"કેન્ડી એન્ડ ધ પિઝા જિગર્લ " હવે OTT પર : રોમાંચ અને કોમેડીથી ભરપૂર ફિલ્મ

Candy and the Pizza Gigirl , જેનું દિગ્દર્શન અખિલ કપૂરે કર્યું છે , હવે OTT પર ઉપલબ્ધ છે . ફિલ્મ હળવી કોમેડી સાથે થોડું અસ્તવ્યસ્ત અને રોમાંચક તત્વો  ધરાવતી સ્ટોરી રજૂ કરે છે . વાર્તા એક પિઝા ગર્લ અને એવા બે પુરુષોની આસપાસ ફરે છે , જે સ્ત્રીઓને ખુશ કરીને પૈસા કમાવે છે અને જીવનનો આનંદ  માણવા માગે છે . પરંતુ તેઓને ખબર નથી કે આ રસ્તો તેમને મોટી મશ્કેલીમાં મૂકી શકે છે , ખાસ કરીને ત્યારે જયારે એક સ્ત્રી ખૂની સાબિત થાય છે અને  પરિસ્થિતિ બેકાબૂ બની જાય છે .

ક્યારે અને ક્યાં જોવી 
આ ફિલ્મ Amazon Prime Video પર જોવા માટે ઉપલબ્ધ છે . તે 10 એપ્રિલ , 2026ના રોજ રિલીઝ થઈ હતી .

ટ્રેલર અને પ્લોટ 
ફિલ્મનો ટ્રેલર નિનાદ કામત દ્રારા બોલાયેલ ડાયલોગથી શરૂ થાય છે ." જે કંઈ થાય છે , તે સારા માટે જ થાય છે , " જ્યાં તે વ્હિસ્કી રેડતો જોવા મળે છે . આગળ  તે કહે છે કે આધુનિક માણસે જીવનમાં માત્ર બે જ વસ્તુઓ પર ધ્યાન આપવું જોઈએ , પૈસા અને પ્રેમ . આ ફિલ્મમાં દારા સંધુ અને નિનાદ કામત એવા  પાત્રો ભજવે છે , જે વિવિધ મહિલાઓ સાથે સંબંધ બાંધીને કમાણી કરે છે . પરંતુ આ સરળ લાગતી જીવનશૈલી તેમને જોખમી પરિસ્થિતિમાં ધકેલી દે છે , જ્યાંથી બચવું મુશ્કેલ બની જાય છે .

કલાકરો અને ક્રૂ 
આ ફિલ્મમાં પ્રિયા બેનેર્જી પિઝા ગર્લ તરીકે , નિનાદ કામત બોબી તરીકે , દારા સંધુ મિકી તરીકે , અંકિત સાંઘવી પેડલર તરીકે અને નિમિષ શિંતોલે સની તરીકે જોવા મળે છે  . આ પ્રોજેક્ટ Elephant Blanco Pictures અને India Film Factory દ્રારા રજૂ કરવામાં આવ્યો છે .

અભિપ્રાય 
આ ફિલ્મ તાજેતરમાં જ રિલીઝ થઈ હોવાથી તેને હજી સુધી IMDb પર રેટિંગ મળ્યું નથી . તેમ છતાં , દર્શકોને ફિલ્મની અનોખી સ્ટોરી અને તેના ઉતાર ચઢાવથી  ભરપૂર પ્લોટમાં મજા આવી રહી છે .