Moto G96 5G ભારતમાં 9 જુલાઈએ 12 વાગે રજુ કરાશે

Moto G96 5G ભારતમાં 9 જુલાઈએ તેના સ્માર્ટફોન લોન્ચ કરશે. હેન્ડસેટનાં કલર, ફીચર્સ અને સ્પેસીફીકેશન્સની જાહેરાત કરી દેવામાં આવી છે અને તે પ્રમાણે આ ફોનમાં Qualcomm's Snapdragon 7s Gen 2 પ્રોસેસર આપવામાં આવ્યું છે જેનાથી વપરાશકર્તાને એક અનોખો અને અસરકારક અનુભવ થશે.Moto G96 5Gનાં ફોનને Qualcomm's Snapdragon 7s Gen 2 chipset અને ડ્યુઅલ રેર કેમેરા સેટઅપ અપાયું છે. જેમાં, 50-megapixel Sony Lytia 700C સેન્સર પણ રહેશે. આ ફોનનું ડિસ્પ્લે વળાંકવાળું રહેશે અને વોટર ટચ સપોર્ટ આપવામાં આવ્યું છે જેથી ફોન ભીનો હોય તો પણ તેની ટચસ્ક્રીન ધાર્યું પરિણામ આપી શકે. આ સાથે જ ધૂળ અને પાણીથી સુરક્ષા માટે તેને IP68 રેટિંગ પણ પ્રાપ્ત થયું છે. આ ફોનના અન્ય ઇસ્પેસિફિકેશન અંગે અગાઉ પણ સંકેત આપવામાં આવ્યા હતા.

Moto G96 5G હેન્ડસેટનાં કલર, ફીચર્સ અને સ્પેસીફીકેશન્સ

Moto G96 5G ભારતમાં 9 જુલાઈએ 12 વાગે રજુ કરાશે તેવું કંપનીએ તેના X પોસ્ટમાં જણાવ્યું છે. તેમાં જણાવ્યા પ્રમાણે ફોન Ashleigh Blue, Dresden Blue, Cattleya Orchid, અને Greener Pastures કલરમાં ઉપલબ્ધ કરશે. લાઈવ ફ્લિપકાર્ટ માઈક્રોસાઈટ સૂચવે છે કે, તે દેશની ઈ કોમર્સ સાઈટ દ્વારા ખરીદી શકાશે.
ફ્લિપકાર્ટની માઈક્રો સાઈટમાં દર્શાવ્યા પ્રમાણે Moto G96 5Gમાં Snapdragon 7s Gen 2 પ્રોસેસર આપવામાં આવ્યું છે. જેનાથી તેની કાર્યક્ષમતામાં સંતુલન જળવાશે. તેમાં ડ્યુઅલ રેર કેમેરા ફિટ કરાયા છે. 50-megapixel Sony Lytia 700Cનું પ્રાઈમરી સેન્સર કે જે OIS સપોર્ટ કરે છે. તેમાં એન્ડ્રોઇડ 15 ફિચરનો ઉપયોગ કરાયો છે અને તેમાં 12 GB RAM અને 256 GBની ઓનબોર્ડસ્ટોરેજ અપાઈ છે.

Moto G96 5G 6.67 ઇંચના કર્વ્ડ ડિસ્પ્લે અને 144Hz ના રિફ્રેશિંગ રેટ સાથે મળશે. તેમાં 1600 નિટ્સ સુધીનું બ્રાઇટનેસ સ્તર છે. તેમાં કોર્નિંગ ગોરીલા ગ્લાસ 5 ફિટ કરાયો છે જે ફોનની સુરક્ષા વધારશે. આંખો માટે સુરક્ષિત SGS સર્ટિફિકેટ કંપનીએ મેળવ્યું છે.

અગાઉ લીક થયેલી માહિતી પ્રમાણે Moto G 96 5Gમાં 5,500mAh battery અને ડ્યુઅલ કેમેરામાં 8-megapixel મેક્રો વિઝન કેમેરા અને 32-megapixel sensorનો ફ્રન્ટ કેમેરા ફિટ કરાયો છે.