચ્ચે તે ફરી એક  વખત ગુનેગારો સામે લડવા મેદાનમાં ઉતરે છે . વાર્તામાં અપહરણ , ગેંગવોર , સામુહિક હત્યાકાંડ અને બદલો જોવા મળે છે .

" માર્ક "  કાસ્ટ અને રેટિંગ :
ફિલ્મમાં નવીન ચંદ્રા , શાઇન ટોમ ચાકો , રોશની પ્રકાશ , વિક્રાંત , ગુરુ સોમસુંદરમ , યોગી બાબુ , ગોપલકૃષ્ણ દેશપાંડે અને નીશ્વિક નાયડુ  સહિતના કલાકારો  મહત્વની ભૂમિકામાં જોવા મળે છે . આ ફિલ્મનું નિર્માણ સત્ય જ્યોતિ ફિલ્મ્સ અને કિચ્ચા ક્રિએશન્સ દ્રારા કરવામાં આવ્યું છે .

" માર્ક "  અભિપ્રાય :
IMDb પર ફિલ્મને 10 માંથી 5.2 રેટિંગ મળ્યું છે . એક્શન , સસ્પેન્સ અને બદલો આધારિત સ્ટોરીને કારણે ફિલ્મ ઘણા દર્શકોને પસંદ આવી છે .