iQOO Neo 11 Ultraની ખાસિયતો જાહેર , Dimensity 9500M ચિપ અને 2,000 nits બ્રાઇટનેસ મળશે

મોટી સ્માર્ટફોન કંપની Vivoની સબ - બ્રાન્ડ કંપની  iQOO ટૂંક સમયમાં iQOO Neo  11 Ultraને ચીનમાં લોન્ચ કરવા જઈ રહી છે . કંપનીએ જાહેરાત કરી છે કે 18 ઓગસ્ટે આ સ્માર્ટફોન સાથે iQOO Z11S પણ રજૂ કરવામાં આવશે . બંને સ્માર્ટફોન માટે પ્રી - ઓર્ડર શરૂ થઈ ગયા છે . લોન્ચ પહેલા જ કંપનીએ Neo 11 Ultraની ઘણી મહત્વપૂર્ણ ખાસિયતો જાહેર કરી છે . આ ફોનમાં 2K રિઝોલ્યુશનવાળી ફ્લેટ ડિસ્પ્લે , 9,100mAhની મોટી બેટરી અને MediaTek Dimensity 9500M પ્રોસેસર મળશે .

કંપનીએ Weibo પર શેર કરેલી માહિતી મુજબ ,  iQOO Neo  11 Ultra દુનિયાનો પહેલો સ્માર્ટફોન હશે જેમાં F2 લ્યુમિનેસન્ટ મટિરિયલનો ઉપયોગ કરવામાં આવ્યો છે . તેની ડિસ્પ્લે 2,000 nits સુધીની પીક બ્રાઇટનેસ આપશે , જેથી તેજ સૂર્યપ્રકાશમાં પણ સ્ક્રીન સરળતાથી જોઈ શકાય . ફોનમાં 98%  ફર્સ્ટ - ફ્રેમ બ્રાઇટનેસ આપવામાં આવ્યો છે , જે બહાર ઉપયોગી કરતી વખતે ડિસ્પ્લેને વધુ સ્પષ્ટ બનાવવામાં મદદ કરશે .

આ સ્માર્ટફોનની ડિસ્પ્લે આંખોની સુરક્ષાને પણ ધ્યાનમાં રાખીને તૈયાર કરવામાં આવી છે . કંપનીનો દાવો છે કે તે 5%થી ઓછી હાનિકારક બ્લૂ લાઈટ બહાર પાડશે , જેના કારણે લાંબા સમય સુધી ફોનનો ઉપયોગ કરવાથી આંખો પર ઓછો ભાર પડશે . આ ફોનમાં Circular Polarized Light 2.0 ફીચર પણ આપવામાં આવ્યો છે , જે વધુ સારો વ્યૂઇંગ અનુભવ આપવાનો દાવો કરે છે .

તાજેતરમાં MT6993M  મોડલ નંબર સાથે  iQOO Neo  11 Ultra China Telecomની વેબસાઈટ પર પણ જોવા મળ્યો હતો . લીક માહિતી અનુસાર , આ સ્માર્ટફોન 8GB + 256GB , 12GB + 256GB , 12GB + 512GB , 16GB + 256GB અને 16GB + 512GB  જેવા સ્ટોરેજ વિકલ્પોમાં ઉપલબ્ધ થઈ શકે છે તેમાં 6.83 ઇંચની મોટી ડિસ્પ્લે મળવાની પણ શક્યતા છે .

ડિઝાઈનની વાત કરીએ તો  iQOO Neo  11 Ultraમાં મેટલ ફ્રેમ , મેટ ફિનિશ અને પાછળના ભાગમાં 3D Flowing Light Effect 
મળશે . કંપની આ ફોનને ત્રણ કલર વિકલ્પોમાં લોન્ચ કરી શકે છે . આ ઉપરાંત ડિસ્પ્લેની ન્યૂનતમ બ્રાઇટનેસ 1 nit હશે , જેથી રાતના ઓછામાં પ્રકાશમાં પણ સ્ક્રીન આરામથી જોઈ શકાય .