OnePlus ભારતમાં સ્ટેબલ OxygenOS 16 અપડેટ રોલઆઉટ કરી રહ્યું છે.

OnePlus ભારતમાં OnePlus Nord 4 માટે સ્ટેબલ OxygenOS 16 અપડેટ રોલઆઉટ કરી રહ્યું છે. આ અંગે કંપનીએ મંગળવારે તેના કોમ્યુનિટી ફોરમમાં જાહેરાત કરી હતી. Googleના નવા Android 16 ઓપરેટિંગ સિસ્ટમ પર આધારિત, આ અપડેટ નવી ફ્લક્સ થીમ્સ, પેરેલલ પ્રોસેસિંગ અને ટ્રિનિટી એન્જિનમાં સુધારા, લિક્વિડ ગ્લાસ-પ્રેરિત યુઝર ઇન્ટરફેસ (UI), અને અનેક આર્ટિફિશીયલ ઇન્ટેલીજન્સ (AI) સુવિધાઓ આપે છે. વપરાશકર્તાઓ હોમ અને લોક સ્ક્રીન, તેમજ નોટિફિકેશન પેનલ અને ક્વિક સેટિંગ્સ વિંડો માટે વિસ્તૃત કસ્ટમાઇઝેશન વિકલ્પોનો લાભ લઈ શકે છે.

OnePlus Nord 4 માટે OxygenOS 16

OnePlus એ એક કોમ્યુનિટી પોસ્ટમાં Android 16-આધારિત OxygenOS 16 અપડેટના ભાગ રૂપે મળનારા ફિચર્સની માહિતી આપી હતી. આ અપડેટ શરૂઆતમાં ભારતમાં OnePlus Nord 4 વપરાશકર્તાઓ માટે બેચમાં રોલઆઉટ થઈ રહ્યું છે. તે આગામી થોડા અઠવાડિયાથી અન્ય પ્રદેશોમાં પણ ઉપલબ્ધ કરાવવામાં આવશે. આ અપડેટ બિલ્ડ નંબર CPH2661_16.0.1.301(EX01) સાથે આવે છે.

ચેન્જલોગ મુજબ, નવી ડિઝાઇન લેંગ્વેજ ગૌસીયન બ્લર ઇફેક્ટ્સ, ગોળાકાર ખૂણા અને અર્ધપારદર્શક ઇન્ટરફેસનો સમાવેશ થાય છે. આ ફેરફારો ક્વિક સેટિંગ્સ, હોમ સ્ક્રીન અને એપ ડ્રોઅરમાં દૃશ્યમાન છે. ડાર્ક મોડ માટે ખાસ સ્ટાઈલવાળા નવા હોમ સ્ક્રીન આઇકન છે. આઇકન નીચેનો ટેક્સ્ટ દૂર કરવામાં આવ્યો છે, અને સ્પષ્ટ દેખાવ માટે ઑપ્ટિમાઇઝ્ડ ગ્રીડ અને લેઆઉટ-મેકિંગ આઇકન, ફોલ્ડર્સ અને વિજેટ્સ છે.

કસ્ટમાઇઝેશન માટે, AI-પાવર્ડ ફ્લક્સ થીમ્સ છે, સાથે મોશન વૉલપેપર્સના નવા સેટ છે જે મોશન વિઝ્યુઅલ્સ આપે છે. વપરાશકર્તાઓ AI-સંચાલિત ડેપ્થ ઇફેક્ટ્સ સાથે તેમના વૉલપેપર તરીકે મોશન ફોટા અને વિડિઓઝ લગાવી શકે છે. વિજેટ નામો પણ કસ્ટમાઇઝ કરી શકાય છે અને વ્યક્તિગત અભિવ્યક્તિ માટે લોક સ્ક્રીન પર કસ્ટમ ટેક્સ્ટ સેટ કરી શકાય છે. તમારી લોક સ્ક્રીન પર તમે ઈચ્છો તે લખી શકશો. જે તમને વ્યક્તિગત અભિવ્યક્તિની છૂટ આપશે.

વનપ્લસ કહે છે કે AI સ્યુટમાં AI-સંચાલિત ફોટા પણ છે, જે સ્પ્લિટિંગ, મર્જિંગ અને પ્લેબેકને એડજસ્ટ કરવા જેવી નવી વિડિઓ એડિટિંગનું ફીચર આપશે. વધુમાં, AI પોર્ટ્રેટ ગ્લો પડકારજનક લાઇટિંગ પરિસ્થિતિઓને ઓળખવા અને સંતુલિત પ્રકાશ માટે અલ્ગોરિધમ લાગુ કરી શકે છે. OnePlus Nord 4 કન્ટેન્ટ જનરેટ કરવામાં મદદ કરવા માટે AI-સંચાલિત લેખન ક્ષમતાઓ પણ પ્રાપ્ત કરી રહ્યું છે. AI નોટ્સ અને AI રેકોર્ડર સુવિધાઓમાં પણ સુધારાઓ છે.

OxygenOS 16 પ્લસ માઇન્ડને માઇન્ડ સ્પેસમાં પણ ઉમેરે છે. તે ઓન-સ્ક્રીન કન્ટેન્ટને ઓળખી તેને કેપ્ચર કરવાનો દાવો કરે છે.

કંપનીના જણાવ્યા મુજબ, OnePlus Nord 4 માટે OxygenOS 16 અપડેટ સ્મૂધ ડિસ્પ્લે એનિમેશન, વિજેટ્સ, ફોલ્ડર્સ અને આઇકોન્સ માટે ફ્લુઇડ ડ્રેગ-એન્ડ-ડ્રોપ એનિમેશન અને તેના લ્યુમિનસ રેન્ડરિંગ એન્જિન દ્વારા સંચાલિત નવા લાઇટ-ફિલ્ડ મોશન ઇફેક્ટ્સ લાવે છે. OnePlus એપ લોન્ચ સ્પીડ, વિડીયો અને ગેમિંગમાં સ્મૂધ પરફોર્મન્સ, લાંબા કેમેરા સેશન, કેશ્ડ વિડિઓઝ માટે ઝડપી પ્રિવ્યૂ અને પાવર-સેવિંગ મોડ એનેબલ હોય ત્યારે ટાયર્ડ પરફોર્મન્સ મેનેજમેન્ટમાં સુધારાનો દાવો કરે છે.

દરમિયાન, ટિપસ્ટર અભિષેક યાદવ દાવો કરે છે કે OnePlus એ OnePlus Nord 5 અને OnePlus Nord 4 CE માટે પણ OxygenOS 16 રોલઆઉટ કરવાનું શરૂ કરી દીધું છે. જોકે, કંપની તરફથી હજુ સુધી કોઈ સત્તાવાર જાહેરાત કરવામાં આવી નથી.