વરુણ ધવનની નવી રોમેન્ટિક કોમેડી ફિલ્મને લઈને દર્શકોમાં ભારે ઉત્સાહ

બોલીવુડની ચર્ચિત રોમેન્ટિક કોમેડી ફિલ્મ હૈ જવાની તો ઇશ્ક હોના હૈ હવે ટૂંક સમયમાં સિનેમાઘરોમાં રિલીઝ થવા જઈ રહી છે . ફિલ્મમાં મુખ્ય ભૂમિકામાં વરુણ ધવન જોવા મળશે . ડેવિડ ધવન અને વરુણ ધવનની સફળ જોડી પહેલા કુલી નંબર 1, જુડવા 2 અને મૈં તેરા હીરો જેવી મનોરંજક ફિલ્મો આપી ચુકી છે અને  હવે ફરી એકવાર આ નવી કોમેડી ફિલ્મ સાથે દર્શકોનું મનોરંજન કરવા તૈયાર છે . આ ફિલ્મ પહેલા 22 મે , 2026ના રોજ રિલીઝ થવાની હતી , પરંતુ પછી  તેની તારીખમાં ફેરફાર કરવામાં આવ્યો હતો .

ક્યારે અને ક્યાં જોવી :

હૈ જવાની તો ઇશ્ક હોના હૈ હવે 5 જૂન , 2026ના રોજ સિનેમાઘરોમાં રિલીઝ થશે . થિયેટર રન પૂરું થયા બાદ ફિલ્મ OTT પ્લેટફોર્મ Zee5 પર સ્ટ્રીમિંગ માટે ઉપલબ્ધ થઈ શકે .

ટ્રેલર અને પ્લોટ :

ફિલ્મમાં વરુણ ધવન ' જસ ' અને મૃણાલ ઠાકુર ' બાની ' ના પાત્રમાં જોવા મળશે . બંને કપલ છે અને ઘણા વર્ષોથી સાથે જીવન જીવી રહ્યા છે . જસ પિતા બનવાની ઈચ્છા રાખે છે , પરંતુ કેટલીક પરિસ્થિતિઓને કારણે તેઓ સંતાન પ્રાપ્ત કરી શકતા નથી . આ દરમિયાન જસ પોતાના જીવનમાં મોટો નિર્ણય લે છે  અને છૂટાછેડા વિશે  વિચારે છે . વાર્તામાં નવો વળાંક ત્યારે આવે છે જયારે જસ લંડનમાં પ્રીતને મળે છે અને પોતાની ઓળખ સિંગલ તરીકે આપે છે . બંને વચ્ચે નજીકતા વધતી જાય છે , પરંતુ ત્યારબાદ  પ્રેગ્નન્સીના સમાચાર આખી પરિસ્થિતિને બદલી નાખે છે .

કાસ્ટ અને ક્રૂ :

ફિલ્મમાં વરુણ ધવન સાથે મૃણાલ ઠાકુર અને પૂજા હેગડે મુખ્ય ભૂમિકામાં છે . આ ઉપરાંત ચંકી પાંડે , મોની રોય , મનીષ પોલ અને જિમી શેરગિલ પણ મહત્વપૂર્ણ  પાત્રોમાં જોવા મળશે . ફિલ્મ યુનુસ સજાવલે લખી છે , જયારે રમેશ તૌરાની અને ગૌરવ બોસે તેનું નિર્માણ કર્યું છે .

અભિપ્રાય :

ફિલ્મને લઈને દર્શકોમાં પહેલેથી જ ભારે ઉત્સાહ જોવા મળી રહ્યો છે અને રિલીઝ પહેલા જ તે સોશિયલ મીડિયા તથા મનોરંજન જગતમાં ચર્ચાનો વિષય બની ગઈ છે .